Tuesday, October 15, 2019

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଭାରତ-ଦକ୍ଷିଣ ଆଫ୍ରିକା ଦ୍ବିତୀୟ ଟେଷ୍ଟ : ଟସ୍ ଜିତି ଭାରତର ବ୍ୟାଟିଂ ନିଷ୍ପତ୍ତି

ପୁଣେ ୧୦।୧୦: ପୁଣେରେ ଭାରତ ଓ ଦକ୍ଷିଣ ଆଫ୍ରିକା ମଧ୍ୟରେ ଦ୍ୱିତୀୟ ଟେଷ୍ଟ ଆରମ୍ଭ ହୋଇଛି । ଟସ୍  ଜିତି ଭାରତ ବ୍ୟାଟିଂ ନିଷ୍ପତ୍ତି ନେଇଛି । ପ୍ରଥମ ଟେଷ୍ଟକୁ ୨୦୩ ରନ୍‌ରେ ଜିତି ୩ଟିକିଆ ସିରିଜରେ ୧-୦ରେ ଆଗୁଆ ଥିବା ବିରାଟ ବାହିନୀ ଦ୍ୱିତୀୟ ମ୍ୟାଚ୍‌ରେ ନିଜ ଜଲୱା ଦେଖାଇବାକୁ ପ୍ରସ୍ତୁତ ।

ଅନ୍ୟପକ୍ଷରେ ଭ୍ରମଣକାରୀ ଦକ୍ଷିଣ ଆଫ୍ରିକା ଦ୍ୱିତୀୟ ଟେଷ୍ଟରେ କମ୍‌ବ୍ୟାକ୍ କରିବାକୁ ଲକ୍ଷ୍ୟ ରଖିଛି । ଟିମ୍ ଇଣ୍ଡିଆ ଦ୍ୱିତୀୟ ଟେଷ୍ଟକୁ ଜିତି ଆଗୁଆ ୨-୦ରେ ସିରିଜ୍ ଜିତିବାକୁ ସୁଯୋଗ ରହିଛି । ସେହିପରି ଦକ୍ଷଣି ଆଫ୍ରିକା ପାଇଁ ଏହି ମ୍ୟାଚ୍ କର ବା ମର ସ୍ଥିତି ସୃଷ୍ଟି କରିଛି । କାରଣ ପ୍ରଥମ ମ୍ୟାଚ୍‌କୁ ହାରିଯାଇଥିବା ଦକ୍ଷିଣ ଆଫ୍ରିକାକୁ ଏହି ଟେଷ୍ଟକୁ ଜିତି ସିରିଜ୍ ବରାବର କରିବାକୁ ପଡ଼ିବ ।

ଟିମ୍ ଇଣ୍ଡିଆ ୨ ଜଣ ସ୍ପିନର ଓ ୩ ଜଣ ପେସରଙ୍କୁ ଦଳରେ ସ୍ଥାନ ଦେଇଛି । ଦଳରେ ଆଜି ହନୁମା ବିହାରୀଙ୍କ ବଦଳରେ ଉମେଶ ଯାଦବଙ୍କୁ ସ୍ଥାନ ମିଳିଛି । ରବିଚନ୍ଦ୍ରନ ଅଶ୍ୱିନ ଓ ରବୀନ୍ଦ୍ର ଜାଡେଜା ଜବରଦସ୍ତ ଫର୍ମରେ ରହିଛନ୍ତି ।

ସେହିପରି ପ୍ରଥମ ମ୍ୟାଚର ଦୁଇଟି ଯାକ ଇନିଂସ୍‌ରେ ଶତକ ମାରିଥିବା ରୋହିତ ଶର୍ମା ଜବରଦସ୍ତ ଫର୍ମରେ ଥିବାରୁ ତାଙ୍କଠାରୁ ଆହୁରି ଭଲ ପ୍ରଦର୍ଶନ ଲକ୍ଷ୍ୟରେ ଅଛନ୍ତି ଫ୍ୟାନ୍ । ମୟଙ୍କ ଅଗ୍ରୱାନ୍ ବି ପ୍ରଥମ ପାଳିରେ ଦ୍ବିଶତକ ଲଗାଇଥିବାରୁ ତାଙ୍କଠାରୁ ବଡ ଇନିଂସ ଆଶା କରାଯାଉଛି । କ୍ୟାପଟେନ୍ କୋହଲିଙ୍କ ଉପରେ ବି ଫ୍ୟାନ୍ ବଡ ସ୍କୋର ଆଶା କରିଛନ୍ତି । 

170 Views

   ସମ୍ବନ୍ଧିତ ଖବର