ଦି ଓଭାଲ ୦୬/୦୯ : ଭାରତ ଏବଂ ଇଂଲଣ୍ଡ ମଧ୍ୟରେ ଦି ଓଭାଲରେ ଜାରି ରହିଥିବା ୪ର୍ଥ ଟେଷ୍ଟରେ ବିଜୟ ଆଡକୁ ଅଗ୍ରସର ହେଉଛି ଭାରତ । ଦି ଓଭାଲ ଟେଷ୍ଟ ଜିତିବା ପାଇଁ ୩ ଓ୍ବିକେଟ ଆବଶ୍ୟକ ଥିବା ବେଳେ ଘାତକ ବୋଲିଂ ଜାରିରଖିଛନ୍ତି ଭାରତୀୟ ବୋଲର । ଇଂଲଣ୍ଡର ବ୍ୟାଟିଂ ମେରୁଦଣ୍ଡ ଭାଙ୍ଗିଦେଇଛନ୍ତି ଷ୍ଟାର ବୋଲର ଜସପ୍ରୀତ ବୁମରାହ ଏବଂ ଶାର୍ଦ୍ଦୁଳ ଠାକୁର । ଉଭୟ ଇନିଂସରେ ବ୍ୟାଟିଂରେ କମାଲ କରିଥିବା ଶାର୍ଦ୍ଦୁଳ ଠାକୁର ବୋଲିଂରେ ମଧ୍ୟ କମାଲ କରିଛନ୍ତି ।
ବୁମରାହ, ଶାର୍ଦ୍ଦୁଳ ଠାକୁର ଏବଂ ଜାଡେଜା ଉଭୟ ୨ଟି ଲେଖାଏଁ ଓ୍ବିକେଟ ନେଇ ଇଂଲଣ୍ଡକୁ ବ୍ୟାକ୍ଫୁଟକୁ ଠେଲି ଦେଇଛନ୍ତି । ଦ୍ବିତୀୟ ଇନିଂସରେ ବିଜୟ ପାଇଁ ୩୬୮ ରନର ପିଛା କରୁଥିବା ଘରୋଇ ଦଳ ୮୧ ଓଭରରେ ୧୮୩ ରନ କରି ୭ ଓ୍ବିକେଟ ହରାଇଛି । ଇଂଲଣ୍ଡକୁ ବିଜୟ ପାଇଁ ଆଉ ୪୦ ଓଭରରେ ୧୮୫ ରନ ଆବଶ୍ୟକ ଥିବା ବେଳେ ବିଜୟ ପାଇଁ ୩ ଓ୍ବିକେଟ ଆବଶ୍ୟକ କରୁଛି ଟିମ ଇଣ୍ଡିଆ ।
