Thursday, March 21, 2019

News7

Prameya News7, News7 Odia, Odisha Latest News, Odisha Current Headlines, Odisha News Online

ମିଆଁମାର୍ ସୀମାରେ ସର୍ଜିକାଲ୍ ଷ୍ଟ୍ରାଇକ୍ : ଏକାଧିକ ବିଦ୍ରୋହୀ ଶିବିର ଧ୍ବଂସ

ନୂଆଦିଲ୍ଲୀ ୧୬|୩ : ପାକିସ୍ତାନର ବାଲାକୋଟରେ ଭାରତୀୟ ବାୟୁସେନାର ଜବାବି ହମଲା ନେଇ ଚର୍ଚ୍ଚା ଜୋର ଧରିଥିବା ବେଳେ, ସମସ୍ତଙ୍କ ଅଲକ୍ଷ୍ୟରେ ଭାରତୀୟ ସେନାବାହିନୀ ଆଉ ଏକ ସର୍ଜିକାଲ ଷ୍ଟ୍ରାଇକ୍ ରେ ନିଜକୁ ସାମିଲ କରିଥିଲା । ଭାରତ-ମିଆଁମାର ସୀମାରେ ବିଦ୍ରୋହୀ ଗୋଷ୍ଠୀଙ୍କ ଚ୍ୟାଲେଞ୍ଜକୁ ପ୍ରତିହତ କରିବା ପାଇଁ ଭାରତୀୟ ସ୍ଥଳସେନା ସେଠାରେ ନିୟୋଜିତ ଥିଲା ।

ଭାରତୀୟ ସେନା ମିଆଁମାର ସେନା ସହଯୋଗରେ ଏହି ବିଦ୍ରୋହୀମାନଙ୍କୁ ସାବାଡ଼ କରିବା ପାଇଁ ଅଭିଯାନ ଆରମ୍ଭ କରିଥିଲା। ଫେବ୍ରୁଆରି ୧୭ରୁ ମାର୍ଚ୍ଚ ୨ ଯାଏଁ ଏହି କାର୍ଯ୍ୟାନୁଷ୍ଠାନ ଚାଲିଥିଲା । ମିଜୋରାମ ସୀମାରେ ଆରାକାନ୍ ସେନା ଗଢ଼ିଥିବା ନୂଆ ଶିବିରଗୁଡ଼ିକୁ ଧ୍ବଂସ କରାଯାଇଥିଲା। ଏହାପରେ ଅରୁଣାଚଳ ସୀମାରେ ନାଗା ଗୋଷ୍ଠୀ ଶିବିରଗୁଡ଼ିକୁ ଧ୍ବଂସ କରାଯାଇଥିଲା।

ଦୁଇ ମାସ ତଳୁ ଯୋଜନା ପ୍ରସ୍ତୁତ ହୋଇଥିବା ଏହି ଅଭିଯାନରେ ଭାରତୀୟ ସ୍ଥଳସେନା, ଆସାମ ରାଇଫଲ୍ ଏବଂ ଅନ୍ୟାନ୍ୟ ଅର୍ଦ୍ଧ ସାମରିକ ବଳର ୧୨,୦୦୦ ଯବାନ ନିୟୋଜିତ ଥିଲେ। ଦୀର୍ଘ ଦୁଇ ସପ୍ତାହ ଧରି ଚାଲିଥିବା ସେନାର ଏହି କାର୍ଯ୍ୟାନୁଷ୍ଠାନରେ ୧୨ରୁ ଅଧିକ ବିଦ୍ରୋହୀ ଶିବିର ଧ୍ବଂସ କରାଯାଇଛି।

137 Views

   ସମ୍ବନ୍ଧିତ ଖବର