Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଏସଏଫର ବଡ କାର୍ଯ୍ୟାନୁଷ୍ଠାନ, ବାଂଲାଦେଶ ସୀମାରେ ୮୨ ନକଲି ଡ୍ରାଇଭିଂ ଲାଇସେନ୍ସ ଜବତ
  • ||
  • ୟୁପି ସମର: ଅଖିଳେଶଙ୍କ ପାଇଁ ପ୍ରଚାର କରିବେ ମମତା, ଫେବୃଆରୀ ୮ରେ ଲକ୍ଷ୍ନୌରେ ଭର୍ଚୁଆଲ ରାଲି
  • ||
  • ଆସନ୍ତାକାଲି ପ୍ରଥମ ଦିନିକିଆ: କିଏ କରିବ ଓପନିଂ ? ଖୁଲାସା କଲେ ରାହୁଲ, ୫ ବର୍ଷ ପରେ ଦିନିକିଆକୁ ପ୍ରତ୍ୟାବର୍ତ୍ତନ କରିବେ ଏହି ଖେଳାଳି
  • ||
  • କାରିଗରଙ୍କଠୁ ଲାଞ୍ଚ ନେବା ମହଙ୍ଗା ପଡିଲା, ଭିଜିଲାନ୍ସ ଦ୍ଵାରା ବନ୍ଧା ହେଲେ ହସ୍ତଶିଳ୍ପ ନିଗମର ସହ-ନିର୍ଦ୍ଦେଶକ ଓ କ୍ରାପ୍ଟମ୍ୟାନ୍
  • ||
  • କଲେଜ୍ରେ ନିର୍ବାଚନୀ ସଭା ନେଇ କଠୋର ହେଲେ ଏସଇସି: ଏସଡିପିଓ ଏବଂ ପ୍ରିନ୍ସିପାଲଙ୍କୁ ନିଲମ୍ବନ କରିବାକୁ ଦେଲେ ନିର୍ଦ୍ଦେଶ
  • ||
  • IPL 2022: କେଏଲ ରାହୁଲଙ୍କ ସହ ଏହି ଦୁଇ ଖେଳାଳିଙ୍କୁ ନିଜ ଦଳରେ ସାମିଲ୍ କଲା ଲକ୍ଷ୍ନୌ ଫ୍ରାଞ୍ଚାଇଜି
  • ||
  • ମଙ୍ଗଳବାର ପୃଥିବୀର ନିକଟତର ହେବ ବିରାଟ ଗ୍ରହାଣୁ : ମାଡ ହେଲେ ଘଟାଇବ ବିନାଶ !
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୩୮ ହଜାରରୁ ଅଧିକ କରୋନା ପଜିଟିଭ୍, ୩୧୦ ମୃତ
  • ||
  • ରାଜ୍ୟରେ ଆଉ ୪ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୮୮କୁ ବୃଦ୍ଧି
  • ||
  • ରାଜ୍ୟରେ ୧୧ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୧୦୮୬ କୋଭିଡ୍ ପଜିଟିଭ୍, ୧୧୫୫୪୮୭ରେ ପହଞ୍ଚିଲା ସଂଖ୍ୟା
  • ||

ନେପାଳର ନୂତନ ନକ୍ସା ଉପରେ ଭାରତର ରୋକ୍ ଠୋକ୍, ମନମୁଖୀ ସୀମା ବୃଦ୍ଧିକୁ ସ୍ଵୀକାର କରିବୁ ନାହିଁ

20/05/2020 at 9:07 PM

ନୂଆଦିଲ୍ଲୀ ୨୦।୦୫: ନେପାଳ ସରକାର ବୁଧବାର ସଂଶୋଧିତ ରାଜନୈତିକ ଓ ପ୍ରଶାସନିକ ନକ୍ସା ଜାରି କରିଛି। ଏହି ନକ୍ସାରେ ସେ ଲିମ୍ପିୟାଧୁରା, ଲିପୁଲେଖ ଓ କାଲାପାନିକୁ ନିଜର ଅଞ୍ଚଳ ଦର୍ଶାଇଛି। ଭାରତ ଏବେ ନେପାଳର ଦାବିକୁ ଖଣ୍ଡନ କରିଛି। ଭାରତର ବୈଦେଶିକ ମନ୍ତ୍ରଣାଳୟର ମୁଖପାତ୍ର ଶ୍ରୀବାସ୍ତବ କହିଛନ୍ତି ଯେ, ନେପାଳ ଦ୍ଵାରା ଜାରି ସଂଶୋଧିତ ନକ୍ସା ଏକ ପାଖିଆ ହୋଇଛି ଏବଂ ଏହା ଐତିହାସିକ ତଥ୍ୟ ଓ ସାକ୍ଷ୍ୟ ଉପରେ ଆଧାରିତ ନୁହେଁ।

ଏହି ଘଟଣାର ଗୋଟିଏ ଦିନ ପୂର୍ବେ ନେପାଳର ପ୍ରଧାନ କେପି ଶର୍ମା ଅଲି କହିଥିଲେ, ଏହି ଅଞ୍ଚଳ ଆମ ଦେଶର ଏବଂ ଯେମିତି ହେଲେ ଏହାକୁ ଭାରତ ହାତରୁ ଛଡାଇ ନିଆଯିବ। ନେପାଳର ଭୂପ୍ରବନ୍ଧନ ଓ ସୁଧାର ମନ୍ତ୍ରଣାଳୟ  ପକ୍ଷରୁ ମନ୍ତ୍ରୀ ପଦ୍ମା ଅରୟାଲ ନେପାଳର ଏହି ନୂତନ ନକ୍ସା ଜାରି କରିଛନ୍ତି।

ଏହା ପୂର୍ବରୁ ନେପାଳ ସରକାର ଘୋଷଣା କରିଥିଲେ ଯେ, ସେ ନୂତନ ନକ୍ସା ଜାରି କରି ଲିପୁଲେଖ, କାଲାପାନି ଓ ଲିମ୍ପିୟାଧୁରାକୁ ନିଜ କ୍ଷେତ୍ରରେ ସାମିଲ କରିବେ। ଏହି ନକ୍ସାକୁ ଏବେ ସ୍କୁଲ ଓ ସମସ୍ତ ସରକାରୀ କାର୍ଯ୍ୟାଳୟରେ ବ୍ୟବହାର କରାଯିବ। ପଦ୍ମା କହିଛନ୍ତି, ନୂତନ ନକ୍ସାକୁ ସଂସଦରେ ଉପସ୍ଥାପିତ କରାଯିବ ଏବଂ ଏଥିରେ ହୋଇଥିବା ସଂଶୋଧନକୁ ମଞ୍ଜୁରୀ ଦିଆଯିବ।

ନେପାଳ ନିଜର ନୂତନ ନକ୍ସାରେ ମୋଟ୍ ୩୯୫ ବର୍ଗ କିଲୋମିଟର ଅଞ୍ଚଳକୁ ସାମିଲ କରିଛି। ଲିପୁଲେଖ, କାଲାପାନି ଓ ଲିମ୍ପିୟାଧୁରା ବ୍ୟତୀତ ଗୁଞ୍ଜି, ନାଭି ଓ କୁଟି ଗାଁକୁ ମଧ୍ୟ ସାମିଲ କରିଛି। ନେପାଳ ନିଜର ନୂତନ ନକ୍ସାରେ କାଲାପାନିର ମୋଟ୍ ୬୦ ବର୍ଗ କିଲୋମିଟର ଅଞ୍ଚଳକୁ ନିଜର ଦର୍ଶାଇଛି। ଏଥିରେ ଲିମ୍ପିୟାଧୁରାର ୩୩୫ ବର୍ଗ କିଲୋମିଟର ଅଞ୍ଚଳକୁ ଯୋଡି ଦେଲେ ମୋଟ୍ ୩୯୫ ବର୍ଗ କିଲୋମିଟରକୁ ନେପାଳ ନକ୍ସାରେ ସ୍ଥାନିତ କରାଯାଇଛି। ଏହି ପରି ଭାବେ ନେପାଳ ଭାରତର ୩୯୫ ବର୍ଗ କିଲୋମିଟର ଅଞ୍ଚଳ ଉପରେ ନିଜର ଦାବି ଦୋହରାଇଛି। ଏହା ପୂର୍ବରୁ ସୋମବାର ପ୍ରଧାନମନ୍ତ୍ରୀ କେପି ଶର୍ମା ଅଲିଙ୍କ ନେତୃତ୍ଵାଧୀନ କ୍ୟାବିନେଟ୍ର  ବୈଠକ ସମୟରେ ଏହି ମ୍ୟାପ୍‌କୁ ମଞ୍ଜୁରୀ ଦିଆଯାଇଥିଲା।

   Related Posts