Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୂଆଦିଲ୍ଲୀ : MDH ମସଲାର ପ୍ରତିଷ୍ଠାତା ଧର୍ମପାଲ ଗୁଲାଟୀଙ୍କ ପରଲୋକ
  • ||
  • ଗୋପ : ଜୀବନ ଯୁଦ୍ଧରେ ହାରିଗଲେ କରୋନା ଯୋଦ୍ଧା, କୋଭିଡ୍ ପଜିଟିଭ୍ ହୋଇ ଶେଷ ନିଶ୍ୱାସ ତ୍ୟାଗ କଲେ ଏଏସଆଇ
  • ||
  • ସୋର : ଘରେ ପଶିଲେ ଦୁର୍ବୃତ୍ତ, ବାପ-ପୁଅଙ୍କୁ ଗୋଡାଇ ଗୋଡାଇ ହାଣିଲେ
  • ||
  • କୋରାପୁଟ : ମିଳିଲାନି ଜାମିନ୍, ନିଜ ବେକ କାଟିଦେଲେ କଏଦୀ, ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି
  • ||

ଚୀନକୁ ଆଉ ଏକ ଝଟ୍‌କା ଦେବାକୁ ଭାରତର ପ୍ରସ୍ତୁତି, ଫାର୍ମା ଇଣ୍ଡଷ୍ଟ୍ରିକୁ ନେଇ ସରକାରଙ୍କ ଏପରି ନିଷ୍ପତ୍ତି

29/10/2020 at 4:20 PM

ନୂଆଦିଲ୍ଲୀ ୨୯/୧୦:  ସୀମାରେ ବିବାଦ ଲାଗି ରହିଥିବା ବେଳେ ପୁଣି ଥରେ ଚୀନକୁ ମୁହଁତୋଡ଼ ଜବାବ ଦେବାକୁ ଭାରତ ପ୍ରସ୍ତୁତି କରୁଥିବା ସୂଚନା ମିଳିଛି। ନିକଟରେ ଚୀନର ବିଭିନ୍ନ ମୋବାଇଲ୍‌ ଆପ୍ଲିକେସନ୍‌ ବ୍ୟାନ କରିଥିଲେ ଭାରତ ସରକାର। ଲଗାତର ଚୀନକୁ ଆର୍ଥିକ ଝଟ୍‌କା ଦେବାକୁ ଯୋଜନା କରୁଥିବା ଭାରତ ଏବେ ଫାର୍ମା ଇଣ୍ଡଷ୍ଟ୍ରି କ୍ଷେତ୍ରରେ ନିୟମର ସରଳୀକରଣ କରି ଡ୍ରାଗନକୁ ମାତ୍‌ ଦେବାକୁ ପ୍ରସ୍ତୁତି ଆରମ୍ଭ କରିଛନ୍ତି।

ଫାର୍ମା ଓ ମେଡିକାଲ୍‌ ଉପକରଣ ନିର୍ମାଣ କମ୍ପାନୀଗୁଡ଼ିକ ପାଇଁ ପ୍ରଡକ୍ସନ ଲିଙ୍କଡ୍‌ ଇନ୍‌ସେଣ୍ଟିଭ୍‌ସ୍‌ (ପିଏଲଆଇ) ଯୋଜନାର ସର୍ତ୍ତଗୁଡ଼ିକୁ ସରଳ କରିଛନ୍ତି କେନ୍ଦ୍ର ସରକାର। ମେଡିକାଲ ଉପକରଣ ଓ ଔଷଧ ପାଇ କଞ୍ଚାମାଲ ପ୍ରସ୍ତୁତକାରୀ କମ୍ପାନୀଗୁଡ଼ିକୁ ପିଏଲଆଇ ଜରିଆରେ ଲାଭ ଉଠାଇବାକୁ ସରକାର ଫରାମର୍ଶ ଦେଇଛନ୍ତି । ସେପଟେ ପିଏଲଆଇ ଯୋଜନାରେ ଆବେଦନ କରିବା ତାରିଖକୁ ୩୦ ନଭେମ୍ବର ଯାଏଁ ଘୁଞ୍ଚାଇ ଦିଆଯାଇଛି। ଏହା ବ୍ୟତୀତ ୧୦ଟି ମେଡିକାଲ୍‌ ଉପକରଣ ଉତ୍ପାଦନ ଉପରେ ନ୍ୟୁନତମ ବାର୍ଷିକ ଉତ୍ପାଦନ ସର୍ତ୍ତରେ ପରିବର୍ତ୍ତନ କରିଛନ୍ତି କେନ୍ଦ୍ର ସରକାର।

ଗତ ସପ୍ତାହରେ ନୀତି ଆୟୋଗ ମୁଖ୍ୟ ଅମିତାଭ କାନ୍ତ ଓ ଅନ୍ୟ ବିଭାଗର ଅଧିକାରୀଙ୍କ ସହ ଆଲୋଚନା ପରେ ଏଭଳି ନିଷ୍ପତ୍ତି ନେଇଛନ୍ତି ସରକାର। ନିୟମର ପରିବର୍ତ୍ତନ ପରେ ଡେଡଲାଇନ୍‌ ବଢ଼ାଇ ଦିଆଯାଇଥିବା ଜଣାପଡ଼ିଛି।

ଫାର୍ମାସିଟିକାଲ୍ସ ବିଭାଗ ଏଭଳି ନିୟମ ଲଗାଇବାର ମୁଖ୍ୟ କାରଣ ହେଉଛି ମେଡିକାଲ ଉପକରଣ ତଥା ମେଡିସିନ୍‌ ପାଇ ଚୀନ ଉପରେ ନିର୍ଭଶୀଳତା କମ କରିହେବ। ପେନ୍‌ସିଲିନ୍‌ ଜି ଭଳି ମେଡିସିନ୍‌ ତିଆରି କରିବା ପାଇଁ ନିର୍ମାତାଙ୍କ  ପାଇଁ କେନ୍ଦ୍ର ସରକାର ୪୦୦ କୋଟି ଟଙ୍କାର ଆଧାର ସୀମା ନିର୍ଦ୍ଧାରିତ କରିଥିଲେ। ଏହା ବ୍ୟତୀତ ଅନ୍ୟ ୩୭ ମେଡିସିନ୍‌ ନିର୍ମାତାଙ୍କ ପାଇଁ ୨୦-୫୦ କୋଟି ଆଧାର ସୀମା ଧାର୍ଯ୍ୟ କରାଯାଇଥିଲା। ଏହାସହ ମେଡିକାଲ ଡିଭାଇସ୍‌ ପ୍ଲାଣ୍ଟସ୍‌ ପାଇଁ ଆଧାର ସୀମା ୧୮୦ କୋଟି ଟଙ୍କା ଥିଲା।  

   Related Posts