Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାତ୍ୟା ‘ଜଓ୍ଵାଦ’ ପ୍ରଭାବ: ଆସନ୍ତାକାଲି ୧୯ ଜିଲ୍ଲାରେ ସ୍କୁଲ ଛୁଟି
  • ||
  • ରାଜଧାନୀ ଦିଲ୍ଲୀରେ ‘ଓମିକ୍ରନ’ ଆତଙ୍କ ! ବିଦେଶ ଫେରନ୍ତା ୧୨ ରୋଗୀ LNJPରେ ଭର୍ତ୍ତି
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୯ ହଜାରରୁ ଅଧିକ କରୋନା ପଜିଟିଭ୍, ୩୯୧ ମୃତ
  • ||
  • ଓ୍ୱାଙ୍ଖଡେ ଟେଷ୍ଟରେ ମୁହାଁମୁହିଁ ହେବେ ଭାରତ ଓ ନ୍ୟୁଜିଲାଣ୍ଡ : ଫେରିଲେ ବିରାଟ, ଦେଖିବାକୁ ମିଳିବ ରୋମାଞ୍ଚକର ଫାଇଟ୍
  • ||
  • ପାଟଣା ରେଞ୍ଜରେ ହାତୀ ଆତଙ୍କ, ନଷ୍ଟ କରୁଛନ୍ତି ପାଚିଲା ଧାନ
  • ||
  • ଓଡିଶାରେ ବିରଳ ଘଟଣା : ଯୁବକଙ୍କ ପେଟରୁ ବାହାରିଲା ଭ୍ରୂଣ, ୫ ଘଣ୍ଟାର ଅପରେସନ ପରେ ବାହାର କଲେ ଡାକ୍ତର
  • ||
  • ଚିନ୍ତା ବଢାଇଲା ଓମିକ୍ରନ, ଦକ୍ଷିଣ ଆଫ୍ରିକାରେ ଲକଡାଉନ୍: ଭାରତରେ ମଧ୍ୟ ସ୍ଥିତି ସାଂଘାତିକ
  • ||
  • ଓଡିଶାରେ ଘସି ହୋଇଯିବ ଜଓ୍ୱାଦ ! ଉପକୂଳରେ ପ୍ରବଳ ବର୍ଷା, ୯୦ କିମି ବେଗରେ ବହିବ ପବନ
  • ||
  • ଚୋରା କାରବାରରେ ନାବାଳକ : ନବମ ଶ୍ରେଣୀ ଛାତ୍ରଙ୍କ ବ୍ୟାଗରୁ ମିଳିଲା ୨ କେଜି ଅଫିମ
  • ||

ଅକ୍ସିଜେନ୍‌ ଯୋଗାଇବା କ୍ଷେତ୍ରରେ ଭାରତର ସ୍ଥିତି ବହୁତ ଭଲ ଅଛି: ସ୍ବାସ୍ଥ୍ୟ ମନ୍ତ୍ରଣାଳୟ

20/10/2020 at 8:55 PM

ନୂଆଦିଲ୍ଲୀ ୨୦/୧୦: ଦେଶରେ ଅକ୍ସିଜେନ୍‌(ଅମ୍ଳଯାନ)ର ଅଭାବ ନାହିଁ। ୧୦ ମାସ ହେଲା ଅକ୍ସିଜେନ୍‌ର ଅଭାବ ଦେଖାଯାଇ ନାହିଁ ବୋଲି ମଙ୍ଗଳବାର ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ ପକ୍ଷରୁ ସୂଚନା ମିଳିଛି। ସେପ୍ଟେମ୍ବର ପର୍ଯ୍ୟନ୍ତ ଉତ୍ପାଦନ କ୍ଷମତା ୬,୮୬୨ ମ୍ୟାଟ୍ରିକ୍ ଟନ୍‌ ହୋଇଥିଲା । ଯାହାକି ଅକ୍ଟୋବର ଶେଷ ସୁଦ୍ଧା ଏହା ବୃଦ୍ଧି ପାଇ ୭,୧୯୧ ମ୍ୟାଟ୍ରିକ୍‌ ଟନ୍‌ରେ ପହଞ୍ଚିବ ବୋଲି ଅନୁମାନ କରାଯାଉଛି।

ପ୍ରଥମ ଚରଣରେ ୧୮ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳରେ ୨୪୬ ଅକ୍ସିଜେନ୍‌ ଉତ୍ପାଦନ ପ୍ଲାଣ୍ଟ ନିର୍ମାଣ ପାଇଁ ନିଷ୍ପତ୍ତି ହୋଇଥିବା ବେଳେ ୬୭ଟି ପ୍ଲାଣ୍ଟର ନିର୍ମାଣ କାର୍ଯ୍ୟ ଶେଷ ପର୍ଯ୍ୟାୟରେ ପହଞ୍ଚିଛି। ଦ୍ବିତୀୟ ପର୍ଯ୍ୟାୟରେ ୩୦ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳରେ ଆହୁରି ୧୫୦ ପ୍ଲାଣ୍ଟ ନିର୍ମାଣ କରାଯିବ ବୋଲି ସାମ୍ବାଦିକ ସମ୍ମଳନୀରେ କହିଛନ୍ତି କେନ୍ଦ୍ର ସ୍ବାସ୍ଥ୍ୟ ସଚିବ ରାଜେଶ ଭୂଷଣ।

ଅକ୍ସିଜେନ୍‌ ଉପଲବ୍ଧ କରାଇବା ମାମଲାରେ ଭାରତ ବହୁ ଆଗରେ ରହିଛି। ଗତ ୧୦ ମାସ ହେଲା ଅକ୍ସିଜେନ୍‌ର ଅଭାବ ନାହିଁ। ଏବେ ଭାରତ ବହୁ ଭଲ ସ୍ଥିତିରେ ଅଛି ବୋଲି ଭୂଷଣ କହିଛନ୍ତି। ଏହାସହ ଦେଶରେ ଆଇସିୟୁ, ଭେଣ୍ଟିଲେଟର ଓ ଅକ୍ସିଜେନ୍‌ ସୁବିଧା ଥିବା ବେଡ୍‌ରେ ରୋଗୀଙ୍କ ସଂଖ୍ୟା ୧ ସେପ୍ଟମ୍ବରରେ ୪୩,୦୨୨ ଥିଲା । ସେହି ମାସର ତୃତୀୟ ସପ୍ତାହରେ ରୋଗୀଙ୍କ ସଂଖ୍ୟା ୭୫ ହଜାରରେ ପହଞ୍ଚିଥିଲା। ଧିରେଧିରେ ଏହି ସଂଖ୍ୟା କମିଥିଲ ଓ ମଙ୍ଗଳବାର ଦିନ ୫୭ ହଜାରରେ ପହଞ୍ଚିଛି ବୋଲି ରାଜେଶ ଭୂଷଣ କହିଛନ୍ତି ।

ଅନ୍ୟପଟେ ୪ ଦିନ ପରେ ଦେଶରେ କରୋନା ସଂକ୍ରମିତଙ୍କ ସଂଖ୍ୟା ୨୪ ଘଣ୍ଟାରେ ୫୦ ହଜାରରୁ କମ ରହିଛି। ଗତ ୭ ଦିନ ମଧ୍ୟରେ ଭାରତରେ ପ୍ରତି ୧୦ ଲକ୍ଷ ଜନସଂଖ୍ୟାରେ ୩୧୦ କରୋନା ସଂକ୍ରମିତ ଚିହ୍ନଟ ହେଉଛନ୍ତି। ୧୯ ଅକ୍ଟୋବର ରିପୋର୍ଟ ଅନୁସାରେ ଦେଶରେ ଅକ୍ସିଜେନ୍‌ ସୁବିଧା ଥିବା ୨,୬୫,୦୪୬ଟି ବେଡ୍‌ ଉପଲବ୍ଧ ଅଛି। ସେହିଭଳି ୭୭୧୩୬ ଆଇସିୟୁ ବେଡ୍‌ ଓ ୩୯,୫୨୭ଟି ଭେଣ୍ଟିଲେଟ୍‌ର ସୁବିଧା ଯୁକ୍ତ ବେଡ୍‌ ଉପଲବ୍ଧ ଥିବା ସ୍ବାସ୍ଥ୍ୟ ମନ୍ତ୍ରଣାଳୟ ପକ୍ଷରୁ କୁହାଯାଇଛି।

   Related Posts