Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୦୫ କରୋନା ସଂକ୍ରମିତ, ୧୦୫୦୩୫୪ରେ ପହଞ୍ଚିଲା ସଂଖ୍ୟା
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୩କୁ ବୃଦ୍ଧି
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୧୧ ମୃତ
  • ||
  • ଗୁଜୁରାଟରେ ଓମିକ୍ରନ ଗଞ୍ଜାମକୁ ବିପଦ : ବଢିବ ସଂକ୍ରମଣ ! ସତର୍କ କଲା ପ୍ରଶାସନ
  • ||
  • ଡ୍ରାଇଭରଙ୍କୁ ମାଗିଲେ ଲାଞ୍ଚ, ନଦେବାରୁ ଆକ୍ରମଣ କରି କଲେ ଲହୁଲୁହାଣ
  • ||
  • ଆଉ ବର୍ଷା ନାହିଁ, ବଦଳିବ ପାଗ : ୧୧ରୁ କମିଯିବ ଶୀତ
  • ||
  • ଆସୁଛନ୍ତି ପୁଟିନ : ମୋଦୀଙ୍କୁ ଭେଟିବେ, ବହୁ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ହେବ ଆଲୋଚନା
  • ||

ଆଣ୍ଠୁ ପାଇଁ ଅଟକି ଗଲେ ସୁନୀତା ଲାକ୍ରା , ଅନ୍ତର୍ଜାତୀୟ ହକିରୁ ନେଲେ ଅବସର…କହିବା ବେଳେ କାନ୍ଦି ପକାଇଲେ ୨୦୧୮ ଏସିୟାନ ଚାମ୍ପିୟନସିପ୍‌ର ରୌପ୍ୟ ବିଜୟିନୀ

2/01/2020 at 6:02 PM

ନୂଆଦିଲ୍ଲୀ ୦୨।୦୧- ଭାରତୀୟ  ମହିଳା ହକି ଦଳର ଡିଫେଣ୍ଡର ସୁନୀତା ଲାକ୍ରା ଅନ୍ତର୍ଜାତୀୟ ହକିରୁ ଅବସର  ନେଇଛନ୍ତି । ଆଣ୍ଠୁ  ଯନ୍ତ୍ରଣା କାରଣରୁ ସେ ଇଣ୍ଟରନ୍ୟାସନାଲ ହକିରୁ ଅବସର ନେଉଥିବା ଘୋଷଣା କରିଛନ୍ତି ।୨୦୧୮ ଏସିଆ କପ୍ରେ ସୁନୀତା ଲାକ୍ରାଙ୍କ ଅଧିନାୟକତ୍ୱରେ ଭାରତୀୟ ମହିଳା ହକି ରୌପ୍ୟ ପଦକ ଜିତିଥିଲା । କିନ୍ତୁ ଆଣ୍ଟୁ ଯନ୍ତ୍ରଣା ଯୋଗୁଁ  ସେ ଆନ୍ତର୍ଜାତୀୟ ହକିରୁ ଅବସର ନେବାକୁ ବାଧ୍ୟ ହେଉଥିବା ଘୋଷଣା କରିଛନ୍ତି ସୁନୀତା । ଏହା କହିବା ବେଳେ ହକି ସହ ତାଙ୍କର ସଂପର୍କ ନେଇ କହିବା ବେଳେ ଭାବପ୍ରବଣ ହୋଇ କାନ୍ଦି ପକାଇଥିଲେ ଓଡ଼ିଶାର ରାଜଗାଙ୍ଗପୁରର ଏହି ହକି ତାରକା। 

ଭାରତୀୟ ମହିଲା ହକି ଦଳର ପୂର୍ବତନ ଅଧିନାୟୀକା ୨୮ ବର୍ଷୀୟା ସୁନୀତା ଲାକ୍ରା ରାଜଗାଙ୍ଗପୁରର ବାସିନ୍ଦା । ମାତ୍ର ୬ ବର୍ଷ ବୟସରେ ସେ ହକି ଖେଳ ଆରମ୍ଭ କରିଥିଲେ । ତାଙ୍କ ଚାଷୀ ବାପା ଥିଲେ ଜଣେ ବ୍ୟତିକ୍ରମ । ତାଙ୍କ ଅଞ୍ଚଳର ପୁଅ-ଝିଅ ମାନେ ଫୁଟବଲ ଖେଳ ଆରମ୍ଭ କରୁଥିବା ବେଳେ ,ଝିଅକୁ ହକି ଖେଳ ପ୍ରତି ଆଗ୍ରହୀ କରାଥିଲେ ସେ ।ରାଉରକେଲା ସ୍ଥିତ ସାଇ ହଷ୍ଟେଲରେ ଆଡମିଶନ ସହ ହକି ଖେଳର ତାଲିମ ନେଇଥିଲେ ସୁନୀତା । ୨୦୦୯ରେ ସେ ଅନ୍ତର୍ଜାତୀୟ ହକି ରେ ପାଦ ଥାପି ଥିଲେ ।

ସେହି ଦିନଠାରୁ ଅବସର ପର୍ଯ୍ୟନ୍ତ ସୁନୀତା ଭାରତୀୟ ମହିଳ ହକି ଦଳର ମେରୁଦଣ୍ଡ ଭଳି ଥିଲେ ।ସେ ୧୩୯  ମ୍ୟାଚ୍ ଖେଳିଥିବା ବେଳେ ୨୦୧୮ ଏସିଆନ୍ ଚାମ୍ପିୟନସିପ୍ ଟ୍ରଫିରେ  ଭାରତକୁ ଦ୍ୱିତୀୟ ସ୍ଥାନକୁ ନେବା ତାଙ୍କର ସବୁଠୁ ବଡ କ୍ରେଡିଟ କୁହାଯାଏ । ଏହା ପୂର୍ବରୁ ୨୦୧୪ ଏସୀଆନ ଗେମ୍ସରେ  ବ୍ରଞ୍ଜ ପଦକ ବିଜୟୀ ଭାରତୀୟ ମହିଳା ହକି ଦଳରେ ସେ ଥିଲେ ଜଣେ ପ୍ରମୂଖ ଖେଳାଳି  । ୨୦୧୬ ରିଓ ଅଲିମ୍ପିକ୍ସରେ ସେ ଭାରତୀୟ ଦଳରେ ଥିଲେ । ଏଥିପାଇଁ ନିଜକୁ ବଗ୍ୟବାନ ମଣୁତିବା ସୁନୀତା ଲାକ୍ରା  ଟୋକିଓ ଅଲମ୍ପିକ୍ସରେ ବି ଖେଳିବାର ଆଶା ରଖିଥିଲେ । କିନ୍ତୁ ତାଙ୍କ ଆଣ୍ଠୁ  ଯନ୍ତ୍ରଣା ତାଙ୍କ ସ୍ୱପ୍ନକୁ ଭାଙ୍ଗି ଦେଲା ବୋଲି  କହିଛନ୍ତି ସୁନୀତା । କାରଣ ତାଙ୍କ ଆଣ୍ଠୁରେ ପୁଣିଥରେ ଅସ୍ତ୍ରୋପଚାର ହେବ ।

 ଭାରତୀୟ ହକି ଦଳରୁ ଅବ୍ୟାହତି ସହ ଭାରତୀୟ ଟିମ୍, ଟିମ୍ ମ୍ୟାନେଜମେଣ୍ଟ , ହକି ଇଣ୍ଡିଆ, ଦଲର ମୁକ୍ୟ କୋଚ୍ ସଜୋଏର୍ଡ ମାରିଜନେ ଏବଂ ସହ ଖେଳାଳି ସମସ୍ତଙ୍କୁ ଧନ୍ୟବାଦ ଜଣାଇଛନ୍ତି । ତାଙ୍କୁ ଦଳ ଦେଇଥିବା  ସମର୍ଥନ, ଅସ୍ତ୍ରେପଚାର ଏବଂ ଚିକିତ୍ସାରେ ସହାୟତା ଇତ୍ୟାଦି ଲାଗି ସେ ଅବସର ସମୟର ଜାରି ବବୃତ୍ତିରେ କୃତଜ୍ଞତା ଜଣାଇଛନ୍ତି । ଏହା ସହ ସେ ତାଙ୍କୁ ସମର୍ଥ ସହ ପ୍ରୋତ୍ସାହୀତ କରିଥିବା ତାଙ୍କ ପରିବାର, ପୋଲିସ ସେବାରେ ଥିବା ସ୍ବାମୀ ଦୀପକ ଟପ୍ପୋ ଏବଂ ଓଡ଼ିଶା ସହ ସାରା ଦେଶର ହକିପ୍ରେମୀ ପ୍ରଶଂସକଙ୍କୁ ବି ଧନ୍ୟବାଦ ଦେଇଛନ୍ତି ।

ତେବେ ଅବସର ପରେ ବି ସେ ତାଙ୍କୁ କର୍ମନିଯୁକ୍ତି ଦେଇଥିବା ନାଲକୋ ପାଇଁ ଖେଳ ଜାରି ରଖିବେ ବୋଲି କହିଛନ୍ତି । ସୁନୀତାଙ୍କ ଅବସର ଘୋଷଣାରେ ପ୍ରତିକ୍ରିୟା ରଖିଛନ୍ତି ସଜୋଏର୍ଡ ମାରିଜନେ । ସେ ଟ୍ୱିଟ୍ କରି ସୁନୀତାଙ୍କୁ ଜଣେ ମହାନ ଖେଳାଳି ବୋଲି ଦର୍ଶାଇଛନ୍ତି । ସେ ଲେଖିଛନ୍ତି ସୁନୀତାଙ୍କ ପ୍ରଶଂସନୀୟ କ୍ୟାରିୟର, ତାଙ୍କ ବ୍ୟକ୍ତିତ୍ୱ ଏବଂ ହକି ପ୍ରତି ନିଷ୍ଠା ଅନ୍ୟ ଖେଳାଳିଙ୍କ ପାଇଁ ଉଦାହରଣ ହୋଇ ରହିବ ।

   Related Posts