ଭୁବନେଶ୍ୱର ୧୩/୧୨: ହକି ବିଶ୍ବକପ୍ ରୁ ଭାରତର ଅଭିଯାନ ଶେଷ ହୋଇଛି ।କ୍ବାର୍ଟର ଫାଇନାଲରୁ ବିଦାୟ ନେଇଛି ଭାରତ । ନେଦରଲ୍ୟାଣ୍ଡସ୍ ଠାରୁ ୨-୧ ରେ ହାରି ଭାରତରଅଭିଯାନ ଶେଷ ହୋଇଯାଇଛି । ଏହି ହାଇ ଭୋଲଟେଜ୍ ମ୍ୟାଚ୍ ର ପ୍ରଥମ କ୍ବାର୍ଟରରେ ଭାରତ ୧୨ ମିନିଟ୍ ରେ ପେନାଲ୍ଟି କର୍ଣ୍ଣରରୁ ଆକାଶଦୀପ ସିଂ ପ୍ରଥମ ଗୋଲ୍  ଦେଇଥିଲେ । ଏହାର ଦୁଇ ମିନିଟ୍ ପରେ ନେଦରଲ୍ୟାଣ୍ଡ ଟିମ୍  ଗୋଟିଏ ଫିଲଡ୍  ଗୋଲ ଦେଇ ବରାବର ସ୍ଥିତିକୁ ନେଇ ଆସିଥିଲା । ଏହା ପରେ ଉଭୟ ଦଳ ଜୋର ଦାର ଲଢେଇ କରିଥିଲେ ବି କେହି କାହାରିକୁ ଗୋଲ୍  ଦେଇପାରିନଥିଲେ । ତେବେ ମ୍ୟାଚର ୫୦ ତମ ମିନିଟରେ ପେନାଲ୍ଟି କର୍ଣ୍ଣରରୁ ନେଦରଲ୍ୟାଣ୍ଡ ଦ୍ବିତୀୟ ଗୋଲ୍ ସ୍କୋର କରି ୨-୧ ରେ ଆଗୁଆ ରହିଥିଲା । 
ଏହାପରେ ଭାରତ ଗୋଲ ସୁଝାଇବାକୁ ଚେଷ୍ଟା କରିଥିଲେବି ନେଦଲ୍ୟାଣ୍ଡସ୍ ଡିଫେଣ୍ଡରଙ୍କୁ ଅତିକ୍ରମ କରିପାରିନଥିଲା । ଭାରତ ଭଲ ଖେଳ ପ୍ରଦର୍ଶନ କରିଥିଲେ ବି କେତେକ ସୁଯୋଗ ହାତ ଛଡା କରିଥିଲା ।

{"id":63349}

ସେପଟେ ହକି ବିଶ୍ବକପର ଆଜି ଖେଳାଯାଇଥିବା ତୃତୀୟ କ୍ବାର୍ଟର ଫାଇନାଲରେ ଜର୍ମାନୀକୁ ମାତ୍ ଦେଇଛି ବେଲଜିୟମ୍ । ୨-୧ ଗୋଲରେ ଜର୍ମାନୀକୁ ହରାଇ ସେମି ଫାଇନାଲରେ ସ୍ଥାନ ପକ୍କା କରିଛି ବେଲଜିୟମ୍ । ଆଜି ପରାଜୟ ସହ ଜର୍ମାନୀ ବି ବିଶ୍ବକପରୁ ଅଭିଯାନ ଶେଷ କରିଛି ।