Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିପୁଳ ପରିମାଣର ବିଦେଶୀ ମଦ ଜବତ, ଜଣେ ଗିରଫ
  • ||
  • ଭୁଶୁଡିଯିବ ଘାଘରା ପୋଲ ! ବିପଦରେ ଶହଶହ ଯାତ୍ରୀଙ୍କ ଜୀବନ
  • ||
  • ରାଜ୍ୟରେ ଆଉ ୬ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୦କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୮୫୨୦ କୋଭିଡ୍ ପଜିଟିଭ୍, ୧୨୦୪୬୬୦ରେ ପହଞ୍ଚିଲା ସଂଖ୍ୟା
  • ||
  • ରାଜଧାନୀରେ କରୋନା ବେଲଗାମ୍ : ଆଉ ୧୩ ଅଞ୍ଚଳ ମାଇକ୍ରୋ କଣ୍ଟେନମେଣ୍ଟ୍ ଜୋନ୍
  • ||
  • ଚର୍ଚ୍ଚାରେ ବଡପୋଖରୀଆ ପଞ୍ଚାୟତ : ପ୍ରତିଦ୍ୱନ୍ଦ୍ୱିତା ହେଲାନି, ନିର୍ଦ୍ୱନ୍ଦ୍ୱରେ ଚୟନ ହେଲେ ସରପଞ୍ଚ ଏବଂ ଓ୍ୱାର୍ଡ ମେମ୍ବର
  • ||
  • ରବିବାରଠୁ ବଢିବ ବର୍ଷା, ଏହି ସବୁ ଜିଲ୍ଲାକୁ ୟେଲୋ ଓ୍ୱାର୍ଣ୍ଣିଂ
  • ||
  • ପରିବା ମାର୍କେଟରେ ଅଗ୍ନିକାଣ୍ଡ, ଜଳିଗଲା ସବୁ ଦୋକାନ
  • ||

ସାମରିକ ଖର୍ଚ୍ଚରେ ବିଶ୍ୱରେ ୩ ପ୍ରମୂଖ ଦେଶ ମଧ୍ୟରେ ଭାରତ

28/04/2020 at 2:25 PM

ନୂଆଦିଲ୍ଲୀ ୨୮/୦୪ : ଏହି ଦଶନ୍ଧିରେ ବିଶ୍ୱରେ ସାମରିକ ଖର୍ଚ୍ଚର ହିସାବରୁ ୨୦୧୯ରେ ଏହା ସର୍ବାଧିକ | ୨୦୧୯ ମସିହାରେ ବାର୍ଷିକ ସାମରିକ ଖର୍ଚ୍ଚ ୩.୬ ପ୍ରତିଶତ ବୃଦ୍ଧି ପାଇଛି | ତେବେ ସାମରିକ ଖର୍ଚ୍ଚ ପରିମାଣରେ ସବୁଠାରୁ ଆଗରେ ଅଛି ଆମେରିକା | ଏହି ତାଲିକାର ଦ୍ୱିତୀୟ ସ୍ଥାନରେ ଚୀନ ଓ ତୃତୀୟରେ ରହିଛି ଭାରତ | ଷ୍ଟକହୋମ ସ୍ଥିତ ଇଣ୍ଟରନ୍ୟାସନାଲ ପିସ ରିସର୍ଚ୍ଚ ଇନଷ୍ଟିଚ୍ୟୁଟ (ଏସଆଇପିଆରଆଇ) ଜାରି କରିଥିବା ରିପୋର୍ଟରୁ ଏହା ଜଣାପଡିଛି | ଏସଆଇପିଆରଆଇ  ପକ୍ଷରୁ ସୋମବାର ଜାରି ବିବୃତ୍ତିରେ କୁହାଯାଇଛି ଯେ, ସାନରିକ ଖର୍ଚ୍ଚରେ ଆମେରିକା ପ୍ରାୟ ଆଗରେ ଥିବା ବେଳେ ପ୍ରଥମଥର ପାଇଁ ଚୀନ ଓ ଭାରତ ସାମରିକ ଖର୍ଚ୍ଚର ଶୀର୍ଷ ଦେଶ ତାଲିକା ମଧ୍ୟରେ ସାମିଲ ହୋଇଛନ୍ତି ।

ଏସଆଇପିଆରଆଇ ରିପୋର୍ଟ ଅନୁସାରେ, ୨୦୧୯ ମସିହାରେ ବିଶ୍ୱର ମୋଟ ସାମରିକ ଖର୍ଚ୍ଚ ୧୯୧୭ କୋଟି ଡଲାର | ୨୦୧୮ ମସିହାରେ ହୋଇଥିବା ସାମରିକ ଖର୍ଚ୍ଚ ତୁଳନାରେ ଏହା ୩.୬ ପ୍ରତିଶତ ବୃଦ୍ଧି ପାଇଛି | ତେବେ ୨୦୧୦ ମସିହା ପରେ ଏହା ସବୁଠାରୁ ଅଧିକ ବୃଦ୍ଧି ହୋଇଥିବା ଜଣାପଡିଛି | ସାମରିକ ବାହିନୀ ଖର୍ଚ୍ଚରେ ସବୁଠାରୁ ଆଗରେ ରହିଛି ଆମେରିକା | ୨୦୧୯ ମସିହାରେ ଆମେରିକା ତାର ସେନାବାହିନୀକୁ ଅଧିକ ଶକ୍ତିଶାଳୀ କରିବା ଲାଗି ୭୩୨ କୋଟି ଡଲାର ଖର୍ଚ୍ଚ କରିଥିଲା | ୨୦୧୮ ମସିହା ତୁଳନାରେ ତାହା ୫.୩ ପ୍ରତିଶତ ଅଧିକ | ଏହି ଅର୍ଥ ପରିମାଣ ପୁରା ଦୁନିଆରେ ହେଉଥିବା ମୋଟ ସାମରିକ ଖର୍ଚ୍ଚର ୩୮ ପ୍ରତିଶତ | ବର୍ତ୍ତମାନ ସାମରିକ ଶକ୍ତି ବୃଦ୍ଧି ଲାଗି ହେଉଥିବା ଖର୍ଚ୍ଚରେ , ଅଧିକ ବ୍ୟୟ କରୁଥିବା ଦେଶଙ୍କ  ତାଲିକାରେ ଭାରତ ମଧ୍ୟ ସାମିଲ ହୋଇଛି | ଚୀନର ସାମରିକ ଖର୍ଚ୍ଚ ୨୦୧୮ ମସିହା ତୁଳନାରେ ୫.୧ ପ୍ରତିଶତ ବୃଦ୍ଧି ପାଇ ୨୬୧ କୋଟି ଡଲାର ହୋଇଛି | ଭାରତର ସାମରିକ ଖର୍ଚ୍ଚ ୬.୮ ପ୍ରତିଶତ ବଢି  ହୋଇଛି ୭୧.୧ କୋଟି ଡଲାର |ଯଦିଓ ଆମେରିକା ଏବଂ ଚୀନ ତୁଳନାରେ ଭାରତର ସାମରିକ ଖର୍ଚ୍ଚ ଢେର କମ୍ ।

ଏସଆଇପିଆରଆଇର ବରିଷ୍ଠ ଅଧିକାରୀ ସିମୋନ ଟି. ବେଜିମନ କହିଛନ୍ତି ଯେ, ଭାରତରେ ସାମରିକ ଖର୍ଚ୍ଚରେ ବୃଦ୍ଧିର କାରଣ ଦୁଇ ପଡୋଶୀ ଦେଶ ପାକିସ୍ତାନ ଓ ଚୀନ ସହ ଜାରି ରହିଥିବା ଶତ୍ରୁତା | ରିପୋର୍ଟ ଅନୁଯାୟୀ, ସାମରିକ ବାହିନୀରେ ସବୁଠାରୁ ଅଧିକ ଖର୍ଚ୍ଚ କରୁଥିବା ଦୁନିଆର ୫ଟି ଶୀର୍ଷ ଦେଶ ହେଲା ଆମେରିକା, ଚୀନ, ଭାରତ, ଋଷ ଏବଂ ସାଉଦି ଆରବ | ସାରା ଦୁନିଆର ମୋଟ ସାମରିକ ଖର୍ଚ୍ଚରେ ଏହି ଦେଶମାନେ ୬୨ ପ୍ରତିଶତ ଅଂଶୀଦାର |

ଏସିଆରେ ଭାରତ ଓ ଚୀନ ଛଡା ସାମରିକ ଜିନିଷ ପ୍ରତି ସବୁଠାରୁ ଅଧିକ ଖର୍ଚ୍ଚ କରୁଥିବା ଦେଶମାନଙ୍କ ମଧ୍ୟରେ ଜାପାନ ଓ ଦକ୍ଷିଣ କୋରିଆ ମଧ୍ୟ ସାମିଲ ଅଛି | ୨୦୧୯ ମସିହାରେ ଜାପାନରେ ବାର୍ଷିକ ସାମରିକ ଖର୍ଚ୍ଚ ୪୭.୬ କୋଟି ଡଲାର ହୋଇଥିବାବେଳେ ଦକ୍ଷିଣ କୋରିଆର ୪୩.୯ କୋଟି ଡଲାର ହୋଇଛି | ରିପୋର୍ଟ ଅନୁଯାୟୀ, ୧୯୮୯ ମସିହା ପରେ ପ୍ରତି ବର୍ଷ ସାମରିକ ଖର୍ଚ୍ଚରେ ଅଭିବୃଦ୍ଧି ଘଟିଛି | 

   Related Posts