Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପିସିସି ସଭାପତି ନିରଞ୍ଜନ ପଟ୍ଟନାୟକ ଅସୁସ୍ଥ
  • ||
  • କାଳିଠୁ କୋଣାର୍କ ମନ୍ଦିର ବନ୍ଦ
  • ||
  • ଗ୍ୟାଙ୍ଗଷ୍ଚର ହାଇଦର ଗିରଫ ।। ତେଲେଙ୍ଗାନାରୁ ଗିରଫ କଲା ପୋଲିସ ।। ପୋଲିସ କମିଶନର ସୌମେନ୍ଦ୍ର ପ୍ରିୟଦର୍ଶୀଙ୍କ ସୂଚନା ।। ଏପ୍ରିଲ ୧୦ରେ କଟକ ଏସସିବି ମେଡିକାଲ କଲେଜ ହସ୍ପିଟାଲରୁ ହୋଇଯାଇଥିଲା ଫେରାର
  • ||
  • ଅନ୍ୟ ରାଜ୍ୟକୁ ବସ ସେବା ବନ୍ଦ, ୫୦ ପ୍ରତିଶତ କର୍ମଚାରୀରେ ଚାଲିବ ସରକାରୀ ଅଫିସ, କୋଚିଂ ସେଣ୍ଟରରେ ଅଫ୍‌ଲାଇନ୍‌ କ୍ଲାସ୍‌ ମନା । ବିବାହ ପାଇଁ ସର୍ବାଧିକ ୫୦ ଜଣ ଏବଂ ଅନ୍ତିମ ସଂସ୍କାର ପାଇଁ ଅତିବେଶୀରେ ୨୦ ଜଣଙ୍କୁ ଅନୁମତି
  • ||
  • ବାକି ୨୦ ଜିଲ୍ଲାର ସହରାଞ୍ଚଳରେ କାଲିଠୁ ନାଇଟ୍‌ କର୍ଫ୍ୟୁ
  • ||
  • ଛତିଶଗଡ଼ ସୀମାନ୍ତ ୧୦ ଜିଲ୍ଲାର ସହରାଞ୍ଚଳରେ ବଦଳିଲା ନାଇଟ୍‌ କର୍ଫ୍ୟୁ ସମୟ
  • ||
  • ରାଜ୍ୟରେ ଫେରିଲା କୋଭିଡ୍‌ କଟକଣା
  • ||
  • ୨୧ ଆଇଏଏସ୍‌ଙ୍କୁ କୋଭିଡ୍‌ ପର୍ଯ୍ୟବେକ୍ଷଣ ଦାୟିତ୍ୱ
  • ||
  • ୨୧ ଆଇଏଏସ୍‌ଙ୍କୁ କୋଭିଡ ପର୍ଯ୍ୟବେକ୍ଷକ ଦାୟିତ୍ବ
  • ||
  • ଭଦ୍ରକ : ବୈତରଣୀ ନଦୀରେ ବୁଡି ଭାଇ-ଭଉଣୀଙ୍କ ସଲୀଳ ସମାଧି, ପିଉସୀଙ୍କ ଘରୁ ଫେରିବା ବେଳେ ଅଘଟଣ
  • ||

ପ୍ରାକୃତିକ ବିପର୍ଯ୍ୟୟ : ୨୦ ବର୍ଷରେ ଭାରତ ହରାଇଛି ୮ହଜାର କୋଟି ଡଲାର, ବିଶ୍ବ କ୍ଷତିଗ୍ରସ୍ତ ତାଲିକାରେ ୪ର୍ଥ ସ୍ଥାନରେ ଭାରତ

11/10/2018 at 4:16 PM

ନୂଆଦିଲ୍ଲୀ ୧୧|୧୦: ଜଳବାୟୁ ପରିବର୍ତ୍ତନର ଭୟଙ୍କର ରୂପ । ପ୍ରାକୃତିକ ବିପର୍ଯ୍ୟୟ ଯୋଗୁଁ ଗତ ୨୦ ବର୍ଷରେ ଭାରତ ହରାଇଛି ପ୍ରାୟ ୮ହଜାର କୋଟି ଡଲାର। ଜାତିସଂଘର ବିପର୍ଯ୍ୟୟ ପ୍ରଶମନ ବିଭାଗ ଦେଇଥିବା ରିପୋର୍ଟ ଅନୁସାରେ ପ୍ରାକୃତିକ ବିପର୍ଯ୍ୟୟ ପାଇଁ କ୍ଷତିଗ୍ରସ୍ତ ହୋଇଥିବା ଟପ୍‌ ୫ ତାଲିକାରେ ରହିଛି ଭାରତ । ଏହି ତାଲିକାରେ ଭାରତର ସ୍ଥାନ ଚତୁର୍ଥ । ପ୍ରଥମ ସ୍ଥାନରେ ଆମେରିକା ରହିଥିବା ବେଳେ, ସେଠାରେ ୯୪ ହଜାର ୫୦୦ ଡଲାର କ୍ଷତି ହୋଇଛି। ତା’ ପଛକୁ ଚୀନ ଓ ଜାପାନ୍‍ ରହିଛନ୍ତି। ପ୍ରାକୃତିକ ବିପର୍ଯ୍ୟୟରେ ଚୀନର ୪୯ହଜାର ୨ଶହ ଡଲାର ଓ ଜାପାନ୍‍ର ୩୭ ହଜାର ୬ଶହ ଡଲାର କ୍ଷତି ହୋଇଛି।

୧୯୯୮ରୁ ୨୦୧୭ ପର୍ଯ୍ୟନ୍ତ ଆସିଥିବା ବିପର୍ଯ୍ୟୟରେ ପୃଥିବୀର ପ୍ରାୟ ୩ଲକ୍ଷ କୋଟି ଡଲାର କ୍ଷତି ହୋଇଛି। କ୍ଷତିର ପରିମାଣ ପୂର୍ବ ଦୁଇ ଦଶନ୍ଧି ତୁଳନାରେ ୧୨୦ ପ୍ରତିଶତ ବୃଦ୍ଧି ପାଇଛି। ଯଦି କେବଳ ପ୍ରାକୃତିକ ବିପର୍ଯ୍ୟୟକୁ ହିସାବକୁ ନିଆଯାଏ ତେବେ କ୍ଷତି ପରିମାଣ ୧୫୧ପ୍ରତିଶତ ବୃଦ୍ଧି ପାଇଛି। ୟୁରୋପୀୟ ଦେଶମାନଙ୍କ ମଧ୍ୟରେ ବିଗତ ୨୦ ବର୍ଷରେ ପ୍ରାକୃତିକ ବିପର୍ଯ୍ୟୟରେ ଫ୍ରାନ୍ସର ୪୮୦୦ ଡଲାର, ଜର୍ମାନର ୫୮୦୦ ଡଲାର ଓ ଇଟାଲୀର ୫୭୦୦ ଡଲାର କ୍ଷତି ହୋଇଛି।

ଗତ ୨୦ ବର୍ଷ ଭିତରେ ପ୍ରାକୃତିକ ବିପର୍ଯ୍ୟୟରେ ୧.୩ ନିୟୁତ ପ୍ରାଣହାନି ଘଟିଥିବା ବେଳେ ୪୪୦ କୋଟି ଲୋକ ଆହତ ଓ ବାସଶୂନ୍ୟ ହୋଇଛନ୍ତି। ତେବେ ନିମ୍ନ ଆୟ ବର୍ଗ ଥିବା ଦେଶ ବା ଗରିବ ଦେଶର କ୍ଷୟକ୍ଷତି ପରିମାଣ ଆକଳନ କରାଯାଇନାହିଁ। ଯଦି ସେ ସବୁକୁ ହିସାବକୁ ନିଆଯାଏ ତେବେ କ୍ଷୟକ୍ଷତି ଓ ଧନଜୀବନ ହାନି ପରିମାଣ ଆହୁରି ବଢିବ। ଅଧିକାଂଶ ବିପର୍ଯ୍ୟୟ ବନ୍ୟା, ବାତ୍ୟା, ମରୁଡ଼ି ଓ ଝାଞ୍ଜି ପ୍ରବାହ ଯୋଗୁଁ ହୋଇଛି।

   Related Posts