Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାତ୍ୟା ‘ଜଓ୍ଵାଦ’ ପ୍ରଭାବ: ଆସନ୍ତାକାଲି ୧୯ ଜିଲ୍ଲାରେ ସ୍କୁଲ ଛୁଟି
  • ||
  • ରାଜଧାନୀ ଦିଲ୍ଲୀରେ ‘ଓମିକ୍ରନ’ ଆତଙ୍କ ! ବିଦେଶ ଫେରନ୍ତା ୧୨ ରୋଗୀ LNJPରେ ଭର୍ତ୍ତି
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୯ ହଜାରରୁ ଅଧିକ କରୋନା ପଜିଟିଭ୍, ୩୯୧ ମୃତ
  • ||
  • ଓ୍ୱାଙ୍ଖଡେ ଟେଷ୍ଟରେ ମୁହାଁମୁହିଁ ହେବେ ଭାରତ ଓ ନ୍ୟୁଜିଲାଣ୍ଡ : ଫେରିଲେ ବିରାଟ, ଦେଖିବାକୁ ମିଳିବ ରୋମାଞ୍ଚକର ଫାଇଟ୍
  • ||
  • ପାଟଣା ରେଞ୍ଜରେ ହାତୀ ଆତଙ୍କ, ନଷ୍ଟ କରୁଛନ୍ତି ପାଚିଲା ଧାନ
  • ||
  • ଓଡିଶାରେ ବିରଳ ଘଟଣା : ଯୁବକଙ୍କ ପେଟରୁ ବାହାରିଲା ଭ୍ରୂଣ, ୫ ଘଣ୍ଟାର ଅପରେସନ ପରେ ବାହାର କଲେ ଡାକ୍ତର
  • ||
  • ଚିନ୍ତା ବଢାଇଲା ଓମିକ୍ରନ, ଦକ୍ଷିଣ ଆଫ୍ରିକାରେ ଲକଡାଉନ୍: ଭାରତରେ ମଧ୍ୟ ସ୍ଥିତି ସାଂଘାତିକ
  • ||
  • ଓଡିଶାରେ ଘସି ହୋଇଯିବ ଜଓ୍ୱାଦ ! ଉପକୂଳରେ ପ୍ରବଳ ବର୍ଷା, ୯୦ କିମି ବେଗରେ ବହିବ ପବନ
  • ||
  • ଚୋରା କାରବାରରେ ନାବାଳକ : ନବମ ଶ୍ରେଣୀ ଛାତ୍ରଙ୍କ ବ୍ୟାଗରୁ ମିଳିଲା ୨ କେଜି ଅଫିମ
  • ||

ଟି-୨୦ ବିଶ୍ଵ କପ୍: ବ୍ୟାଟିଂ ଓ ବୋଲିଂରେ ମେନ୍ ଇନ୍ ବ୍ଲୁର ଜବରଦସ୍ତ ପ୍ରଦର୍ଶନ, ଅଷ୍ଟ୍ରେଲିଆକୁ ୮ ଓ୍ଵିକେଟ୍‌ରେ ହରାଇଲା ଭାରତ

20/10/2021 at 6:52 PM

ଦୁବାଇ ୨୦।୧୦: ଟି-୨୦ ବିଶ୍ଵ କପରେ ନିଜର ଅଭିଯାନ ପୂର୍ବରୁ  ଭାରତର ପ୍ରସ୍ତୁତି ଦମଦାର ରହିଛି। ଯାହାର ଝଲକ ଅଭ୍ୟାସ୍ ମ୍ୟାଚ୍‌ରେ ଦେଖିବାକୁ ମିଳିଛି। ଦ୍ଵିତୀୟ ଅଭ୍ୟାସ୍ ମ୍ୟାଚ୍‌ରେ ଉଭୟ ବ୍ୟାଟିଂ ଏବଂ  ବୋଲିଂରେ ଜବରଦସ୍ତ ପ୍ରଦର୍ଶନ କରି ଅଷ୍ଟ୍ରେଲିଆକୁ ୮ ଓ୍ଵିକେଟ୍‌ରେ ହରାଇଛି ଭାରତ। ପ୍ରଥମେ ବ୍ୟାଟିଂ କରି ଅଷ୍ଟ୍ରେଲିଆ ଷ୍ଟିଭ ସ୍ମିଥ୍‌(୫୭) ଓ ଷ୍ଟୋଇନ(୪୧ ରନ, ୨୫ ବଲ୍) ଜରିଆରେ ନିର୍ଦ୍ଧାରିତ ଓଭରରେ ୫ ଓ୍ଵିକେଟ୍ ହରାଇ ୧୫୨ ରନ କରିଥିଲା। ଜବାବରେ ରୋହିତ ଶର୍ମାଙ୍କ (୬୦ ରନ ଟିଟାୟର୍ଡ ହଟ୍), କେଏଲ ରାହୁଲ(୩୯) ଓ ସୂର୍ଯ୍ୟକୁମାର ଯାଦବ(୩୮ ଅପରାଜିତ) ବଳରେ ଭାରତ ୧୭.୫ ଓଭରରେ ଦୁଇ ଓ୍ଵିକେଟ୍ ହରାଇ ବିଜୟ ଲକ୍ଷ୍ୟ  ହାସଲ କରିଛି। ହାର୍ଦ୍ଦିକ ପାଣ୍ଡ୍ୟା ୧୪ ରନରେ ଅପରାଜିତ ଥିଲେ। ବୋଲିଂରେ ଭାରତ ପକ୍ଷରୁ ରବିଚନ୍ଦ୍ରନ ଅଶ୍ଵିନ ୮ ରନ ଦେଇ ୨ ଓ୍ଵିକେଟ୍ ନେଇଥିଲେ। ଏହା ପୂର୍ବରୁ ଭାରତ ପ୍ରଥମ ଓ୍ଵାର୍ମ ଅପ୍ ମ୍ୟାଚ୍‌ରେ ଇଂଲଣ୍ଡକୁ ୭ ଓ୍ଵିକେଟ୍‌ରେ ହରାଇଥିଲା।

ଟସ୍ ଜିତି ଅଷ୍ଟ୍ରେଲିଆ ପ୍ରଥମେ  ବ୍ୟାଟିଂ ନିଷ୍ପତ୍ତି ନେଇଥିଲା। ହେଲେ ଦ୍ଵିତୀୟ ଓଭରରେ ରବିଚନ୍ଦ୍ରନ ଅଶ୍ଵିନ କ୍ରମାଗତ ଦୁଇଟି ବଲ୍‌ରେ ଡେଭିଡ୍ ଓ୍ଵାର୍ଣ୍ଣର(୧) ଓ ମିଚେଲ୍ ମାର୍ଶ(୦)ଙ୍କୁ ଆଉଟ୍ କରିଥିଲେ। ପୁଣି ଫିଞ୍ଚ(୮) ରବୀନ୍ଦ୍ର ଜାଡେଜାଙ୍କ ଶିକାର ହୋଇଥିଲେ। ୧୧ ରନରେ ୩ ଓ୍ଵିକେଟ୍ ହରାଇବା ପରେ ଷ୍ଟିଭ୍ ସ୍ମିଥ୍ ଓ ଗ୍ଲେନ ମ୍ୟାକ୍ସଓ୍ଵେଲ ଚତୁର୍ଥ ଓ୍ଵିକେଟ୍‌ରେ ୬୧ ରନ ଯୋଡିଥିଲେ। ମ୍ୟାକ୍ସଓ୍ଵେଲ ୨୮ ବଲ୍‌ରୁ ୫ ଚୌକା ସହ ୩୭ ରନ କରି ରାହୁଲ ଚହରଙ୍କ ବଲ୍‌ରେ ବୋଲ୍ଡ ହୋଇଥିଲେ। ପୁଣି ସ୍ମିଥ୍ ଓ ମାର୍କସ ଷ୍ଟୋଇନିସ୍ ଦଳର ଇନିଂସକୁ ଆଗକୁ ବଢାଇଥିଲେ। ସ୍ମିଥ୍ ୪୮ ବଲ୍‌ରୁ ୭ ଚୌକା ସହ ୫୭ ରନର ଇନିଂସ ଖେଳିଥିଲେ। ଷ୍ଟୋଇନିସ୍  ବିସ୍ଫୋରକ ବ୍ୟାଟିଂ କରି ୨୫ ବଲ୍‌ରୁ ୪୧ ରନ କରିବାକୁ ଅଷ୍ଟ୍ରେଲିଆ ୫ ଓ୍ଵିକେଟ୍ ହରାଇ ୧୫୨ ରନ କରିଥିଲା। ଭାରତ ପକ୍ଷରୁ ଅଶ୍ଵିନ ୮ ରନ ଦେଇ ୨, ଭୁବନେଶ୍ଵର କୁମାର ୨୭ ରନ ଦେଇ ୧, ରବୀନ୍ଦ୍ର ଜାଡେଜା ୩୫ ରନ ଦେଇ ଓ ଏବଂ ରାହୁଲ ଚହର ୧୭ ରନ ଦେଇ ୧ ଓ୍ଵିକେଟ୍ ନେଇଥିଲେ।

ଜବାବରେ  ଭାରତର ଦୁଇ ଓପନର କେଏଲ ରାହୁଲ ଓ ରୋହିତ ଶର୍ମା  ଭାରତକୁ ଦମଦାର ଆରମ୍ଭ ଦେଇଥିଲେ। ୯.୨ ଓଭରରେ ଓପନର ଯୋଡି ୬୮ ରନ ଯୋଡି ବିଜୟ ମୂଳଦୁଆ ପକାଇଥିଲେ। କେଏଲ ରାହୁଲ ୩୯ ରନ କରି ଆଉଟ୍ ହୋଇଥିଲେ। ଏଥିରେ ୨ ଚୌକା ଓ ୩ ଛକା ସାମିଲ୍। ଅନ୍ୟପଟେ ରୋହିତ ଶର୍ମା ଜବରଦସ୍ତ ଅର୍ଦ୍ଧଶତକୀୟ ଇନିଂସ ଖେଳିଥିଲେ। ସେ ୪୧ ବଲ୍‌ରୁ ୫ ଚୌକା ଓ ୩ ଛକା ସହ ୬୦ ରନରେ ରିଟାୟର୍ଡ ହଟ୍ ହୋଇଥିଲେ। ପରେ ବାକି ଔପଚାରିକତା ପୂରଣ କରିଥିଲେ ସୂର୍ଯ୍ୟକୁମାର ଯାଦବ ଓ ହାର୍ଦ୍ଦିକ ପାଣ୍ଡ୍ୟା। ସୂର୍ଯ୍ୟକୁମାର ୩୮ ଏବଂ ହାର୍ଦ୍ଦିକ ୧୪ ରନରେ ଅପରାଜିତ ରହି ଦଳକୁ ୧୭.୫ ଓଭରରେ ୨ ଓ୍ଵିକେଟ୍ ହରାଇ ଜିତାଇଛନ୍ତି।

   Related Posts