Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦିଲ୍ଲୀ: କରୋନା ଟିକା ନେବା ପରେ ୫୧ ଜଣଙ୍କ ଠାରେ ଦେଖାଗଲା ପାର୍ଶ୍ବ ପ୍ରତିକ୍ରିୟା
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୮୯୯ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଆରମ୍ଭ ହେଲା କୋଭିଡ୍ ଟିକାକରଣ, ୧୬୧ କେନ୍ଦ୍ରରେ ଚାଲିଛି ଟିକାଦାନ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୭୮ କୋଭିଡ୍ ସଂକ୍ରମିତ, ୩୩୩୧୨୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ ଖସୁଛି କରୋନା ଗ୍ରାଫ୍, ଗତ ୨୪ଘଣ୍ଟାରେ ୧୫୧୫୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଘାଟିରେ ଦୁର୍ଘଟଣା : ଟ୍ରକକୁ ସାମ୍ନା ପଟୁ ପିଟିଲା ବାଇକ୍‌, ଚାଲିଗଲା ଶଳା-ଭିଣୋଇଙ୍କ ଜୀବନ
  • ||
  • ବୈଠକ ପରେ ବୈଠକ କିନ୍ତୁ ଫଳ ଶୂନ ! ୧୯’ରେ ପୁଣି ଚାଷୀ-ସରକାର ଆଲୋଚନା
  • ||
  • ବରଗଡ଼: ବ୍ୟବସାୟୀଙ୍କ ଘରୁ ଲକ୍ଷାଧିକ ଟଙ୍କାର ସୁନା-ଗହଣା ଲୁଟ, ୩ ଲୁଟେରା ଗିରଫ
  • ||

ପୁଣି ଦଳକୁ ସଙ୍କଟରେ ପକାଇଲେ ବ୍ୟାଟସମ୍ୟାନ, ଏମିତି ରହିଛି ବ୍ୟାଟିଂ ଟ୍ରାକ: ବର୍ଷକରେ କେବଳ ଥରୁଟିଏ ୩୦୦ ରନ କରି ପାରିଛି ଭାରତ

9/01/2021 at 2:57 PM

ସିଡନୀ ୦୯।୦୧: ଭାରତୀୟ କ୍ରିକେଟ୍ ଦଳ କମ୍ ସ୍କୋରରେ ଆଉଟ୍  ହେବା ଏକ ଟ୍ରେଣ୍ଡରେ ପରିଣତ ହୋଇ ଗଲାଣି। ପୁଣି ଥରେ ବ୍ୟାଟସମ୍ୟାନ ଦଳର ବୋଲରଙ୍କ ପରିଶ୍ରମକୁ ବୃଥା କରିଛନ୍ତି। ଭାରତୀୟ ଦଳ ଅଷ୍ଟ୍ରେଲିଆ ବିପକ୍ଷ ତୃତୀୟ ଟେଷ୍ଟରେ ୨୪୪ ରନରେ ଅଲଆଉଟ୍ ହୋଇଛି। ଫଳରେ ଭ୍ରମଣକାରୀ ଆୟୋଜକ ଦଳଠୁ ପ୍ରଥମ ଇନିଂସରେ ୯୪ ରନରେ ପଛୁଆ ରହି ମ୍ୟାଚ୍‌ ହାରିବାର ଆଶଙ୍କାରେ ଫସିଯାଇଛି।

ଭାରତୀୟ ବ୍ୟାଟସମ୍ୟାନ ନୈରାଶ୍ୟଜନକ ପ୍ରଦର୍ଶନ ସିଡନୀରେ ମଧ୍ୟ ଜାରି ରହିଛି। ବ୍ୟାଟସମ୍ୟାନଙ୍କ ନିମ୍ନମାନର ପ୍ରଦର୍ଶନ ଏଥିରୁ ଅନୁମାନ କରି ପାରିବେ ଯେ,  ଏକ ବର୍ଷ ହେବ ଭାରତୀୟ ଦଳ କେବଳ ଥରୁଟିଏ ୩୦୦ରୁ ଅଧିକ ସ୍କୋର କରିବାରେ ସକ୍ଷମ ହୋଇଛି। ଭାରତୀୟ ଦଳ ଗତ ୧୩ ମାସରେ ୫ ଟେଷ୍ଟ ମ୍ୟାଚ୍ ଖେଳିଛି। ଏଥିରୁ ୯ଟି ଇନିଂସରେ ଦଳର ସର୍ବୋଚ୍ଚ ସ୍କୋର ୩୨୬ ରହିଛି।

ଭାରତୀୟ ଦଳ ୨୦୧୯ ଡିସେମ୍ବର ପରେ କେବଳ ଦ୍ଵିତୀୟ ଟେଷ୍ଟ ସିରିଜ୍ ଖେଳୁଛି। ୨୦୨୦ ଫେବୃଆରୀରେ ଦଳ ନ୍ୟୁଜିଲାଣ୍ଡ ଗସ୍ତ କରିଥିଲା। ଉକ୍ତ ସିରିଜ୍‌ରେ ଭାରତ ଦୁଇଟି ଟେଷ୍ଟ ଖେଳି ଉଭୟରେ ପରାସ୍ତ ହୋଇଥିଲା। ପ୍ରଥମ ଟେଷ୍ଟରେ ଦଳ ୧୬୫ ଏବଂ ୧୯୧ ରନ କରିଥିବା ବେଳେ ଦ୍ଵିତୀୟ ଟେଷ୍ଟରେ ୨୪୨ ଏବଂ ୧୨୪ ରନ କରିବାକୁ ସକ୍ଷମ ହୋଇଥିଲା।

ଭାରତୀୟ ଦଳ ନ୍ୟୁଜିଲାଣ୍ଡ ପରେ ଅଷ୍ଟ୍ରେଲିଆରେ ଟେଷ୍ଟ ସିରିଜ୍ ଖେଳୁଛି। ଏହି ଗସ୍ତରେ ମଧ୍ୟ ଦଳ ବଡ ସ୍କୋର କରିବାରେ ବିଫଳ ରହିଛି। ଭାରତ ଓ ଅଷ୍ଟ୍ରେଲିଆ ମଧ୍ୟରେ ସିରିଜ୍‌ର ପ୍ରଥମ ମ୍ୟାଚ୍ ଆଡିଲେଡ୍ ଓ ଦ୍ଵିତୀୟ ମ୍ୟାଚ୍‌ ମେଲବୋର୍ଣ୍ଣରେ ଖେଳା ଯାଇଛି। ଆଡିଲେଡ୍ ଟେଷ୍ଟରେ ୨୪୪ ରନ ଓ ୩୬ର ଲଜ୍ଜାଜନକ ସ୍କୋର କରି ମ୍ୟାଚ୍ ହାରିଥିଲା। ଏହା ପରେ ମେଲବୋର୍ଣ୍ଣ ଟେଷ୍ଟରେ ଦଳ ପ୍ରଥମ ଇନିଂସରେ ୩୨୬ ଓ ଦ୍ଵିତୀୟ ଇନିଂସରେ ୭୦/୨ ରନ କରି ବିଜୟୀ ହୋଇଥିଲା।

ପରେ ଭାରତୀୟ ଦଳ ମେଲବୋର୍ଣ୍ଣ ଟେଷ୍ଟ ଜିତିବା ପରେ ତୃତୀୟ ଟେଷ୍ଟ ପାଇଁ ସିଡନୀ ପହଞ୍ଚିଥିଲା। ହେଲେ ତୃତୀୟ ଟେଷ୍ଟରେ ଦଳ ପ୍ରଥମ ଇନିଂସରେ ୨୪୪ ରନରେ ଅଲଆଉଟ୍ ହୋଇଥିଲା। ବ୍ୟାଟସମ୍ୟାନଙ୍କ ନିରାଶଜନକ ପ୍ରଦର୍ଶନ କାରଣରୁ ଦଳ ଉପରେ ଏବେ ପରାଜୟର ସଙ୍କଟ ରହିଛି।

   Related Posts