Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କୃଷକଙ୍କ ପରି ଆମକୁ ମଧ୍ୟ ଦେବାକୁ ପଡିବ ବଳିଦାନ, ତେବେ ଯାଇ ଜାମ୍ମୁ-କାଶ୍ମୀରରେ ଲାଗୁ ହେବ ୩୭୦: ଫାରୁକ ଅବଦୁଲ୍ଲା
  • ||
  • ମଙ୍ଗଳବାର କଥା ହେବେ ପୁଟିନ୍ ଓ ବାଇଡେନ୍, ୟୁକ୍ରେନ ହେବ ମୁଖ୍ୟ ପ୍ରସଙ୍ଗ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୨କୁ ବୃଦ୍ଧି
  • ||
  • ମାଆର ସାହସ ଆଗରେ ହାରିଲା ବାଘ, ନିଜ ପୁଅକୁ ମୃତ୍ୟୁ ମୁଖରୁ ଛଡାଇ ଆଣିଲେ ମହିଳା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୭୯୬ ମୃତ
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୮୯ କରୋନା ସଂକ୍ରମିତ, ୧୦୫୦୨୪୯ରେ ପହଞ୍ଚିଲା ସଂଖ୍ୟା
  • ||
  • ୟୁକ୍ରେନ ଉପରେ ଆକ୍ରମଣ କରିବ ଋଷ ! ପୁଟିନଙ୍କ ଦେଢ ଲକ୍ଷରୁ ଅଧିକ ସୈନ୍ୟ ଅଛନ୍ତି ପ୍ରସ୍ତୁତ
  • ||
  • ଜାନୁଆରୀ-ଫେବୃଆରୀ ମଧ୍ୟରେ ଭାରତରେ ଆସିବ ତୃତୀୟ ଲହର, ଓମିକ୍ରନ୍ ସାଜିବ ବାହକ : ଦାବି କଲେ ବିଶେଷଜ୍ଞ
  • ||
  • ଚାଲିଥିଲା ଧାନ ଚୋରା ଚାଲାଣ, ୨୨୦ ବସ୍ତା ଜବତ କଲା ଯୋଗାଣ ବିଭାଗ
  • ||
  • ଜଓ୍ୱାଦ ଦୁର୍ବଳ, ଟଳିଲା ବଡ ବିପଦ : ପୁରୀଠୁ ୨୭୦ କିମି ଦୂରରେ କେନ୍ଦ୍ରୀଭୂତ
  • ||

ଆଗାମୀ ମାସରେ ଭାରତକୁ ମିଳିବ ବିଶ୍ୱର ସବୁଠୁ ଶକ୍ତିଶାଳୀ ଘାତକ ଅସ୍ତ୍ର, ମୁହଁ ବୁଲେଇ ଅନେଇ ପାରିବେନି ଶତ୍ରୁ

13/11/2021 at 9:43 PM

ନୂଆଦିଲ୍ଲୀ ୧୩।୧୧: ଆାଗମୀ ମାସରେ ଭାରତକୁ ଋଷିଆରୁ ଏପର୍ଯ୍ୟନ୍ତ ସବୁଠୁ ଘାତକ ମନେ କରାଯାଉଥିବା ଏସ-୪୦୦ ମିସାଇଲ ଡିଫେନ୍ସ ସିଷ୍ଟମ ମିଳିବାକୁ ଯାଉଛି। ଏହା ଏପରି ଏକ କ୍ଷେପଣାସ୍ତ୍ର ପ୍ରତିରକ୍ଷା ପ୍ରଣାଳୀ ଯାହା ଭାରତର ସୁରକ୍ଷାକୁ ଆହୁରି ମଜଭୁତ କରିବ। ୧୫ ଅକ୍ଟୋବାର ୨୦୧୬ରେ ଏହି କ୍ଷେପଣାସ୍ତ୍ର ପ୍ରଣାଳୀ ଲାଗି ଭାରତ ଓ ଋଷିଆ ମଧ୍ୟରେ ସରକାରୀ ସ୍ତରରେ ବୁଝାମଣା ହୋଇଥିଲା। ଏହା ଅନୁନ୍ୟ ୪୦ ହଜାର କୋଟି ଟଙ୍କାର କାରବାର ହୋଇଥିବା ବେଳେ ପ୍ରାୟ ୫ ବର୍ଷ ପରେ ଭାରତକୁ ଏହି ପ୍ରତିରକ୍ଷା ପ୍ରଣାଳୀ ମିଳିବାକୁ ଯାଉଛି।

ଏସ-୪୦୦ ମିଜାଇଲ ଡିଫେନ୍ସ ସିଷ୍ଟମକୁ ବିଶ୍ୱର ସବୁଠୁ ସଫଳ ଏୟାର ଡିଫେନ୍ସ ସିଷ୍ଟମ ବୋଲି କୁହାଯାଉଛି। ଏହା ଏକ ମୋବାଇଲ ପ୍ରଣାଳୀ, ଅର୍ଥାତ ଏହାକୁ ଗୋଟିଏ ସ୍ଥାନରୁ ଆଉ ଗୋଟିଏ ସ୍ଥାନକୁ ସହଜରେ ପରିବହନ କରିନେଇ ହେବ। ଏହି ପ୍ରଣାଳୀ ଏକ ବିଶାଳ ଟ୍ରକରେ ରାଡାର ଓ ମିସାଇଲ ଲଞ୍ଚର ସହ ଫିଟ ରହିଥାଏ। ମାତ୍ର କିଛି ମିନିଟ୍‌ରେ ସମ୍ପୂର୍ଣ୍ଣ ସିଷ୍ଟମକୁ ଆକ୍ରମଣ ଲାଗି ସଚଳ କରିଦିଆଯାଇପାରେ।

ଏଥିରେ ଖାସ୍ ୯୨ଏନ୬ଇ ଇଲେକ୍ଟ୍ରୋନିକାଲି ଷ୍ଟିୟରଫେଜଡ୍ ଏରୋ ରାଡାର ରହିଛି। ଯାହା ୬୦୦ କିଲୋମିଟର ଦୂରରୁ ୩୦୦ ଲକ୍ଷକକୁ ଏକକାଳୀନ ସନ୍ଧାନ କରିପାରେ। ଏହି ସବୁ ଲକ୍ଷକୁ ଧ୍ୱଂସ କରିବା ଲାଗି ସିଷ୍ଟମ ପୃଥକ ପୃଥକ ୪ଟି ମିସାଇଲର ଉପଯୋଗ ମଧ୍ୟ କରିପାରେ। ନାମ ଅନୁସାରେ ପ୍ରତ୍ୟେକ ଏସ-୪୦୦ ସିଷ୍ଟମରେ ୪ଟି ପୃଥକ ମିସାଇଲ ରହିବାର ବ୍ୟବସ୍ଥା ରହିଛି। ଏଥିରେ ପ୍ରଥମ କ୍ଷେପଣାସ୍ତ୍ର ୪୦୦ କିମି ଦୁର, ଦ୍ୱିତୀୟ ୨୦୦ କିମି ,ତୃତୀୟ ୧୦୦ କିମି ଓ ଚତୁର୍ଥ ୪୦ କିମି ଦୂରରେ ଲକ୍ଷକୁ ନଷ୍ଟ କରିପାରିବ।

ଏହି କ୍ଷେପଣାସ୍ତ୍ର ପ୍ରଣାଳୀର ଆକ୍ରମଣରୁ କୌଣସି ଟାର୍ଗେଟ ବର୍ତ୍ତିବା ପ୍ରାୟ ଅସମ୍ଭବ। ଏହା ଛଡା ପୃଥିବୀ ପୃଷ୍ଠରେ ୧୦୦ ଫୁଟରୁ ଆରମ୍ଭ କରି ୪୦ ହଜାର ଫୁଟ ଉଚ୍ଚତାରେ ଟାର୍ଗେଟକୁ ଧ୍ୱଂସ କରିପାରିବ। ଏହି ସିଷ୍ଟମ ଏକକାଳୀନ ଅନେକ ବିମାନ ଆକ୍ରମଣର ଜବାବ ମଧ୍ୟ ଦେଇପାରିବ। ଏଥିରେ ଯୁଦ୍ଧବିମାନରୁ ଆରମ୍ଭ କରି କ୍ରୁଜ କ୍ଷେପଣାସ୍ତ୍ରର ବି ମୁକାବିଲା ସମ୍ଭବ। ଏହା ଛଡା ଏସ-୪୦୦ ଇଲେକ୍ଟ୍ରୋନିକ୍ ଜାମିଙ୍ଗକୁ ମଧ୍ୟ ଭାଙ୍ଗିପାରିବ।

   Related Posts