Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କେନାଲରୁ ବୃଦ୍ଧାଙ୍କ ମୃତଦେହ ଉଦ୍ଧାର, ଗାଧୋଇବା ବେଳେ ନିଖୋଜ ହୋଇଯାଇଥିଲେ
  • ||
  • ହାତ ଛାଡିଲେ ପ୍ରଦୀପ ମାଝି, କଂଗ୍ରେସର ପ୍ରାଥମିକ ସଦସ୍ୟ ପଦରୁ ଦେଲେ ଇସ୍ତଫା
  • ||
  • ଟ୍ରକ୍‌କୁ ଧକ୍କା ଦେଲା ଯାତ୍ରୀବାହୀ ବସ୍, ୨ ମୃତ ଓ ୫ ଆହତ
  • ||
  • ବାଇକକୁ ଧକ୍କା ଦେଲା ଟ୍ରକ୍, ଜଣେ ମୃତ : କ୍ଷତିପୂରଣ ଦାବିରେ ଜାତୀୟ ରାଜପଥ ଅବରୋଧ
  • ||
  • ଶିଶୁଙ୍କୁ ଟିକା ପାଇଁ ପ୍ରସ୍ତୁତି ଆରମ୍ଭ, ଶୁକ୍ରବାର ସ୍ୱାସ୍ଥ୍ୟ ଅଧିକାରୀଙ୍କୁ ପ୍ରଶିକ୍ଷଣ ଦେବ କେନ୍ଦ୍ର
  • ||
  • ଶୁକ୍ରବାର ମୁଖ୍ୟମନ୍ତ୍ରୀଙ୍କ ମୟୂରଭଞ୍ଜ ଗସ୍ତ, ବିଏସକେଓ୍ୱାଇ ସ୍ମାର୍ଟ କାର୍ଡ ବଣ୍ଟନର କରିବେ ଶୁଭାରମ୍ଭ
  • ||
  • ୨୬ ଯାଏଁ ଶୁଖିଲା ପାଗ : ଧିରେଧିରେ କମିବ ରାତି ତାପମାତ୍ରା, ସକାଳେ କୁହୁଡି
  • ||
  • ମମିତା ମେହେର ହତ୍ୟା ଘଟଣା : ଭୋର୍‌ରେ ଡେମୋ ଦେଖାଇଲା ଅଭିଯୁକ୍ତ ଗୋବିନ୍ଦ ସାହୁ
  • ||

ଲଦାଖ ଗତିରୋଧ ମଧ୍ୟରେ ଫିଙ୍ଗର-୪ରେ ଉଚ୍ଚ ଶିଖର କବ୍‌ଜା କଲା ଭାରତ, ଏବେ ଚୀନର ପ୍ରତିଟି ଗତିବିଧି ଉପରେ ରହିବ ତୀକ୍ଷ୍ଣ ନଜର

10/09/2020 at 8:14 PM

ନୂଆଦିଲ୍ଲୀ ୧୦।୦୯: ଭାରତ-ଚୀନ ମଧ୍ୟରେ ପୂର୍ବ ଲଦାଖର ବାସ୍ତବିକ ନିୟନ୍ତ୍ରଣ ରେଖା(ଏଲଏସି)ରେ ଚାରି ମାସରୁ ଅଧିକ ସମୟ ଧରି ଗତିରୋଧ ଜାରି ରହିଛି। ବିଭିନ୍ନ ଅଞ୍ଚଳରେ ଦୁଇ ପକ୍ଷର ସେନା ମଧ୍ୟରେ ଅନେକ ଥର ସଂଘର୍ଷଜନକ ସ୍ଥିତି ଉପୁଜିଛି। ଏହା ମଧ୍ୟରେ ଭାରତ ପାଙ୍ଗଙ୍ଗ୍ ସୋ ହ୍ରଦରେ ଚୀନଠୁ ଗୋଟିଏ ପାଦ ଅଗ୍ରଣୀ ହାସଲ କରିଛି।

ସୂତ୍ର ଅନୁଯାୟୀ ଭାରତୀୟ ସେନା ପାଙ୍ଗଙ୍ଗ ସୋ ହ୍ରଦ କୂଳରେ ଫିଙ୍ଗର-୪ ଅଞ୍ଚଳର ଉଚ୍ଚ ଶିଖରକୁ କବ୍‌ଜା କରି ନେଇଛନ୍ତି। ଏଥିରେ ସେନାକୁ ଚୀନ ଯବାନଙ୍କ ଉପରେ ନଜର ରଖିବା ପାଇଁ ସହଜ ହେବ। ଅଗଷ୍ଟ ମାସର ଶେଷ ଆଡକୁ ପାଙ୍ଗଙ୍ଗ  ହ୍ରଦର ଦକ୍ଷିଣ କୂଳ ନିକଟ  ଶିଖରକୁ କବ୍‌ଜା କରିବା ପାଇଁ ଏହି ଅପରେସନ ଚଳାଯାଇଥିଲା।

ଭାରତ ଓ ଚୀନ ମଧ୍ୟରେ ମେ ମାସରୁ ଉତ୍ତେଜନା ବଢିବାରେ ଲାଗିଛି। ହେଲେ ଜୁନ ୧୫ ରାତିରେ ଦୁଇ ଦେଶର ସୈନିକଙ୍କ ମଧ୍ୟରେ ରକ୍ତାକ୍ତ ସଂଘର୍ଷରେ ୨୦ ଭାରତୀୟ ଯବାନ ସହିଦ ହେବା ଏବଂ ଚୀନର ୪୦ରୁ ଉର୍ଦ୍ଧ୍ଵ ଯବାନ ନିହତ ହେବା ପରେ ସ୍ଥିତି ଆହୁରି ଉତ୍ତେଜନାପୂର୍ଣ୍ଣ ରହିଛି। ହିଂସାତ୍ମକ ସଂଘର୍ଷ ପରଠୁ ଦୁଇ ଦେଶ କୂଟନୈତିକ ଓ ସାମରିକସ୍ତରୀୟ ଆଲୋଚନା ଜାରି ରଖିଛନ୍ତି ହେଲେ ସ୍ଥିତିରେ କୌଣସି ସୁଧାର ଆସିନାହିଁ। କାରଣ ଚୀନର ଭାଷା ଏବଂ କାର୍ଯ୍ୟରେ ତାଳମେଳ ନାହିଁ। ଏହା ମଧ୍ୟରେ ଅଗଷ୍ଟର ଶେଷ ଆଡକୁ ପୁଣି ଥରେ ଚୀନ ସୁଚୁଲ ସେକ୍ଟରରେ ଅନୁପ୍ରବେଶ ଉଦ୍ୟମ କରିଥିଲା, ଯାହାକୁ ଭାରତୀୟ ଯବାନ ପଣ୍ଡ କରିଥିଲେ।

ଅନ୍ୟପଟେ ଦୁଇ ଦେଶ ମଧ୍ୟରେ ଉତ୍ତେଜନାକୁ ନେଇ ରୁଷର ରାଜଧାନୀ ମସ୍କୋରେ ଗୁରୁବାର ସନ୍ଧ୍ୟାରେ ବୈଦେଶିକ ମନ୍ତ୍ରୀ ଏସ  ଜୟଶଙ୍କର ଓ ଚୀନ  ବୈଦେଶିକ ମନ୍ତ୍ରୀ ଓ୍ଵାଙ୍ଗ ଓ୍ଵିଙ୍କ ମଧ୍ୟରେ ସାକ୍ଷାତ ହେବାକୁ ଯାଉଛି। ନିୟନ୍ତ୍ରଣ ରେଖା ନିକଟରେ ଭାରତ ଓ ଚୀନର ସେନା ମଧ୍ୟରେ ସଂଘର୍ଷ ପରେ ପୂର୍ବ ଲଦାଖରେ ସୀମାରେ ଉତ୍ତେଜନାକୁ ଦୃଷ୍ଟିରେ ରଖି ଦୁଇ ବୈଦେଶିକ ମନ୍ତ୍ରୀଙ୍କ ମଧ୍ୟରେ ଆଲୋଚନା ହେବ।

୧୯୭୫ ପରେ ସୀମାରେ ଚାଲିଲା ଗୁଳି

ଲଦାଖରେ ଉତ୍ତେଜନା ଏମିତି ସ୍ତରକୁ ବଢି ଯାଇଛି ଯେ ୧୯୭୫ ପରଠୁ ପ୍ରଥମ ଥର ଗତ ସୋମବାର ସୀମାରେ ଗୁଳି ଚାଳିଛି। ପିଏଲଏ ସୋମବାର ରାତିରେ ମିଥ୍ୟା ଅଭିଯୋଗ କରି କହିଥିଲା ଯେ, ଭାରତୀୟ ସେନା ଏଲଏସି ପାର ଓ ପୂର୍ବ ଲଦାଖର ପାଙ୍ଗଙ୍ଗ ହ୍ରଦ ନିକଟରେ ଚୀନ ସେନାକୁ ଚେତାବନୀ ପୂର୍ବକ ଗୁଳି ଚଳାଇଥିଲେ। ମାତ୍ର ଚୀନର ଏହି ଦାବିକୁ ଭାରତ ସଂପୂର୍ଣ୍ଣ ଭାବେ ଖଣ୍ଡନ କରିଛି।

   Related Posts