Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବରିଷ୍ଠ ସାମ୍ୱାଦିକ ବିନୋଦ ଦୁଆଙ୍କ ପରଲୋକ, କରୋନାରେ ହୋଇଥିଲେ ଆକ୍ରାନ୍ତ
  • ||
  • ଚାଲିପାରିଲାନି ବିଧାନସଭା, ସୋମାବାର ପର୍ଯ୍ୟନ୍ତ ମୁଲତବୀ ଘୋଷଣା କଲେ ବାଚସ୍ପତି
  • ||
  • ଭୁବନେଶ୍ବର : ଚଉଷଠୀ ଯୋଗିନୀ ମା’ ନାରାୟଣୀଙ୍କ ମନ୍ଦିରରୁ ଚୋରି, ମା’ଙ୍କ ମୂର୍ତ୍ତିରୁ ସୁନା ଅଳଙ୍କାର ତାଡି ନେଲେ ଦୁର୍ବୃତ୍ତ
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହୋଇଛନ୍ତି ୬୯୭୦ଜଣ ଭିକାରୀ, ୪୧୨୮ ପୁରୁଷ ଓ ୨୮୪୨ ମହିଳା
  • ||
  • ଭୁବନେଶ୍ବର : ବର୍ତ୍ତମାନ ସୁଦ୍ଧା ରାଜ୍ୟରେ ଓମିକ୍ରନ୍ ଚିହ୍ନଟ ହୋଇନାହିଁ : DMET
  • ||
  • ଭୁବନେଶ୍ବର : ଗୃହରେ ବିରୋଧୀଙ୍କ ପ୍ରତିବାଦ ପ୍ରସଙ୍ଗ, ବିଧାୟିକା ସ୍ନେହାଙ୍ଗୀନି ଛୁରିଆ କହିଲେ- ‘ଏହା ଗଣତନ୍ତ୍ର ପ୍ରତି ସୁସ୍ଥ ବାତାବରଣ ନୁହଁ’
  • ||
  • ଭୁବନେଶ୍ବର : ଦୁର୍ବଳ ହେବାରେ ଲାଗିଛି ବାତ୍ୟା : ରାଜସ୍ବ ମନ୍ତ୍ରୀ
  • ||
  • ଭୁବନେଶ୍ବର : ମମିତା ଝଡ ଧୀରେ ଧୀରେ ମହାବାତ୍ୟା ଆଡକୁ ମୁହାଁଇବ : ବିଷ୍ଣୁ ସେଠୀ
  • ||
  • ପୁରୀ : ପୁରୀ ବେଳାଭୂମିରେ ଲାଗିଲା ରେଡ୍ ଫ୍ଲାଗ୍, ଜନସାଧାରଣଙ୍କୁ ଯିବା ଲାଗି ବାରଣ
  • ||
  • ପଦାର୍ଥ ବିଜ୍ଞାନୀ ପଦ୍ମଭୂଷଣ ତ୍ରିଲୋଚନ ପ୍ରଧାନଙ୍କ ପରଲୋକ
  • ||

୨-୧ରେ ସିରିଜ ହାରିଲା ଅଷ୍ଟ୍ରେଲିଆ, ୭ ୱିକେଟ୍‌ରେ ଭାରତର ଦମଦାର ବିଜୟ

19/01/2020 at 8:44 PM

ବେଙ୍ଗାଲୁରୁ ୧୯।୧:  ଭାରତ-ଅଷ୍ଟ୍ରେଲିଆ ୩ ଟିକିଆ ଏକଦିବସୀୟ ସିରିଜ୍‌କୁ ଟିମ୍ ଇଣ୍ଡିଆ ବେଶ ସହଜରେ ହାତେଇ ନେଇଛି। ଫଳରେ ୨-୧ରେ ଭାରତ ହାରିବ ବୋଲି ଟାଣରେ କହିଥିବା ଅଷ୍ଟ୍ରେଲିଆ କ୍ୟାପ୍ଟେନ ଆରୋନ ଫିଞ୍ଚଙ୍କ ମୁହଁ ଖଟ୍ଟା ହୋଇଯାଇଛି। ଅଷ୍ଟ୍ରେଲିଆର ୨୮୬ ରନ ଟାର୍ଗେଟ୍ କୁ ଭାରତ ୭ ୱିକେଟ୍ ଓ ୩ ରନରେ ହାସଲ କରିନେଇଛି।  

ବେଙ୍ଗାଲୁରୁ ଏମ୍. ଚିନ୍ନାସ୍ୱାମୀ ଷ୍ଟାଡିୟମରେ ଭାରତ ଓ ଅଷ୍ଟ୍ରେଲିଆ ମଧ୍ୟରେ ଖେଳାଯାଇଥିବା ଅନ୍ତିମ ତଥା ନିର୍ଣ୍ଣାୟକ ମୁକାବିଲାରେ ଭାରତ ୭ ଓ୍ୱିକେଟରେ ବିଜୟୀ ହୋଇଛି। ଏହାସହ ଭାରତ ତିନିଟିକିଆ ସିରିଜକୁ ୨-୧ରେ ହାତେଇଛି। ପ୍ରଥମେ ବୋଲରଙ୍କ ମାପଚୁପ ବୋଲିଂ ଓ ରୋହିତ ଶର୍ମା ଓ ବିରାଟ କୋହଲିଙ୍କ ଦମଦାର ଇନିଂସ ଭାରତକୁ ବିଜୟୀ କରାଇଛି।

ଟସ୍ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିବା ଅଷ୍ଟ୍ରେଲିଆ ବଡ ସ୍କୋର କରିବା ଲକ୍ଷରେ ଥିଲା। କିନ୍ତୁ ଓପ୍ନର ତଥା ଇନଫର୍ମ ବ୍ୟାଟସମ୍ୟାନ୍ ଡେଭିଡ୍ ଓ୍ୱାର୍ଣ୍ଣର ମାତ୍ର ୩ରନରେ  ଆଉଟ୍ ହୋଇଯିବା ଦଳକୁ ଝଟକା ଦେଇଥିଲା। ଏହାପରେ ଆରୋନ ଫିଞ୍ଚ ମାତ୍ର ୧୯ ରନରେ ଆଉଟ ହୋଇଥିଲେ। ତେବେ ଷ୍ଟିଭ୍ ସ୍ମିଥ ଧର୍ଯ୍ୟର ସହ ବ୍ୟାଟିଂ କରି ଶତକ ପୂରଣ କରିଥିଲେ। ସେ ୧୩୧ବଲରୁ ୧୩୨ ରନ କରି ଦଳର ସ୍ଥିତିକୁ ମଜଭୁତ କରିଥିଲେ। ଅନ୍ୟମାନଙ୍କ ମଧ୍ୟରେ ମାର୍ନସ୍ ଲାବୁସେନ୍ ୫୪ ରନ କରି ରବୀନ୍ଦ୍ର ଜାଡେଜାଙ୍କ ଶିକାର ହୋଇଥିଲେ। ସେହିପରି ମିଚେଲ୍ ଷ୍ଟାର୍କ୍ ଶୁନ୍ୟରେ  ଓ ଆଲେକ୍ସ୍ କେରୀ ୨୫ ରନରେ ଆଉଟ୍ ହେବା ଦଳ ଲାଗି ଦୁର୍ଭାଗ୍ୟପୂର୍ଣ୍ଣ ଥିଲା।

ଭାରତ ପକ୍ଷରୁ ମହମ୍ମଦ ସାମି ସର୍ବାଧିକ ୪ଟି, ରବୀନ୍ଦ୍ର ଜାଡେଜା ୨ଟି ଓ୍ୱିକେଟ୍ ନେଇଥିବା ବେଳେ ନବଦୀପ ସାଇନୀ ଓ କୂଳଦୀପ ଯାଦବ ଗୋଟିଏ ଲେଖାଏଁ ଓ୍ୱିକେଟ୍ ନେଇଛନ୍ତି। 

ଦ୍ୱିତୀୟ ପାଳିରେ ଭାରତ ପାଇଁ ଓପ୍ନିଂ ଯୋଡିରେ କେ.ଏଲ. ରାହୁଲ ଓ ରୋହିତ ଶର୍ମା ଓହ୍ଲାଇଥିଲେ। ଶିଖର ଧାଓ୍ୱନ ଫିଲ୍ଡିଂ ବେଳେ ଆହତ ହେତୁ ବ୍ୟାଟିଂ କରିପାରି ନଥିଲେ। ତେବେ ଦୁଇ ଓପ୍ନର ଭଲ ସ୍କୋର ଅଭିମୁଖେ ଗତି କରିବା ବେଳେ ରାହୁଲ ୧୯ ରନରେ ଆଉଟ୍ ହୋଇଥିଲେ। କିନ୍ତୁ ରୋହିତ ନିଜ ଅନ୍ଦାଜରେ ବ୍ୟାଟିଂ ଜାରି ରଖିଥିଲେ। ରୋହିତ ଶତକ ହାସଲ କରିବା ସହ ଆକ୍ରମଣାତ୍ମକ ଖେଳିଥିଲେ।

ରୋହିତ ୧୨୮ ବଲରୁ ୧୧୯ ରନ କରି ଆଉଟ୍ ହୋଇଥିଲେ। ଏହି ଇନିଂସରେ ୬ଟି ଛକ୍କା ଓ ୮ଟି ଚୌକା ରହିଥିଲା। ସେହିପରି ବିରାଟ ମଧ୍ୟ ଦମଦାର ୮୯ ରନ କରି ଆଉଟ୍ ହୋଇଥିଲେ ।ଅନ୍ୟମାନଙ୍କ ମଧ୍ୟରେ ଶ୍ରେୟସ ଆୟାର ଉପଯୋଗୀ ୪୪ ରନ କରିଥିଲେ। ଫଳରେ ଭାରତ ୪୭.୩ ଓଭରରେ ୩ ଓ୍ୱିକେଟ୍ ହରାଇ ବିଜୟଲକ୍ଷ୍ୟ ହାସଲ କରିନେଇଥିଲା। ଅଷ୍ଟ୍ରେଲିଆ ପକ୍ଷରୁ ପେଟ୍ କମିନ୍ସ୍, ଆଡାମ ଜାମ୍ପା ଓ ମିଚେଲ୍ ଷ୍ଟାର୍କ୍ ଗୋଟିଏ ଲେଖାଏଁ ଓ୍ୱିକେଟ୍ ନେଇଛନ୍ତି।

   Related Posts