Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗ୍ଲୋବାଲ ମେୟର୍ସ ଚ୍ୟାଲେଞ୍ଜ-୨୦୨୧: ବିଶ୍ୱର ଶ୍ରେଷ୍ଠ ୧୫ ସହରରେ ରାଉରକେଲା, ଟ୍ୱିଟ୍‌ କରି ପ୍ରଶଂସା କଲେ ମୁଖ୍ୟମନ୍ତ୍ରୀ
  • ||

ପୁଣି ଥରେ ଉତ୍ତମ ବନ୍ଧୁର ପରିଚୟ ଦେଲା ଭାରତ: ବାୟୁସେନା ଚଳାଇଲେ ଅପରେସନ ସଞ୍ଜିବନି, ମାଳଦ୍ଵୀପରେ ପହଞ୍ଚାଇଲେ ଜରୁରୀ ସାମଗ୍ରୀ

2/04/2020 at 9:09 PM

ନୂଆଦିଲ୍ଲୀ ୦୨।୦୪: ଭାରତ ପୁଣି ଥରେ ପଡୋଶୀ ଦେଶ ପାଇଁ ବିପଦର ବନ୍ଧୁ ସାଜିଛି। ଭାରତୀୟ ବାୟୁସେନା ଓ ଭାରତୀୟ ଆର୍ମି ମିଶି ଭାରତରେ ଫସିଥିବା ୬.୨  ଟନର ସାମଗ୍ରୀ ମାଳଦ୍ଵୀପରେ ପହଞ୍ଚାଇଛନ୍ତି। ଏଥିରେ ଅତ୍ୟାବଶ୍ୟକ ଔଷଧ ଓ ଡାକ୍ତରୀ ଉପକରଣ ଥିଲା। ଏଥିରେ କ୍ୟାନ୍ସରଠୁ ନେଇ କରୋନା ଭାଇରସ୍‌ ରୋଗୀଙ୍କ ଚିକିତ୍ସା ପାଇଁ ବ୍ୟବହୃତ ଔଷଧ ମଧ୍ୟ ରହିଛି। ଭାରତର ଏହି ସହାୟତାରେ ମାଳଦ୍ଵୀପର ପ୍ରତିରକ୍ଷା ମନ୍ତ୍ରୀ ମାରିଆ ଦିଦି ଟୁଇଟ୍ କରି କହିଛନ୍ତି ଉତ୍ତମ ପଡୋଶୀ ସହ  ବନ୍ଧୁତ୍ଵର ସଂପର୍କ ପୁଣି ଥରେ ଆମ ପାଇଁ ସହାୟକ ହୋଇଛି।

ମାଳଦ୍ଵୀପର ସାହାଯ୍ୟ ପାଇଁ ଭାରତୀୟ ବାୟୁସେନା ଅପରେସନ ସଞ୍ଜିବନି ଆରମ୍ଭ କରିଥିଲେ ଏବଂ ୬.୨ ଟନ ସାମଗ୍ରୀ ବାୟୁ ସେନାର ସି-୧୩୦ ଏୟାରକ୍ରାଫ୍ଟରେ ନେଇ ପହଞ୍ଚାଇଥିଲେ। ଉଲ୍ଲେଖଯୋଗ୍ୟ, ଅଲଗା ଅଲଗା ପରିବହନ ଜରିଆରେ ଏହି ସବୁ ସାମଗ୍ରୀ ମାଳଦ୍ଵୀପ ଯିବାର ଥିଲା, ମାତ୍ର ୨୧ ଦିନିଆ ଲକ୍‌ଡାଉନ୍‌ କାରଣରୁ ଏହି ଔଷଧ ଓ ଡାକ୍ତରୀଉପକରଣ ଅନ୍ୟ କୌଣସି ପ୍ରକାରରେ ପଠାଯାଇ ପାରୁନଥିଲା।

ମାଳଦ୍ଵୀପର ଅନୁରୋଧ ପରେ ଭାରତୀୟ ବାୟୁସେନା ଅପରେସନ ସଞ୍ଜିବନୀ ଆରମ୍ଭ କରିଥିଲା। ଭାରତୀୟ ବାୟୁସେନାର ବିମାନ ଏହି ସାମଗ୍ରୀ ନୂଆଦିଲ୍ଲୀ, ମୁମ୍ବାଇ, ଚେନ୍ନାଇ, ମଦୁରାଇର ଏୟାରପୋର୍ଟରୁ ଉଠାଇ ଉଡାଣ ଭରିଥିଲା। ଏହି ସାମାନରେ ଉକ୍ତ ରକ୍ତଚାପ, ମଧୁମେହ, ଯକୃତ ସମ୍ବନ୍ଧିତ ରୋଗୀଙ୍କ ଔଷଧଠୁ ନେଇ ଆଣ୍ଟି ଭାଇରାଲ୍ ଓ କରୋନା ଔଷ ଥିଲା।

   Related Posts