Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ରହ୍ମପୁର ; ବ୍ରହ୍ମପୁର ବଡବଜାର ଥାନା ଅନ୍ତର୍ଗତ ଗଣେଶ ନଗରରେ ପୁଲିସ୍ ର ଚଢାଉ
  • ||
  • ନକଲି ଟମାଟ, ଚିଲି, ସୋୟା ସୋସ୍ ୟୁନିଟ୍ ଉପରେ ଚଢାଉ
  • ||
  • କେତେ ପରିମାଣର ନକଲି ସାମଗ୍ରୀ ଜବତ, ତାହା ତଦନ୍ତ ପରେ ଜଣାପଡିବ ବୋଲି ପୁଲିସର ସୂଚନା
  • ||
  • ବରଗଡ଼ରେ ବିରାଟ ଚାଷୀ ସମାବେଶ, ଯୋଗଦେଲେ ୧୦ ଜିଲ୍ଲାର ୫ ହଜାର କୃଷକ
  • ||
  • ଜୟପୁର : ଜୟପୁର କୋଟପାଡରେ ନକଲି ବିଦେଶୀ ମଦ କରାଖାନା ଠାବ, ବିପୁଳ ପରିମାଣର ନକଲି ମଦ
  • ||
  • ଜଳେଶ୍ଵର : STFର ଚଢାଉ ବେଳେ ଜଳେଶ୍ୱର ବଜାରରୁ ନକଲି ପାନ ମସଲା ଜବତ, ଦୁଇ ଅଟକ
  • ||
  • ଜଳେଶ୍ଵର : ଜଳେଶ୍ଵର ଝାଡ଼େଶ୍ୱରପୁର ବସ୍ତିରୁ ବିପୁଳ ପରିମାଣର ବ୍ରାଉନସୁଗାର ଜବତ, ଅଭିଯୁକ୍ତ ଫେରାର
  • ||
  • ବଲାଙ୍ଗୀର : ବୋଲେରୋ ଧକ୍କାରେ ସାଇକେଲ୍ ଆରୋହୀ ମୃତ, କ୍ଷତିପୂରଣ ଦାବିରେ ମୃତଦେହ ରଖି ରାସ୍ତାରୋକ
  • ||
  • ଭୁବନେଶ୍ବର : ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୪ ଛୁଇଁଲା ମୃତକଙ୍କ ସଂଖ୍ୟା
  • ||
  • କଟକ ନେତାଜୀ ବସ୍ ଟର୍ମିନାଲର ଶିଳାନ୍ୟାଶ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
  • ||

ଭାରତ ସେନା ଜାରି କଲା ୮୯ ଆପ୍ସର ତାଲିକା, ତୁରନ୍ତ ଡିଲିଟ୍ କରିବାକୁ ଯବାନଙ୍କୁ ନିର୍ଦ୍ଦେଶ

8/07/2020 at 10:51 PM

ନୂଆଦିଲ୍ଲୀ ୦୮।୦୭: ଭାରତରେ ୫୯ଟି ଚୀନ ଆପ୍‌କୁ ନିଷେଧ ପରେ ଭାରତୀୟ ସେନା ସନ୍ଦିଗ୍ଧ ଆପ୍ସ ବିରୋଧରେ କଡା ପଦକ୍ଷେପ ଉଠାଇଛି। ସେନା ସୂତ୍ର ଅନୁଯାୟୀ ୮୯ ଆପ୍ସର ତାଲିକା ଜାରି କରାଯାଇଛି ଏବଂ ସୈନିକ ସମେତ ପ୍ରତି ବିଭାଗର ସମସ୍ତ କର୍ମୀଙ୍କୁ ମୋବାଇଲ୍‌ରେ ଏଥି ମଧ୍ୟରୁ ଗୋଟିଏ ହେଲେ ଆପ୍ ନରଖି ତୁରନ୍ତ ଡିଲିଟ୍ କରିବାକୁ ସ୍ପଷ୍ଟ ଆଦେଶ ଦିଆଯାଇଛି।

ସେନା ତାଲିକାରେ କେବଳ ଚାଇନିଜ୍‌ ଆପ୍ ନାହିଁ…

ସେନା ପକ୍ଷରୁ ଜାରି ସୂଚୀରେ ଟିକ୍‌ଟକ୍ ପରି ଚାଇନିଜ୍‌ ଆପ୍‌ଠୁ ନେଇ ଫେସବୁକ୍, ଇନଷ୍ଟାଗ୍ରାମ, ଟ୍ରୁକଲର ପରି ଅନ୍ୟ ଲୋକପ୍ରିୟ ବିଦେଶୀ ଆପ୍‌ ସାମିଲ। କେବଳ ଏତିକି ନୁହେଁ ସୈନ୍ୟକର୍ମୀଙ୍କୁ ଏବେ ନିଜର ସ୍ମାର୍ଟଫୋନ୍‌ରେ ଟିଣ୍ଡର ଏବଂ କୁଚ୍‌ ସର୍ଫିଂ ପରି ଡେଟିଂ ଆପ୍‌ ମଧ୍ୟ ଡିଲିଟ୍ କରିବାକୁ ପଡିବ। ଏହା ସହିତ ଡେଲିହଣ୍ଟ୍ ପରି ନ୍ୟୁଜ୍‌ ଆପ୍‌କୁ ମଧ୍ୟ ତୁରନ୍ତ ଡିଲିଟ୍ କରିବାକୁ କୁହାଯାଇଛି।

ତାଲିକାରେ ବି ଫେସବୁକ୍‌

ସେନା ସେହି ଆପ୍ସରୁ ଦୂରେଇ ରହିବାକୁ ଆଦେଶ ଜାରି କରିଛି, ଯାହା ଉପରେ କେବେ ନା କେବେ ବ୍ୟକ୍ତିଗତ ତଥ୍ୟ ଚୋରି ହେବାର ଆରୋପ ଲାଗିଛି। ସେ ସମଗ୍ର ଦୁନିଆରେ ବହୁତ ଲୋକପ୍ରିୟ ଫେସବୁକ୍‌ ଆପ୍ ହେଉ ନା କାହିଁକି। ୨୦୧୮ରେ କେମ୍ବ୍ରିଜ୍‌ ଆନାଲିଟିକା କେସ୍‌ର ରହସ୍ୟ ପଦାକୁ ଆସିବା ମନେ ଥିବ।

ଏହି ଆପ୍‌ରୁ ମଧ୍ୟ ତଥ୍ୟ ଚୋରିର ସନ୍ଦେହ

ଅନ୍ୟପଟେ, ଚୀନ ଉପରେ ବିଭିନ୍ନ ଆପ୍ସ ଜରିଆରେ ବିଭିନ୍ନ ଦେଶର ଅତି ଗୋପନୀୟ ସୂଚନା ଚୋରି କରିବର ଅଭିଯୋଗ ହୋଇ ଆସିଛି। ଏହି କାରଣରୁ ଭାରତ ଟିକ୍‌ଟକ୍ ସମେତ ମୋଟ୍ ୫୯ଟି ଚୀନ ଆପ୍‌କୁ ନିଷେଧ କରିଛି। ଭାରତ ସରକାରଙ୍କ ଏହି ନିଷ୍ପତ୍ତି ପରେ ଏହି ସବୁ ଆପ୍ସକୁ ଗୁଗଲ ପ୍ଲେ ଷ୍ଟୋରରୁ ହଟା ଯାଇଛି। ମାତ୍ର ଯେଉଁ ସ୍ମାର୍ଟଫୋନ୍‌ରେ ଏହି ଆପ୍ ପୂର୍ବରୁ ରହିଛି, ସେଥିରେ ଏହା କାମ କରୁଛି। ଏଥିପାଇଁ ସେନାକୁ ନିଜର ବିଭାଗ ସମ୍ବନ୍ଧିତ ସମସ୍ତ କର୍ମୀଙ୍କୁ ଏମିତି ସବୁ ଆପ୍ସକୁ ଡିଲିଟ୍‌ କରିବାକୁ ଆଦେଶ ଜାରି କରିବାକୁ ପଡିଛି।

   Related Posts