Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗଜପତି : ଭିଜିଲାନ୍ସ ଜାଲରେ ନୂଆଗଡ଼ ଫରେଷ୍ଟର, ଏକକାଳୀନ ୪ଟି ସ୍ଥାନରେ ରେଡ୍
  • ||
  • ତେଲକୋଇ ରେଞ୍ଜରେ ହାତୀ ଆତଙ୍କ, ସନ୍ଧ୍ୟା ହେଲେ ଗାଁରେ ପଶି ନଷ୍ଟ କରୁଛନ୍ତି ଫସଲ
  • ||
  • ରାଜ୍ୟରେ ଏବେ ବର୍ଷା ନାହିଁ, ଶୁଖିଲା ଓ ଖରାଟିଆ ରହିବ ପାଗ
  • ||

ଚୀନ୍ ବିରୋଧରେ ଯୁଦ୍ଧ ପାଇଁ ଭାରତୀୟ ସେନାର ମଜବୁତ ପ୍ରସ୍ତୁତି, ଚିନୁକ, ଏମଆଇ-୧୭ ଏବଂ ଆପାଚେ ହେଲିକାପ୍ଟର ମୁତୟନ

5/10/2020 at 12:36 PM

ନୂଆଦିଲ୍ଲୀ ୫।୧୦: ଚୀନ୍ ସହ ଏଲଏସିରେ ଜାରି ରହିଥିବା ବିବାଦ ଏବଂ ଡ୍ରାଗନ୍ ଆର୍ମିର ଆକ୍ରମଣାତ୍ମକ ପଦକ୍ଷେପର ଜବାବ ଦେବା ପାଇଁ ଭାରତୀୟ ସୈନ୍ୟମାନେ ପ୍ରସ୍ତୁତ ହୋଇସାରିଲେଣି । ଏଥିପାଇଁ ବାରମ୍ବାର ସେନା ଏବଂ ବାୟୁସେନା ସାଧାରଣ ରଣନୀତି ଅନୁଯାୟୀ ମିଳିତ ଅଭ୍ୟାସ କରୁଛନ୍ତି।

ଲଦାଖ ଅଞ୍ଚଳରେ ମୁତୟନ ଜଣେ ବରିଷ୍ଠ ବାୟୁସେନା କମାଣ୍ଡର ଏକ ନ୍ୟୁଜ୍ ଏଜେନ୍ସିକୁ କହିଛନ୍ତି ଯେ, ମୁଖ୍ୟାଳୟର ନିର୍ଦ୍ଦେଶ ସ୍ପଷ୍ଟ ଯେ ସେନା ଏବଂ ଅନ୍ୟାନ୍ୟ ସୁରକ୍ଷା ବାହିନୀଙ୍କ ଦ୍ବାରା ଯାହା ଆବଶ୍ୟକ ହେଉଛି ତାହା ପୂରଣ କରାଯିବ । ଲେହରେ ଗୋଟିଏ ପଟେ ଭାରତୀୟ ବାୟୁସେନାର ସି୧୭ଏସ, ଇଲୁସିନ-୭୬ଏସ ଏବଂ ସି-୧୩୦ଜେ ସୁପର ହର୍କ୍ୟୁଲିସ୍ ବିମାନ ରାସନ ଏବଂ ଅନ୍ୟାନ୍ୟ ଜରୁରୀ ଜିନିଷ ଯୋଗାଉଛି । ଏହାସହ ସେମାନେ ଚୀନ୍ ସେନା ସହ ଲଢିବା ପାଇଁ ସମ୍ପୂର୍ଣ୍ଣ ପ୍ରସ୍ତୁତ ଅଛନ୍ତି ।

ଅଗ୍ରୀମ ଅଞ୍ଚଳରେ ମୁତୟନ ଜଣେ ସେନା ଅଧିକାରୀ କହିଛନ୍ତି ଯେ, ଆଜିକାଲି ପ୍ରତିରକ୍ଷା ମୁଖ୍ୟ ଜେନେରାଲ ବିପିନ ରାୱତ ଏବଂ ସ୍ଥଳସେନା ଏବଂ ବାୟୁସେନା ମୁଖ୍ୟଙ୍କ ମଧ୍ୟରେ ଆଲୋଚନା ହେଉଛି । ଚୀନ୍ ସୈନ୍ୟଙ୍କ ବିରୋଧରେ ମିଳିତ କାର୍ଯ୍ୟାନୁଷ୍ଠାନ ପାଇଁ ଯୋଜନା ଅଛି, ଯାହା କ୍ଷେତ୍ର ସ୍ତରରେ ମଧ୍ୟ ସାହାଯ୍ୟ କରୁଛି। ଦୁଇ ସେନା ମିଳିତ ଭାବେ କାର୍ଯ୍ୟ କରୁଛନ୍ତି। ଏହି ପ୍ରୟାସ ଭୂମିରେ ଦେଖିବାକୁ ମିଳୁଛି କାରଣ ଲଦାଖ ସେକ୍ଟର ଉଭୟ ଚୀନ୍ ଏବଂ ପାକିସ୍ତାନର ମୁକାବିଲା ପାଇଁ ପ୍ରସ୍ତୁତି ଜାରି ରହିଛି ।

୧୪ କୋର୍ ର ଜଣେ ମେଜର ଜେନେରାଲ ଅରବିନ୍ଦ କପୁର କହିଛନ୍ତି ଯେ, ଆମର ହେଲିକପ୍ଟର କଣ୍ଟେନର ବାସସ୍ଥାନକୁ ଉଠାଇବା ଏବଂ ସ୍ଥାନାନ୍ତର କରିବାକୁ ସକ୍ଷମ ଅଟେ । ଚୀନ୍ ସହିତ ଚାଲିଥିବା ମୁକାବିଲାରେ ଚିନୁକ୍, ଏମଆଇ-୧୭ ଏବଂ ଆପାଚେ ହେଲିକପ୍ଟର ସମେତ ଯୁଦ୍ଧ ବିମାନ ମଧ୍ୟ ଗୁରୁତ୍ବପୂର୍ଣ୍ଣ ଭୂମିକା ଗ୍ରହଣ କରୁଛି । ପୂର୍ବ ଲଦାଖରେ ଚୀନ୍ ଏବଂ ଅତ୍ୟଧିକ ଥଣ୍ଡାରେ ଯୁଦ୍ଧ କରୁଥିବା ସୈନ୍ୟମାନଙ୍କୁ ଆବଶ୍ୟକ ସାମଗ୍ରୀ ଯୋଗାଇବା ପାଇଁ ଏଲଏସି ଏବଂ ଲେହରୁ ସିନ୍ଧୁ ନଦୀ ଉପରେ ଚିନୁକ୍ ହେଲିକପ୍ଟରଗୁଡିକ ଉଡ଼ୁଥିବା ଦେଖିବାକୁ ମିଳିଥାଏ ।

   Related Posts