Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆମେରିକାର ପ୍ରଥମ ମହିଳା ଉପରାଷ୍ଟ୍ରପତି ହେଲେ କମଳା ହ୍ୟାରିସ୍
  • ||
  • ଆମେରିକାର ୪୬ ତମ ରାଷ୍ଟ୍ରପତି ଭାବେ ଶପଥ ନେଲେ ଜୋ ବାଇଡେନ୍‌
  • ||
  • ଆମେରିକାର ଉପ ରାଷ୍ଟ୍ରପତି ଭାବେ ଶପଥ ନେଲେ କମଳା ହ୍ୟାରିସ୍‌
  • ||
  • ଚାଷୀଙ୍କ ସହ ୧୦ମ ରାଉଣ୍ଡ ଆଲୋଚନା ଶେଷ, ସରକାର କହିଲେ ପ୍ରତ୍ୟାହାର ହେବନି କୃଷି ଆଇନ
  • ||
  • ପୋଖରୀରୁ ମିଳିଲା ମୁଣ୍ଡ ବିହୀନ ମୃତଦେହ, ପୋଲିସ ଆରମ୍ଭ କଲା ଖୋଳତାଡ଼
  • ||
  • ଢ଼େଙ୍କାନାଳ: ବନ ବିଭାଗର ଅତର୍କିତ ଚଢ଼ାଉ, ବିଭିନ୍ନ ବନ୍ୟଜନ୍ତୁଙ୍କ ଜାଲ ଜବତ, ୪ ଶିକାରୀ ଗିରଫ
  • ||
  • ବଲାଙ୍ଗୀର : ଟାଇଲ କାମ ବେଳେ ଅଘଟଣ, ଚାପି ହୋଇ ଜଣେ ଶ୍ରମିକ ମୃତ, ୨ ଗୁରୁତର
  • ||
  • ଢେଙ୍କାନାଳ : ଟ୍ରକ୍ ପଛରେ ଧକ୍କା ହେଲା ବାଇକ୍, ବାପା ମୃତ, ଝିଅ ଗୁରୁତର
  • ||
  • ଅନୁଗୋଳ : ଗଛ ତଳୁ ନବଜାତ ଶିଶୁ ପୁତ୍ର ଉଦ୍ଧାର
  • ||
  • ଭୁବନେଶ୍ବର : ବିଜେଡିରେ ମିଶିଲେ କରଞ୍ଜିଆ ଏନଏସିର ଶତାଧିକ ବିଜେପି ଓ କଂଗ୍ରେସ କର୍ମୀ
  • ||

ଏୟାର ଇଣ୍ଡିଆର ନବରାତ୍ର ଅଫର, ବିମାନରେ ଯାତ୍ରୀଙ୍କୁ ମିଳିବ ଖାସ୍ ଖାଦ୍ୟ

26/09/2019 at 7:53 PM

ନୂଆଦିଲ୍ଲୀ:  ପାଖେଇ ଆସୁଛି ନବରାତ୍ରୀ। ଦେବୀ ଦୁର୍ଗାଙ୍କ ଆରାଧନାରେ ମଗ୍ନ ହେବ ସାରା ଦେଶ। ଲୋକେ ନବରାତ୍ର ଉପବାସ ରଖିବେ। ଏଣୁ ନବରାତ୍ର ବେଳେ ବିମାନ ଯାତ୍ରୀଙ୍କ ଲାଗି ଏୟାର ଇଣ୍ଡିଆନ ଖାସ୍ ମେନ୍ୟୁ ପ୍ରସ୍ତୁତ କରିଛି। ନବରାତ୍ରରେ ଲୋକେ ସାଧାରଣତଃ ଉପବାସ ବ୍ରତ ରଖନ୍ତି। ଏଣୁ ବିମାନ ଯାତ୍ରୀ ଯେପରି ଖାଲିପେଟରେ ଯାତ୍ରା ନ କରନ୍ତି ସେଥିଲାଗି ସମସ୍ତ ବ୍ୟବସ୍ଥା କରାଯାଇଛି।

ତେବେ ଏଆଇ ତାଙ୍କର ଚିରାଚରିତ ମେନ୍ୟୁରେ କୌଣସି ପରିବର୍ତ୍ତନ କରି ନାହାନ୍ତି। ହେଲେ ନବରାତ୍ର ବ୍ରତ ରଖୁଥିବା ଲୋକଙ୍କ ଲାଗି ବିମାନରେ ସ୍ୱତନ୍ତ୍ର ଖାଦ୍ୟ ପ୍ରସ୍ତୁତ ରହିବ ବୋଲି ଏୟାର ଇଣ୍ଡିଆର ଜନୈକ ପ୍ରତିନିଧି କହିଛନ୍ତି। ଦେଶର ବିଭିନ୍ନ ଭାଗରେ ଲୋକେ ବ୍ରତପାଳନ ବେଳେ ଭିନ୍ନ ଭିନ୍ନ ଖାଦ୍ୟ ଖାଇଥାନ୍ତି। ତେବେ ସାରା ଦେଶରେ ନବରାତ୍ର ବେଳେ ଲୋକେ ସାଧାରଣ ଲବଣରେ ପ୍ରସ୍ତୁତ ଖାଦ୍ୟ ଖାଇନଥାନ୍ତି। ଏଣୁ ନବରାତ୍ର ବ୍ରତଧାରୀଙ୍କ ଲାଗି ଏହି ସମୟରେ ବିମାନରେ ସନ୍ଧୈବ ଲବଣରେ ପ୍ରସ୍ତୁତ ଖାଦ୍ୟ ମହଜୁଦ ରହିବ ବୋଲି ଅଧିକାରୀ କହିଛନ୍ତି।

ନବରାତ୍ର ଲାଗି ଏୟାର ଇଣ୍ଡିଆ କ୍ୟାଟରିଂ ବିଭାଗ ମଧ୍ୟ ବିଶେଷ ମେନ୍ୟୁ ଘୋଷଣା କରିଛନ୍ତି। ଯାତ୍ରୀଙ୍କୁ ବିମାନରେ ଚିରାଚରିତ ଖାଦ୍ୟ ବ୍ୟତୀତ ବିଭିନ୍ନ ଫଳ, ମଖନା, କାଜୁ, କିସ୍ ମିସ୍ ଓ ଅଖରୋଟ ଭଳି ବିଭିନ୍ନ ସୁଖିଲା ଖାଦ୍ୟ ସାଙ୍ଗକୁ ଖିରୀ, ପଟାଟୋ ଫ୍ରାଇ,ଆଲୁ କୁଟ୍ଟୁ ପକୋଡା ଓ ଦହି ଆଦି ପରସା ଯିବ ବୋଲି କହିଛନ୍ତି। ଏଣୁ ନବରାତ୍ରରେ ଯଦି ଟୁର ପ୍ରୋଗ୍ରାମ କରିଥାନ୍ତି ତେବେ ଉପବାସ ଲାଗି ଏବେ ଯାତ୍ରୀଙ୍କୁ ଆଉ ଚିନ୍ତା କରିବାକୁ ପଡିବନି। ବିମାନ ଯାତ୍ରା ସାଙ୍ଗକୁ ନବରାତ୍ରର ଖୋରାକ ବି ସେମାନଙ୍କୁ ବିମାନରେ ମିଳିଯିବ।  

   Related Posts