Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପରୀ ହତ୍ୟା ମାମଲା, SIT ତଦନ୍ତରେ ହାଇକୋର୍ଟ ସନ୍ତୁଷ୍ଟ- ବିଜେଡି
  • ||
  • ଶଙ୍ଖ ନଦୀରେ ବୁଡ଼ି ଜଣେ ଯୁବକ ନିଖୋଜ, ୪ ଜଣ ହସ୍ପିଟାଲରେ ଭର୍ତ୍ତି
  • ||
  • ତାଳପଦର ବିଜୁ ସେତୁ ଭୁଶୁଡିବା ଘଟଣା: ଗ୍ରାମ୍ୟ ଉନ୍ନୟନ ବିଭାଗ ଏସ୍‌ଡିଓ ଅସିତ ପାତ୍ର ଗିରଫ
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୦ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୮୩ କୋଭିଡ୍ ସଂକ୍ରମିତ, ୩୩୩୩୧୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ କମୁଛି କୋଭିଡ଼ ସଂକ୍ରମଣ, ଗତ ୨୪ଘଣ୍ଟାରେ ୧୫,୧୪୪ କରୋନା ସଂକ୍ରମିତ ଚିହ୍ନଟ
  • ||
  • ଜୟପୁର : ଚଳନ୍ତା ବସ୍‌ରେ ଲାଗିଲା ବିଦ୍ୟୁତ ତାର ; ୬ ମୃତ , ୧୭ ଗୁରୁତର
  • ||
  • ଅପରେସନ ଗ୍ରୀନ କ୍ଲିନ, ପ୍ରାୟ ୧୨ କୋଟି ଟଙ୍କାର ଗଞ୍ଜେଇ ଚାଷ ନଷ୍ଟ
  • ||
  • ଦିଲ୍ଲୀ: କରୋନା ଟିକା ନେବା ପରେ ୫୧ ଜଣଙ୍କ ଠାରେ ଦେଖାଗଲା ପାର୍ଶ୍ବ ପ୍ରତିକ୍ରିୟା
  • ||

ଆଜି ଲକ୍ଷ୍ନୌରେ ଦ୍ୱିତୀୟ ଟି-ଟ୍ୱେଣ୍ଟି : ପିଚରେ ପଡିଛି ଓଡିଶା ମାଟି

6/11/2018 at 3:04 PM

ଲକ୍ଷ୍ନୌ ୬/୧୧ : ଆଜି ଲକ୍ଷ୍ନୌ ଠାରେ ଭାରତ ୱେଷ୍ଟଇଣ୍ଡିଜ ମଧ୍ୟରେ ଖେଳାଯିବ ଦ୍ୱିତୀୟ ଟି-ଟ୍ୱେଣ୍ଟି ମ୍ୟାଚ | ଲକ୍ଷ୍ନୌର ଏକନା ଷ୍ଟାଡିୟମରେ ଏହି ମ୍ୟାଚ ଖେଳାଯିବ | ଆଜି ମ୍ୟାଚ ଅନୁଷ୍ଠିତ ହେବ ପୂର୍ବରୁ ଗତକାଲି ଏହି ଷ୍ଟାଡିଅମର ନାଁ ପରିବର୍ତ୍ତନ କରି ଭାରତ ରତ୍ନ ଅଟଳ ବିହାରୀ ବାଜପାୟୀ ଅନ୍ତରାଷ୍ଟ୍ରୀୟ ଷ୍ଟାଡିୟମ ନାମରେ ନାମିତ କରାଯାଇଛି | ଦୀର୍ଘ ୨୪ ବର୍ଷ ପରେ ଏହି ଷ୍ଟାଡିୟମରେ ଅନ୍ତରାଷ୍ଟ୍ରୀୟ ମ୍ୟାଚ ଖେଳାଯିବ | ତେବେ ସବୁଠୁ ରୋଚକ ଖବର ହେଉଛି, ଏହି ଷ୍ଟାଡିୟମରେ ତିଆରି ହୋଇଥିବା ପିଚରେ ଯେଉଁ ମାଟି ପଡିଛି ତାହା ଓଡିଶାର | ଓଡିଶାର ବଲାଙ୍ଗୀର ଜିଲ୍ଲାରୁ ଏହି ମାଟି ନେଇ ପିଚ ନିର୍ମିତ ହୋଇଥିବା ବିସିସିଆଇର ମୁଖ୍ୟ କ୍ୟୁରେଟର ଦଳଜିତ ସିଂ ସୂଚନା ଦେଇଛନ୍ତି | ତେବେ ଏହି ମତ କାରଣରୁ ଆଜିର ମ୍ୟାଚ ଲୋ ସ୍କୋରିଂ ହେବ ବୋଲି ସେ ଆଶଙ୍କା ପ୍ରକାଶ କରିଛନ୍ତି |

ଟି-ଟ୍ୱେଣ୍ଟି ମ୍ୟାଚ ସାଧାରଣତଃ ଆକର୍ଷଣୀୟ ବ୍ୟାଟିଂ ପାଇଁ ରୋଚକ ହୋଇଥାଏ | କିନ୍ତୁ ଆଜିର ମ୍ୟାଚ ସେ ଦୃଷ୍ଟିରୁ ବିଶେଷ ରୋଚକ ହୋଇନପାରେ | ଦୁଇ ଦେଶ ମଧ୍ୟରେ ୩ ଟିକିଏ ଟି-ଟ୍ୱେଣ୍ଟି ଶୃଙ୍ଖଳାରୁ ଇଡେନ ଗାର୍ଡେନ ଠାରେ ଖେଳାଯାଇଥିବା ପ୍ରଥମ ଟି-ଟ୍ୱେଣ୍ଟିରେ ୱେଷ୍ଟଇଣ୍ଡିଜକୁ ଭାରତ ୫ ଉଇକେଟରେ ପରାସ୍ତ କରି ବିଜୟୀ ହୋଇଥିଲା | ବର୍ତ୍ତମାନ ଭାରତ ୧/୦ରେ ସିରିଜ ଆଗୁଆ ରହିଛି | ବିରାଟ କୋହଲି ଓ ମହେନ୍ଦ୍ର ସିଂ ଧୋନିଙ୍କ ଅନୁପସ୍ଥିତି ସତ୍ୱେ ଭାରତୀୟ ଦଳ ଭଲ ପ୍ରଦର୍ଶନ କରିଛି | ଅବଶ୍ୟ ଗତ ମ୍ୟାଚରେ ଭାରତର ଓପନିଂ ଯୋଡି ରୋହିତ ଶର୍ମା ଏବଂ ଶିଖର ଧୱନ ଭଲ ରନ କରିପାରିନଥିଲେ | ଦୀନେଶ କାର୍ତ୍ତିକଙ୍କ ଯୋଗୁଁ ଭାରତ ସହଜରେ ବିଜୟ ହାସଲ କରିଥିଲା | ଲକ୍ଷ୍ନୌର ଏହି ଷ୍ଟାଡିୟମର ପିଚ ସ୍ଲୋ ଥିବା କାରଣରୁ ଆଜି ସ୍ପିନରମାନଙ୍କ ଭୂମିକା ଗୁରୁତ୍ୱପୂର୍ଣ ରହିବ | ବିସିସିଆଇ ମୁଖ୍ୟ କ୍ୟୁରେଟର ଦଳଜିତ ସିଂ କହିଛନ୍ତି ଯେ, ଆଜି ମ୍ୟାଚରେ ଯେଉଁ ଦଳ ପ୍ରଥମେ ବ୍ୟାଟିଂ କରି ୧୩୦ ରନ ସଂଗ୍ରହ କରିବ ତାହା ଅନ୍ୟ ଦଳ ହାସଲ କରିବା ମୁସ୍କିଲ ହେବ | ବର୍ତ୍ତମାନ ଉତ୍ତର ଭାରତରେ ଶୀତର ପ୍ରକୋପ ବୃଦ୍ଧି ପାଇଛି | ଥଣ୍ଡା ଓ କାକର ମଧ୍ୟ ଆଜିର ମ୍ୟାଚକୁ ପ୍ରଭାବିତ କରିପାରେ |

   Related Posts