Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବଡ ଘରେ ‘ଭିନେ’ କଳି : ହିନ୍ଦୁଜା ୪ ଭାଇଙ୍କ ସମ୍ପର୍କରେ ଆତ୍ମୀୟ ବାଧକ, ମାମଲା କୋର୍ଟରେ
  • ||
  • କାନପୁର ଟେଷ୍ଟ : କିଓ୍ୱି ବୋଲରଙ୍କ ଦମଦାର ବୋଲିଂ, ପ୍ରଥମ ଇନିଂସରେ ଭାରତ ୩୪୫ରେ ଅଲଆଉଟ୍
  • ||
  • ପଦାର୍ପଣ ଟେଷ୍ଟରେ ଶ୍ରେୟସ ଆୟରଙ୍କ ଦମଦାର ଶତକ, ନିରାଶ କଲେ ରିଦ୍ଧିମାନ ଶାହ ଓ ଅକ୍ଷର ପଟେଲ
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୨୧୯ କରୋନା ସଂକ୍ରମିତ, ୧୦୪୮୨୨୮ରେ ପହଞ୍ଚିଲା ସଂଖ୍ୟା
  • ||
  • ଜନ୍ମହେଲା ୨ ମୁଣ୍ଡିଆ ଶିଶୁ, ହସ୍ପିଟାଲରେ ଛାଡି ଫେରାର ହୋଇଗଲେ ବାପା-ମାଆ
  • ||
  • ମାତିଲେ ଝାଡଖଣ୍ଡୀ ହାତୀପଲ, ନଷ୍ଟକଲେ ଧାନ ଫସଲ
  • ||
  • ଟ୍ରକ୍ ସହ ଧକ୍କା ହେଲା କିଙ୍ଗଫିସର ବସ୍, ଏକାଧିକ ଯାତ୍ରୀ ଆହତ
  • ||
  • ଗଜପତିରେ ଅପରେସନ ଗ୍ରୀନ୍ କ୍ଲିନ୍, ୧୪ କୋଟି ଟଙ୍କାର ଗଞ୍ଜେଇ ଚାଷ ନଷ୍ଟ କଲା ପ୍ରଶାସନ
  • ||
  • ଅପରେସନ ନୀଳ ଜହର : ୧୫ କୋଟି ଟଙ୍କାର ଗଞ୍ଜେଇ ଚାଷ ନଷ୍ଟ
  • ||
  • ପଦାର୍ପଣ ଟେଷ୍ଟରେ ଶ୍ରେୟସଙ୍କ ଦମଦାର ବ୍ୟାଟିଂ, ଭାଙ୍ଗିଲେ ଗାଭାସ୍କରଙ୍କ ରେକର୍ଡ
  • ||

ତୁର୍କୀକୁ ଭାରତର କଡା ଜବାବ, ‘କାଶ୍ମୀର ଆଭ୍ୟନ୍ତରୀଣ ପ୍ରସଙ୍ଗ, ଅଯଥା ହସ୍ତକ୍ଷେପ କରନାହିଁ’

23/09/2020 at 5:13 PM

ନ୍ୟୁୟର୍କ, ୨୩ ।୦୯:  ସଂଯୁକ୍ତ ରାଷ୍ଟ୍ର ମହାସଭା ବା ୟୁଏନରେ ତୁର୍କୀ ପୁଣି ଥରେ କାଶ୍ମୀର ପ୍ରସଙ୍ଗ ଉଠାଇଛି । କାଶ୍ମୀର ପ୍ରସଙ୍ଗରେ ତୁର୍କୀ ପାକିସ୍ତାନ ସମର୍ଥନରେ ବାହାରିବା ସହ ବିବାଦୀୟ ମନ୍ତବ୍ୟ ମଧ୍ୟ ଦେଇଛି ।  ତେବେ ଏହାର ଜବାବ ଦେଇଛି ଭାରତ । ତୁର୍କୀ ରାଷ୍ଟ୍ରପତି ତେୟବ୍ ଏରଡୋଗାନଙ୍କ ବୟାନକୁ ଭାରତ ତୀବ୍ର ବିରୋଧ କରିଛି ।

ୟୁଏନରେ ଭାରତ ତୁର୍କୀର ସମସ୍ତ ଅଭିଯୋଗକୁ ଖଣ୍ଡନ କରିଛି । ଏହାସହ କହିଛି ଯେ, ତୁର୍କୀ ଅନ୍ୟ ଦେଶର ସାର୍ବଭୌମତାକୁ ସମ୍ମାନ ଦେବା ଉଚିତ । ଅନ୍ୟ କଥା ବିଚାର ନକରି ତୁର୍କୀ ନିଜ ନୀତି ଉପରେ ଗୁରୁତ୍ୱ ଦେଉ । କୌଣସି ଦେଶର ଆଭ୍ୟନ୍ତରୀଣ ମାମଲାରେ ହସ୍ତକ୍ଷେପ କରିବା ଗ୍ରହଣୀୟ ନୁହେଁ ।

ୟୁଏନରେ ଭାରତର ସ୍ଥାୟୀ ପ୍ରତିନିଧି ଟିଏସ ତିରୁମୂର୍ତ୍ତି ମଙ୍ଗଳବାର ଟ୍ୱିଟ୍ କରି କହିଛନ୍ତି ଯେ, ଭାରତ ଜମ୍ମୁ-କାଶ୍ମୀର ପ୍ରସଙ୍ଗରେ ତୁର୍କୀର ବୟାନ ଶୁଣିଛି । ଭାରତର ଆଭ୍ୟନ୍ତରୀଣ ମାମଲାରେ ହସ୍ତକ୍ଷେପ କରିବା ଅନୁଚିତ । ତୁର୍କୀର ସମସ୍ତ ଅଭିଯୋଗକୁ ଖଣ୍ଡନ କରାଯାଉଛି । ତୁର୍କୀ ଅନ୍ୟ ଦେଶ କଥା ଚିନ୍ତା ନକରି ନିଜ ନୀତି ଉପରେ ବିଚାର କରିବା ଆବଶ୍ୟକ ।

ସୂଚନାଯୋଗ୍ୟ, ୟୁଏନରେ ତୁର୍କୀ ରାଷ୍ଟ୍ରପତି କହିଥିଲେ ଯେ, କାଶ୍ମୀର ପ୍ରସଙ୍ଗ ଦକ୍ଷିଣ ଏସିଆରେ ଶାନ୍ତି ଓ ସ୍ଥିରତା ପାଇଁ ଗୁରୁତ୍ୱପୂର୍ଣ୍ଣ । ଏହି ପ୍ରସଙ୍ଗ ଏକ ଜ୍ୱଳନ୍ତ ନିଆ ସଦୃଶ । ବିଶେଷ ଅଧିକାର ହଟିବା ପରେ କାଶ୍ମୀରରେ ଅନେକ ସମସ୍ୟା ଉପୁଜିଛି । କାଶ୍ମୀର ଲୋକଙ୍କୁ ଉପେକ୍ଷା କରାଯାଉଛି । ଏହି ପ୍ରସଙ୍ଗର ସମାଧାନ ଜରୁରୀ । ଏହାପୂର୍ବରୁ ମଧ୍ୟ ପାକିସ୍ତାନର ସହଯୋଗୀ ତୁର୍କୀ ଗତବର୍ଷ ୟୁଏନରେ କାଶ୍ମୀର ପ୍ରସଙ୍ଗ ଉଠାଇଥିଲେ ।

   Related Posts