Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଚିହ୍ନଟ ହେଲେ ଆଉ ୧୫୦ କୋଭିଡ୍ ସଂକ୍ରମିତ, ୩୩୪୩୦୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୫ ଛୁଇଁଲା ମୃତକଙ୍କ ସଂଖ୍ୟା
  • ||
  • ଢେଙ୍କାନାଳ : କଳିଙ୍ଗ ଝୋଟ କାରଖାନାରେ ଅଘଟଣ, ମେସିନରେ ଚାପି ହୋଇ ଶ୍ରମିକ ମୃତ
  • ||
  • ଭଞ୍ଜନଗର : ଘରୋଇ କଳି ହେଲା କାଳ, ଦାଦାର ଛୁରାମାଡ଼଼ରେ ଝିଆରୀ ଆହତ
  • ||
  • ପୁରୀ : ଆଜି ଶ୍ରୀଜିଉଙ୍କ ଦର୍ଶନ ବନ୍ଦ, ଶ୍ରୀମନ୍ଦିର ଭିତରେ ଓ ବାହାରେ କରାଯାଉଛି ସାନିଟାଇଜ୍
  • ||
  • ବ୍ରିଜରେ ଝୁଲିଛି ଯାତ୍ରୀବାହୀ ବସ୍‌, ଅଳ୍ପକେ ବର୍ତ୍ତିଲେ ୫୦ରୁ ଅଧିକ ଯାତ୍ରୀ
  • ||
  • ଆଜିଠୁ ଖୋଲିଲା ଭିତରକନିକା, କୁମ୍ଭୀର ଗଣନା ପାଇଁ ଗତ ୧୫ ତାରିଖଠାରୁ ବନ୍ଦ ଥିଲା ଜାତୀୟ ଉଦ୍ୟାନ
  • ||

ଭାରତ-ଅଷ୍ଟ୍ରେଲିଆ ଦ୍ବିତୀୟ ଦିନିକିଆ : ଟସ୍ ଜିତିଲା ଅଷ୍ଟ୍ରେଲିଆ, ବ୍ୟାଟିଂ କରିବ ଭାରତ

17/01/2020 at 12:47 PM

ରାଜକୋଟ ୧୭।୧: ରାଜକୋଟରେ ଖେଳାଯିବ ଭାରତ-ଅଷ୍ଟ୍ରେଲିଆ ମଧ୍ୟରେ ଦ୍ବିତୀୟ ଦିନିକିଆ ମ୍ୟାଚ୍ । ଟସ୍ ଜିତି ଫିଲ୍ଡିଂ ନିଷ୍ପତ୍ତି ନେଇଛି ଅଷ୍ଟ୍ରେଲିଆ । ଫଳରେ ଭାରତ ପ୍ରଥମେ ବ୍ୟାଟିଂ କରିବ । ଭାରତକୁ ପାଇଁ ଆଜିର ମ୍ୟାଚ୍ କର ବା ମର ପରିସ୍ଥିତିରେ ପକାଇଛି ।  

ରାଜକୋଟରେ ଟିମ୍ ଇଣ୍ଡିଆ ପାଇଁ ବିରାଟ ଚ୍ୟାଲେଞ୍ଜ । ପ୍ରଥମ ଦିନିକିଆରେ ଶୋଚନୀୟ ପରାଜୟ ଭୋଗିବା ପରେ ଦ୍ବିତୀୟ ମ୍ୟାଚରେ ଟିମ୍ ଇଣ୍ଡିଆ ପାଇଁ ଆଜି କର ବା ମର ସ୍ଥିତି । ୱାଙ୍ଖଡେରେ ଉଭୟ ବ୍ୟାଟ୍ସମ୍ୟାନ ଓ ବୋଲରଙ୍କର ଫ୍ଲପ୍ ଶୋ ପରେ ଆଜି ସବୁ ବିଭାଗରେ ଭାରତକୁ ଉନ୍ନତ ପ୍ରଦର୍ଶନ କରିବାକୁ ପଡ଼ିବ । ଅଧିନାୟକ କୋହଲି ମଧ୍ୟ ୪ ନମ୍ବର ପରିବର୍ତ୍ତେ ୩ ନମ୍ବରରେ ବ୍ୟାଟିଂ କରିପାରନ୍ତି ।

ଗତ ମ୍ୟାଚରେ କୋହଲି ୨୮ତମ ଓଭରରେ କ୍ରିଜକୁ ଆସିଥିଲେ । ତେଣୁ ଆଜିର ମ୍ୟାଚରେ ସେଥିରେ ପରିବର୍ତ୍ତନ ହେବା ପ୍ରାୟ ନିଶ୍ଚିତ । ଆରମ୍ଭରୁ ଭଲ ସ୍କୋର କରିବା ମଧ୍ୟ ଟିମ୍ ଇଣ୍ଡିଆ ପାଇଁ ନିହାତି ଆବଶ୍ୟକ । ମିଚ୍ ଷ୍ଟାର୍କ, ପ୍ୟାଟ୍ କମିନ୍ସ ଓ କେନ୍ ରିଚାର୍ଡସନ୍ ଙ୍କ ଶାଣିତ ବୋଲିଂର ଉତ୍ତର ମଧ୍ୟ ଦେଇ ପାରିନିଥିଲେ ଇଣ୍ଡିଆନ ବ୍ୟାଟ୍ସମ୍ୟାନ୍ । 

ସେହିପରି ଇନଫର୍ମ କଙ୍ଗାରୁ ଓପନରଙ୍କୁ ରୋକିବାରେ ମଧ୍ୟ ବିଫଳ ହୋଇଥିଲେ ବୋଲର । ରାଜକୋଟରେ ତ୍ରୁଟି ନସୁଧାରିଲେ ପୁଣି ଥରେ ୱାର୍ଣ୍ଣର ଓ ଫିଞ୍ଚ ଟିମ୍ ଇଣ୍ଡିଆ ପାଇଁ ମହଙ୍ଗା ସାବ୍ୟସ୍ତ ହୋଇପାରନ୍ତି । ସେହିପରି ସ୍ମିଥ୍, ଲାବୁସାଙ୍ଗେଙ୍କ ୱିକେଟ୍ ମଧ୍ୟ ଭାରତ ପାଇଁ ବେଶ୍ ମହତ୍ତ୍ବପୂର୍ଣ୍ଣ । ତେବେ ବ୍ୟାଟିଂ, ବୋଲିଂ ଓ ଫିଲ୍ଡିଂରେ ନିଜ କ୍ଷମତା ଅନୁସାରେ ପ୍ରଦର୍ଶନ କରିପାରିଲେ ବିରାଟ ବାହିନୀ ମ୍ୟାଚ୍ ଜିତିବ । ନହେଲେ ମ୍ୟାଚ୍ ସାଙ୍ଗକୁ ସିରିଜ ହାରିବା ସାର । ଦିନ ସାଢ଼େ ଗୋଟାଏରୁ ଖେଳାଯିବ ମୁକାବିଲା ।

   Related Posts