Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭାରତ ଆସିବ ପଳାତକ ନିରବ ମୋଦି, ଅନୁମତି ଦେଲେ ବ୍ରିଟେନ୍‌ ଗୃହ ମନ୍ତ୍ରଣାଳୟ
  • ||
  • ଢେଙ୍କାନାଳ : ଶ୍ବଶୁର ଘର ପଛପଟୁ ଜ୍ବାଇଁଙ୍କ ଝୁଲନ୍ତା ମୃତଦେହ ଠାବ, ଆସିଥିଲେ ସ୍ତ୍ରୀଙ୍କୁ ମନାଇବାକୁ
  • ||
  • ବାଲିପାଟଣା : ମାତ୍ର ୮ଶହ ଟଙ୍କା ଉଧାର ପାଇଁ ଗଲା ଜୀବନ, ମହିଳା ମଣ୍ଡଳ ସଭାନେତ୍ରୀଙ୍କ ପୁଅ ମାଡରେ ଜଣଙ୍କର ମୃତ୍ୟୁ
  • ||
  • ପୂର୍ବତନ କେନ୍ଦ୍ରମନ୍ତ୍ରୀ ହରସିମରତ କୌର ବାଦଲ କରୋନା ପଜିଟିଭ୍
  • ||
  • ଭୁବନେଶ୍ବର : ସଂକ୍ରମଣ ଆଗକୁ ଆହୁରି ବଢି ବଢି ଚାଲିବ – ସ୍ବାସ୍ଥ୍ୟ ନିର୍ଦ୍ଦେଶକ
  • ||
  • ଗୀତିକାର ପଣ୍ଡିତ କିରଣ ମିଶ୍ରଙ୍କ ଦେହାନ୍ତ: ୧୫ ଦିନ ପୂର୍ବରୁ ନେଇଥିଲେ ଭ୍ୟାକସିନ୍
  • ||
  • ଦ୍ୱିତୀୟ ଥର ପାଇଁ କରୋନା ସଂକ୍ରମିତ ହେ​‌ଲେ ମୁଖ୍ୟମନ୍ତ୍ରୀ ବି. ଏସ୍‌. ୟେଦିୟୁରପ୍ପା, କିଛି ଦିନ ପୂର୍ବେ ନେଇଥିଲେ ଭ୍ୟାକସିନ୍‌
  • ||
  • ଭୁବନେଶ୍ବର : ଭୁବନେଶ୍ବର UPDରେ ଜାରି ହେବ ୧୪୪ ଧାରା, ୨୭ଟି ସ୍ଥାନରେ ମୁତୟନ ହେବେ ବ୍ୟାପକ ପୋଲିସ
  • ||
  • ଭୁବନେଶ୍ବର : ଦଳବିରୋଧୀ କାର୍ଯ୍ୟ ପାଇଁ ସୁନ୍ଦରଗଡର ୨ ବିଜେଡି ନେତା ନିଲମ୍ବିତ
  • ||
  • ପୁରୀ : ଶ୍ରୀମନ୍ଦିରରେ ବଢିଲା କଟକଣା : ସପ୍ତାହର ୨ଦିନ ଦର୍ଶନ ବନ୍ଦ, ବାହାର ଭକ୍ତଙ୍କ ପାଇଁ RTPCR ନେଗେଟିଭ୍ ରିପୋର୍ଟ ବାଧ୍ୟତାମୂଳକ
  • ||

କରୋନା ମାମଲା ବଢିବା ପରେ ଲୋକେ ଆତଙ୍କିତ, ଏବେ ଭାକସିନ୍ ନେବାକୁ ଚାହୁଁଛନ୍ତି ଅଧିକରୁ ଅଧିକ ଭାରତୀୟ

3/04/2021 at 12:54 PM

ନୂଆଦିଲ୍ଲୀ,୦୩/୦୪:   ଦେଶରେ କରୋନା ପୁଣି କରାଳ ରୂପ ଧାରଣ କରିଛି । ଦୈନିକ ସଂକ୍ରମଣ ୮୧ ହଜାର ଟପିଛି । ଏହାସହ ଅନେକ ସହରରେ ଲକଡାଉନ୍ ଫେରିଛି । କର୍ଫ୍ୟୁ ଲାଗିଛି । ଏହାମଧ୍ୟରେ କିନ୍ତୁ ଦେଶରେ ଜାରି ରହିଛି ଟିକାକରଣ । ତେବେ ଦେଶରେ ୭୭ ପ୍ରତିଶତ ବ୍.କ୍ତି ଟିକା ନେବାକୁ ଚାହୁଁଥିବା ଏକ ସର୍ଭେରେ ପ୍ରକାଶ ପାଇଛି । ଏହି ସଂଖ୍ୟା ଗତ ୩ ମାସ ତଳେ ମାତ୍ର ୩୮ପ୍ରତିଶତ ଥିଲା ।

ସର୍ଭେର ରିପୋର୍ଟ ଶୁକ୍ରବାର ସାମ୍ନାକୁ ଆସିଛି । ଲୋକାଲ ସର୍କଲ୍ ପକ୍ଷରୁ ଏହି ସର୍ଭେ କରାଯାଇଥିଲା । ଏଥିରେ ଦେଶର ୨୯୯ ଜିଲ୍ଲାରୁ ୨୭୦୦୦ ଜଣ ଭାଗ ନେଇଥିଲେ । ସର୍ଭେରେ ଭାଗ ନେଇଥିବା ବ୍ୟକ୍ତିଙ୍କ ମଧ୍ୟରେ ୬୭ ପ୍ରତିଶତ ପୁରୁଷ ଥିବା ବେଳେ ୩୩ ପ୍ରତିଶତ ମହିଳା ରହିଥିଲେ ।

ସର୍ଭେର ରିପୋର୍ଟ ଅନୁସାରେ, ଟିକା ନେଇଥିବା ୫୨ ପ୍ରତିଶତଙ୍କ ଠାରେ ଭାକସିନର କୌଣସି ପାର୍ଶ୍ୱ ପ୍ରତିକ୍ରିୟା ଦେଖିବାକୁ ମିଳିନାହିଁ । ଜାନୁଆରୀ ଆରମ୍ଭରେ ୩୮ ପ୍ରତିଶତ ଓ ଜାନୁଆରୀ ତୃତୀୟ ସପ୍ତାହରେ ୪୦ ପ୍ରତିଶତ ବ୍ୟକ୍ତି ଟିକା ନେବାକୁ ଇଚ୍ଛୁକ ଥିଲେ । ଫେବ୍ରୁଆରୀରେ ଏହି ସଂଖ୍ୟା ୫୦ ପ୍ରତିଶତରେ ପହଁଚିଥିଲା । ତେବେ ଏପ୍ରିଲ ୧ରେ ଏହା ୭୭ ପ୍ରତିଶତକୁ ବୃଦ୍ଧି ପାଇଛି । ୩୬ ପ୍ରତିଶତ ବ୍ୟକ୍ତି ଏବେବି ଭାକସିନ୍ ନେବାକୁ କୁଣ୍ଠାବୋଧ କରୁଛନ୍ତି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସହ ଅନ୍ୟ ନେତାମାନେ ଟିକା ନେବା ପରେ ଅଧିକରୁ ଅଧିକ ଲୋକ ଭାକସିନ୍ ନେବାକୁ ଚାହୁଁଥିବା ଅନୁମାନ କରାଯାଉଛି । ଏପରିକି ଏପ୍ରିଲରେ ଅଧିକ ପଜିଟିଭ୍ ମାମଲା ଆସିବା ପରେ ଲୋକମାନେ ଟିକା ନେବାକୁ ତତ୍ପରତା ପ୍ରକାଶ କରିଛନ୍ତି ।

ରିପୋର୍ଟରେ ଆହୁରି ମଧ୍ୟ ଉଲ୍ଲେଖ ଅଛି ଯେ, ଟିକା ନେଇଥିବା ୫୨ ପ୍ରତିଶତଙ୍କ ଠାରେ କୌଣସି ସାଇଡ୍ ଇଫେକ୍ଟ ଦେଖିବାକୁ ମିଳିନାହିଁ । ୧୭ ପ୍ରତିଶତ କେବଳ କାନ୍ଧରେ ଯନ୍ତ୍ରଣା ହୋଇଥିବା କହିଛନ୍ତି । ସେହିପରି ୧୩ ପ୍ରତିଶତ ଶରୀରରେ ପୀଡା ଅନୁଭୂତ ହୋଇଥିବା ପ୍ରକାଶ କରିଛନ୍ତି  । ୧୦ ପ୍ରତିଶତ ଟିକା ନେଇସାରି ଜ୍ୱରରେ ଆକ୍ରାନ୍ତ ହୋଇଥିବା କହିଛନ୍ତି । କେବଳ ୧ ପ୍ରତିଶତ କୌଣସି ସାଇଡ୍ ଇଫେକ୍ଟ ବାବଦରେ କହିବାକୁ ମନା କରିଛନ୍ତି ।

ଏତତ୍ ବ୍ୟତୀତ ୨୨ ପ୍ରତିଶତ ଲୋକ ସେରମ ଇନଷ୍ଟିଚ୍ୟୁଟର କୋଭିସିଲ୍ଡ ଓ ୩୩ ପ୍ରତିଶତ ଭାରତ ବାୟୋଟେକର କୋଭାକ୍ସିନ୍ ପ୍ରତି ଅଧିକ ଭରସା ପ୍ରକଟ କରିଛନ୍ତି । ତେବେ କିଛି ବ୍ୟକ୍ତି ଅନ୍ୟ କୌଣସି ଭାକସିନ୍ ଆସିଲେ ଟିକା ନେବେ ବୋଲି କହିଛନ୍ତି ।   ଏହାସହ ୭୦ ପ୍ରତିଶତ ବ୍ୟକ୍ତି ୧୮ରୁ ୪୫ ବୟସ ବର୍ଗଙ୍କୁ ଟିକା ଦିଆଯାଉ ବୋଲି କହିଛନ୍ତି ।

   Related Posts