ନୂଆଦିଲ୍ଲୀ ୨୨।୬: ଗାଲଓ୍ବାନ ଘାଟିରେ ଚୀନ୍ ପରେ ଭାରତ ବର୍ତ୍ତମାନ ପାକିସ୍ତାନକୁ ଝଟକା ଦେଇଛି । LoC ର ନିକୟାଲ ସେକ୍ଟରରେ ଭାରତୀୟ ସେନାର ପ୍ରତି ଜବାବରେ ପାକିସ୍ତାନର ଅର୍ଦ୍ଧ ଡଜନ ସୈନିକ ନିହତ ହୋଇଛନ୍ତି । ପାକିସ୍ତାନର ଅସ୍ତ୍ରବିରତି ଉଲ୍ଲଂଘନ ପରେ ଭାରତ ଏହି ପଦକ୍ଷେପ ନେଇଛି । ରବିବାର ଦିନ ଭାରତର LoC ପ୍ରତି ଜବାବରେ ପାକିସ୍ତାନର ଅତି କମରେ ଅଧା ଡଜନ ସୈନିକ ଗୁରୁତର ଆହତ ହୋଇଥିଲେ ।
LOC ନିକୟାଲ ସେକ୍ଟରରେ ପାକିସ୍ତାନର ଅସ୍ତ୍ରବିରତି ଉଲ୍ଲଂଘନକୁ ଭାରତ ଜବାବ ଦେଇଛି । ଏହି ପ୍ରତି ଜବାବରେ ପାକିସ୍ତାନୀ ସେନାର ସିନ୍ଧ ରେଜିମେଣ୍ଟର ଅତି କମରେ ୬ ଜଣ ସୈନିକ ଆହତ ହୋଇଥିଲେ । ସୂତ୍ରରୁ ପ୍ରକାଶ ଯେ ଭାରତର ପ୍ରତି ଜବାବରେ ପାକିସ୍ତାନୀ ସୈନ୍ୟମାନେ ପ୍ରାଣ ହରାଇଥାଇପାରନ୍ତି ।
ଏହାପୂର୍ବରୁ ଶନିବାର ଦିନ ପାକିସ୍ତାନ ରାମପୁର (କାଶ୍ମୀର) ସେକ୍ଟରରେ LoC ନିକଟରେ ଥିବା ଭାରତୀୟ ଗ୍ରାମ ଉପରେ ଗୁଳି ଚଳାଇଥିଲା । ପାକିସ୍ତାନର ଏହି ଗୁଳିରେ ୪ ଜଣ ଭାରତୀୟ ନାଗରିକ ଆହତ ହୋଇଛନ୍ତି । ଏହାର ଜବାବରେ ଭାରତୀୟ ସେନା ନିକୟାଲ ସେକ୍ଟରରେ ପାକିସ୍ତାନୀ ସେନା ପୋଷ୍ଟ ଏବଂ ଆତଙ୍କବାଦୀ ଲଞ୍ଚ ପ୍ୟାଡ୍ ନଷ୍ଟ କରିଦେଇଥିଲା । ଭାରପତୀୟ ସେନାର ପ୍ରତି ଜବାବରେ ପାକିସ୍ତାନର ବହୁ କ୍ଷତି ହୋଇଛି ବୋଲି ବିଶ୍ବାସ କରାଯାଉଛି ।
ସୂତ୍ର ଅନୁସାରେ ଯଦିଓ ଏହି ଗୁଳିମାଡରେ ପାକିସ୍ତାନୀ ସୈନିକମାନେ ନିହତ ହୋଇଥିଲେ ମଧ୍ୟ ପାକିସ୍ତାନୀ ସେନା କେବେବି ପ୍ରକାଶ କରିବ ନାହିଁ। ସେ ଏହି ସୈନିକମାନଙ୍କୁ ଦୁର୍ଘଟଣାରେ କିମ୍ବା ୱାଜିରିସ୍ତାନ ପ୍ରଦେଶରେ ଆତଙ୍କବାଦୀଙ୍କ ସହ ଲଢିବାକୁ କହିଥିଲେ । କ୍ବଚିତ୍ ପାକିସ୍ତାନ LoC ରେ ନିହତ ସୈନିକମାନଙ୍କ ବିଷୟରେ ସଠିକ୍ ସୂଚନା ଦେଇଥାଏ ।
ଗତ କିଛି ଦିନ ହେବ ପାକିସ୍ତାନୀ ସେନା LoC ରେ କ୍ରମାଗତ ଭାବରେ ଅସ୍ତ୍ରବିରତି ଉଲ୍ଲଂଘନ କରିଆସୁଛି । କେବଳ ରାମପୁରରେ ନୁହେଁ ତଙ୍ଗଧର, ବାରାମୁଲ୍ଲା, ଉରି, ପୁଞ୍ଚ, ବାଲାକୋଟ, ନୌସେରା ଏବଂ ମନକୋଟରେ ମଧ୍ୟ ପାକିସ୍ତାନ ପକ୍ଷରୁ ଗୁଳି ବିନିମୟ ହେଉଛି । କିନ୍ତୁ ସେନା ଅନୁଯାୟୀ, ଯେଉଁଠାରେ ପାକିସ୍ତାନ ପକ୍ଷରୁ ଅସ୍ତ୍ରବିରତି ଉଲ୍ଲଂଘନ କରାଯାଉଛି, ସେଠାରେ ଭାରତୀୟ ସୈନିକ ଅଛନ୍ତି ଯେଉଁମାନେ ପ୍ରତି ଜବାବ ଦେଉଛନ୍ତି।
ଏହି ସମୟରେ, ଚୀନ୍ ବାୟୁସେନା ନିଜର ୪୦ଟି ଜେ-୧୦ ଯୁଦ୍ଧ ବିମାନକୁ ପାକିସ୍ତାନ ଦଖଲ କରିଥିବା ଗିଲ୍ଗିଟ୍-ବାଲ୍ଟିସ୍ତାନର ସ୍କ୍ବାର୍ଡକୁ ଏୟାରବେସରେ ନିୟୋଜିତ କରିଛି ବୋଲି ଅନିଶ୍ଚିତ ଖବର ରହିଛି । ଭାରତକୁ ଘେରି ରହିବା ପାଇଁ ଚୀନ୍ ଏହା କରିଛି । ଯାହାଫଳରେ ଯଦି ସୀମାରେ ଅବସ୍ଥା ଖରାପ ହୁଏ, ତେବେ ଭାରତ ଦୁଇଟି ଦିଗରେ ଘେରି ରହିପାରିବ।
ଏହି ସମୟ ମଧ୍ୟରେ କେନ୍ଦ୍ର ସରକାର ଫାଇନାନସିଆଲ ପାଓ୍ବାର ଅଧିନରେ ତିନି ସୈନ୍ୟବାହିନୀ ସହ ସେନା ମୁଖଙ୍କୁ ୫୦୦କୋଟି ଟଙ୍କା ପର୍ଯ୍ୟନ୍ତ ଅସ୍ତ୍ରଶସ୍ତ୍ର, ଅନ୍ୟାନ୍ୟ ସାମରିକ ଉପକରଣ କିଣିବାକୁ ଅନୁମତି ଦେଇଛନ୍ତି । ଏହି କ୍ରୟକୁ ସେନାମାନେ ଫାଷ୍ଟ ଟ୍ରାକ୍ ଅର୍ଡରରେ ନେଇପାରିବେ । ଏହାର ନିଷ୍ପତ୍ତି ରବିବାର ଦିନ ପ୍ରତିରକ୍ଷା ମନ୍ତ୍ରୀଙ୍କ ସିଡିଏସ୍ ଏବଂ ତିନି ସେନା ମୁଖ୍ୟଙ୍କ ସହ ବୈଠକରେ ନିଆଯାଇଛି ।
