Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୮୯୯ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଆରମ୍ଭ ହେଲା କୋଭିଡ୍ ଟିକାକରଣ, ୧୬୧ କେନ୍ଦ୍ରରେ ଚାଲିଛି ଟିକାଦାନ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୭୮ କୋଭିଡ୍ ସଂକ୍ରମିତ, ୩୩୩୧୨୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ ଖସୁଛି କରୋନା ଗ୍ରାଫ୍, ଗତ ୨୪ଘଣ୍ଟାରେ ୧୫୧୫୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଘାଟିରେ ଦୁର୍ଘଟଣା : ଟ୍ରକକୁ ସାମ୍ନା ପଟୁ ପିଟିଲା ବାଇକ୍‌, ଚାଲିଗଲା ଶଳା-ଭିଣୋଇଙ୍କ ଜୀବନ
  • ||
  • ବୈଠକ ପରେ ବୈଠକ କିନ୍ତୁ ଫଳ ଶୂନ ! ୧୯’ରେ ପୁଣି ଚାଷୀ-ସରକାର ଆଲୋଚନା
  • ||
  • ବରଗଡ଼: ବ୍ୟବସାୟୀଙ୍କ ଘରୁ ଲକ୍ଷାଧିକ ଟଙ୍କାର ସୁନା-ଗହଣା ଲୁଟ, ୩ ଲୁଟେରା ଗିରଫ
  • ||

ଧରାପଡିଥିବା ଚୀନ୍ ସୈନିକକୁ ଫେରାଇ ଦେଲା ଭାରତ

11/01/2021 at 8:04 PM

ନୂଆଦିଲ୍ଲୀ ୧୧।୧: ପୂର୍ବ ଲଦ୍ଦାଖର ଏଲଏସି ନିକଟରେ ୩ ଦିନ ପୂର୍ବେ  ଧରାପଡିଥିବା ଚୀନ୍‌ ସୈନିକକୁ ସୋମବାର ଫେରାଇ ଦିଆଯାଇଛି। ଚୁସୁଲ-ମୋଲ୍ଡୋ ସୈନ୍ୟ କ୍ୟାମ୍ପରେ ସକାଳ ୧୦ଟା ୧୦ ମିନିଟ୍‌ରେ ସୈନିକ ପିଏଲଏକୁ ହସ୍ତାନ୍ତରିତ ହୋଇଥିବା ସୈନ୍ୟ ସୂଚନାରୁ ଜଣାପଡିଛି।

ଗତ ୮ ତାରିଖ ଦିନ ଏହି ସୈନିକକୁ ଭାରତୀୟ ସେନା ପ୍ୟୋଙ୍ଗୟାଙ୍ଗ ହ୍ରଦର ଦକ୍ଷିଣ ଉପକୂଳରେ କାବୁ କରିଥିଲେ। ସୈନ୍ୟ ପ୍ରୋଟକଲ ଅନୁସାରେ ସୈନିକକୁ କବଜାକୁ ନିଆଯିବା ସହ ପଚରା ଉଚରା କରାଯାଇଥିଲା। ସୈନିକର ସମ୍ପୂର୍ଣ୍ଣ ଯାଞ୍ଚ ମଧ୍ୟ କରାଯାଇଥିଲା। ପିଏଲଏ ସୈନିକ ଭାରତ ହାତରେ ପଡିଥିବା ନେଇ ଚୀନକୁ ସୂଚିତ ମଧ୍ୟ କରାଯାଇଥିଲା।

ଏହାର ସ୍ପଷ୍ଟିକରଣରେ ଚୀନ୍‌ ଅନ୍ଧାରରେ ରାସ୍ତା ଭୁଲି ସୈନିକ ହୁଏତ ଭାରତୀୟ ସୀମାକୁ ଚାଲିଯାଇଥାଇ ପାରନ୍ତି ବୋଲି କୁହାଯିବା ସହ ତାକୁ ଫେରାଇ ଦେବାକୁ ନିବେଦନ କରିଥିଲା। ସେହି ଅନୁସାରେ ଭାରତୀୟ ସେନା ସୈନିକକୁ ଗହନ ପଚରା ଉଚରା କରିବା ପରେ ସୋମବାର ଫେରାଇ ଦେଇଛି।

ଭାରତୀୟ ସୀମାକୁ ଚୀନ୍‌ ସେନାର ସୈନିକ ପଶି ଆସିବା କିଛି ନୂଆ କଥା ନୁହେଁ। ଗତ ବର୍ଷ ମଧ୍ୟ ଜଣେ ସୈନିକ ଏହିପରି ଭାରତୀୟ ସୀମାକୁ ପଶି ଆସିଥିଲା। ତେବେ ସେତେବେଳେ ପଶୁ ଚରାଳିଙ୍କ ସହାୟତା କରିବା ବେଳେ ସେ ଭାରତୀୟ ସୀମାକୁ ପଶିଯାଇଥିବା ଚୀନ୍‌ ସଫେଇ ଦେଇଥିଲା।

   Related Posts