Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପଦ୍ମ ସମ୍ମାନ ଘୋଷଣା: ୩ଟି ବର୍ଗରେ ମୋଟ ୧୧୯ ଜଣ ପାଇବେ ସମ୍ମାନ
  • ||
  • ବଜେଟ୍‌ ଡେ’ରେ ପାର୍ଲାମେଣ୍ଟ ଚଲୋ: ଆନ୍ଦୋଳନକାରୀ କୃଷକ ଦେଲେ ଡାକରା
  • ||
  • ଚିନ୍ତା ବଢାଇଲେଣି କୁଲଡିହା ହାତୀପଲ, ନଷ୍ଟ କରୁଛନ୍ତି ବ୍ୟାପକ ଫସଲ
  • ||
  • ଭୁବନେଶ୍ବର : ଫେବୃଆରୀ ୧୪ରୁ ରାଜ୍ୟରେ ଦ୍ବିତୀୟ ପର୍ଯ୍ୟାୟ ଟିକାକରଣ
  • ||
  • ଅନୁଗୋଳ : ଜିଲ୍ଲାପାଳଙ୍କ ଅଫିସ୍ ଆଗରେ ମା’ ଓ ପୁଅଙ୍କ ଆତ୍ମାହୁତି ଉଦ୍ୟମ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୦ କୋଭିଡ୍ ସଂକ୍ରମିତ, ୩୩୪୪୩୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ବ୍ରହ୍ମପୁର : ଟ୍ରାକ୍ଟର ସହ ବାଇକ୍ ଧକ୍କା, ଜଣେ ମୃତ, ୨ ଶ୍ରମିକ ଗୁରୁତର
  • ||
  • ଆନନ୍ଦପୁର : ଧାନ ଡୋଲି ଓଲଟିପଡି ସ୍ତ୍ରୀ ମୃତ, ସ୍ବାମୀ ଗୁରୁତର
  • ||
  • ଖସୁଛି କରୋନା ଗ୍ରାଫ୍‌, ଦେଶରେ ଗତ ୨୪ଘଣ୍ଟାରେ ୧୩,୨୦୩ କୋଭିଡ଼ ସଂକ୍ରମିତ ଚିହ୍ନଟ
  • ||
  • ବରଗଡ : ଭିଜିଲାନ୍ସ ଜାଲରେ ବରଗଡ ଜିଲ୍ଲା ଭଟଲି ବ୍ଲକ୍ କେଲେଙ୍ଗାପାଲିର ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ
  • ||

ଶକ୍ତିଶାଳୀ ହେଉଛି ଭାରତ, ବ୍ରହ୍ମୋସ୍ ସୁପରସୋନିକ୍ ଜାହାଜ ବିଧ୍ୱଂସୀ ମିସାଇଲର ପରୀକ୍ଷଣ ସଫଳ

1/12/2020 at 3:05 PM

ନୂଆଦିଲ୍ଲୀ,୦୧/୧୨:    ଭାରତୀୟ ନୌସେନା ମଙ୍ଗଳବାର ବ୍ରହ୍ମୋସ୍ ସୁପରସୋନିକ କ୍ରୁଜ୍ ମିସାଇଲର ଆଣ୍ଟି ସିପ୍ ବା ଜାହାଜ ବିଧ୍ୱଂସୀ ଭର୍ସନକୁ ସଫଳ ପରୀକ୍ଷଣ କରିଛି । ଆଣ୍ଡାମାନ ନିକୋବର ଦ୍ୱୀପରୁ ଏହାର ପରୀକ୍ଷଣ କରାଯାଇଥିଲା । ଏହାପୂର୍ବରୁ ନଭେମ୍ବର ୨୪ରେ ଆକାଶରୁ ଆକାଶକୁ ଲକ୍ଷ୍ୟଭେଦ କରିପାରୁଥିବା ସୁପରସୋନିକ୍ କ୍ରୁଜ୍ ମିସାଇଲ ବ୍ରହ୍ଲୋସର ସଫଳ ପରୀକ୍ଷଣ ହୋଇଥିଲା ।

ଏଲଏସିରେ ଲାଗି ରହିଥିବା ଉତ୍ତେଜନା ମଧ୍ୟରେ ଭାରତ ନିଜର ଶକ୍ତି ବୃଦ୍ଧି କରିବାକୁ ପ୍ରୟାସ ଜାରି ରଖିଛି । ଗତ ୩ ମାସରେ ଭାରତ ଗୋଟିଏ ପରେ ଗୋଟିଏ କ୍ରୁଜ୍ ଓ ବାଲିଷ୍ଟିକ୍ ମିସାଇଲରର ପରୀକ୍ଷଣ କରଥିଲା । ଭାରତ ଓ ଋଷର ମିଳିତ ଉଦ୍ୟମରେ ସୁପରସୋନିକ୍ କ୍ରୁଜ ମିସାଇଲ ବ୍ରହ୍ମୋସର ବିଭିନ୍ନ ସଂସ୍କରଣର ପରୀକ୍ଷଣ କରାଯାଇଛି ।

ବ୍ରହ୍ମୋସ ନିଜ ଶ୍ରେଣୀରେ ବିଶ୍ୱର ସବୁଠାରୁ ଦ୍ରୁତ ପରିଚାଳନା ପ୍ରଣାଳୀ ଅଟେ । ଏହା ଡିଆରଡିଓ ଦ୍ୱାରା ବିକଶିତ ହୋଇଛି । ଏହାର ଲକ୍ଷ୍ୟଭେଦ କ୍ଷମତା ୨୯୦ରୁ ୪୫୦ କିମିକୁ ବୃଦ୍ଧି କରାଯାଇଛି । ଏହାର ନୌସେନା ସଂସ୍କରଣକୁ ଅକ୍ଟୋବର ୧୮ରେ ଆରବ ସାଗରରେ ସଫଳ ପରୀକ୍ଷଣ କରାଯାଇଥିଲା ।

ପରୀକ୍ଷଣରେ ବ୍ରହ୍ସୋର ୪୦୦ କିମିର ଲକ୍ଷ୍ୟ ଭେଦ କରିଥିଲା । ଏହାପରେ ନଭେମ୍ବର ୨୪ରେ ଆଣ୍ଡାମାନ ନିକୋବର ଦ୍ୱୀପରୁ ସୁପରସୋନିକ କ୍ରୁଜ ମିସାଇଲ ବ୍ରହ୍ମୋସର ଲ୍ୟାଣ୍ଡ୍ ଆଟାକ୍ ଭର୍ସନର ପରୀକ୍ଷଣ ମଧ୍ୟ ସଫଳ ହୋଇଥିଲା । ମଙ୍ଗଳବାର ସୁପରସୋନିକ କ୍ରୁଜ୍ ମିସାଇଲ ବ୍ରହ୍ମୋସର ଆଣ୍ଟି ସିପ୍ ଭର୍ସନର ସଫଳ ପରୀକ୍ଷଣ ହୋଇଛି । ଭାରତୀୟ ବାୟୁସେନା ଓ ନୌସେନାରେ ଆଗାମୀ କିଛି ମାସରେ ବ୍ରହ୍ମୋସର ନୂଆ ସଂସ୍କରଣର ପରୀକ୍ଷଣ ହେବ ।  

   Related Posts