Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପରାଜୟ ଧାରା ଭାଙ୍ଗିଲା ଚେନ୍ନାଇ, ୬ ଓ୍ୱିକେଟରେ ହାରିଲା କୋଲକାତା ନାଇଟ ରାଇଡର୍ସ
  • ||
  • ସରକାରଙ୍କ ବଡ ନିଷ୍ପତ୍ତି, ନବମରୁ ଦ୍ଵାଦଶ ଶ୍ରେଣୀ ପର୍ଯ୍ୟନ୍ତ ସ୍କୁଲ ଫି ୪୦ ପ୍ରତିଶତ କମିଲା, ଅଭିଭାବକଙ୍କୁ ମିଳିଲା ବଡ ଆଶ୍ଵସ୍ତି
  • ||
  • ଅଲମ୍ପିକ ପ୍ରସ୍ତୁତି ପାଇଁ ଗଠିତ ସଂସଦୀୟ କମିଟିର ପ୍ରଥମ ବୈଠକ ଅନୁଷ୍ଠିତ, କମିଟିର ସଦସ୍ୟ ରହିଛନ୍ତି ସାଂସଦ ଅନୁଭବ ମହାନ୍ତି ଓ ସସ୍ମିତ ପାତ୍ର
  • ||
  • ମଦ ଦୋକାନ ନ ଖୋଲିବା ପାଇଁ ଜିଲ୍ଲାପାଳଙ୍କୁ ଦାବିପତ୍ର
  • ||
  • ବାଲେଶ୍ବର ଉପ ନିର୍ବାଚନରେ ମୁଖ୍ୟମନ୍ତ୍ରୀଙ୍କ ଡିଜିଟାଲ ପ୍ରଚାର: କହିଲେ, ‘ମୁଁ ସବୁବେଳେ ଆପଣଙ୍କ ସାଥିରେ ଅଛି’
  • ||
  • ମଙ୍ଗ ସମ୍ଭାଳିଲେ ନୀତିଶ ରାଣା, ଚେନ୍ନାଇକୁ ୧୭୩ ରନର ବିଜୟ ଲକ୍ଷ୍ୟ ଦେଲା କୋଲକାତା ନାଇଟ୍ ରାଇଡର୍ସ
  • ||
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୬୧୭ କରୋନା ସଂକ୍ରମିତ ଚିହ୍ନଟ
  • ||
  • ରାଉରକେଲା : ଡ୍ରାଇଭରଙ୍କ ନାଁରେ ୨୮ କୋଟି ଟଙ୍କାର GST ଠକେଇ ଅଭିଯୋଗ
  • ||
  • ଗଞ୍ଜାମ : ବୋମା ଭିଡୁଥିବା ବେଳେ ବିସ୍ଫୋରଣ, ଜଣେ ମୃତ, ଦୁଇ ଗୁରୁତର
  • ||

କରୋନା ଯୋଗୁ ରପ୍ତାନୀ ବନ୍ଦ, ମୁଣ୍ଡରେ ହାତ ଦେଇ ବସିଛନ୍ତି ଅଙ୍ଗୁର ଚାଷୀ, ବଜାରରେ ୧୦୦, କ୍ଷେତମୁଣ୍ଡରେ ଦର ୫ଟଙ୍କା

20/04/2020 at 3:54 PM

ମୁମ୍ବାଇ : ଦେଶର ଅଙ୍ଗୁର ଚାଷୀଙ୍କ ଉପରେ କରୋନା ମାଡ। ଲକଡାଉନ୍‌ ଯୋଗୁ ଅଙ୍ଗୁର ରପ୍ତାନୀ ବନ୍ଦ ଥିବା ବେଳେ ଖୁଚୁରା ବଜାରରେ ଉଚ୍ଚା ଦର ଯୋଗୁ ଗ୍ରାହକ ଏଥିପ୍ରତି ଆଗ୍ରହୀ ହେଉ ନାହାନ୍ତି। ଏଣୁ ଅଙ୍ଗୁର ଚାଷୀଙ୍କ ଉତ୍ପାଦନ ବ୍ୟବସାୟୀ ଖୁବ୍ ଶସ୍ତା ଦରରେ କିଣି ନେଉଥିବା ବେଳେ ଆଗକୁ ଚାଷୀଙ୍କୁ ମଦ ନିର୍ମାତାମାନେ ଶୋଷଣ କରିବାର ଆଶଙ୍କା ଦେଖାଦେଲାଣି। 

ଭାରତର ନାସିକ, ପୁଣେ, ସୋଲାପୁର ଓ ସାଙ୍ଗଲୀ ଆଦିରେ ଚାଷୀ ଅଙ୍ଗୁର ଚାଷ କରିଥାନ୍ତି। ଏଠାରୁ ଉତ୍ପାଦିତ ଅଙ୍ଗୁରର ଚାହିଦା ଜର୍ମାନ, ଇଂଲଣ୍ଡ ଓ ନେଦର ଲ୍ୟାଣ୍ଡରେ  ରହିଥିବା ବେଳେ ଚଳିତବର୍ଷ କରୋନା ସଂକ୍ରମଣ ଯୋଗୁ ଦେଶମାନଙ୍କୁ ରପ୍ତାନୀ ବନ୍ଦ ରହିଛି। ଏଣୁ ଚାଷୀ ଅମଳ ଅଙ୍ଗୁରକୁ ଏବେ ଦେଶୀୟ ବଜାରରେ ମଡେଇବାକୁ ଉଦ୍ୟମ କରୁଛନ୍ତି। ଭାରତ ବଜାରରେ ପ୍ରତି କେଜି ଅଙ୍ଗୁର ୯୦ରୁ ୧୦୦ ଟଙ୍କାରେ ବିକ୍ରି ହେଉଛି। ତେବେ ଭେନିୟାର୍ଡରେ ଚାଷୀଙ୍କ ଅଙ୍ଗୁରକୁ ଦଲାଲ ପ୍ରତି କେଜି ୫ରୁ ୧୦ ଟଙ୍କାରେ କିଣି ଦେଶର ବିଭିନ୍ନ ଅଞ୍ଚଳକୁ ପଠାଉଛନ୍ତି। ବଜାର ଦର ଓ ଚାଷୀ ଦର ମଝିରେ ସମସ୍ତ ଲାଭ ଦଲାଲ ନେଉଥିବା ବେଳେ ଏବେ ଚାଷୀଙ୍କୁ ଅଙ୍ଗୁର ପ୍ୟାକେଜିଂ ଦର ବି ମିଳିପାରୁନି।

ଅଙ୍ଗୁର ଚାଷୀମାନେ ପ୍ରଥମ ଥର ଏଭଳି ସମସ୍ୟାର ସମ୍ମୁଖୀନ ହୋଇଛନ୍ତି। ସେମାନଙ୍କ ଉତ୍ପାଦିତ ଫସଲ ଗଛିତ ରଖିବାକୁ କୋଲ୍ଡ ଷ୍ଟୋରର ସୁବିଧା ବି ନାହିଁ। ଏଣୁ ଚାଷୀ ଯାହାତାହା ଦରରେ ବିକିବାକୁ ବାଧ୍ୟ ହେଉଛନ୍ତି। ହେଲେ ଏବେ ଏଭଳି ଚାଷୀଙ୍କ ଉପରେ ମଦ ପ୍ରସ୍ତୁତକାରୀ କମ୍ପାନୀଙ୍କ ନଜର ପଡିଛି। ଅଙ୍ଗୁରର ଅନ୍ୟ ଫସଲ ଭଳି ଦେଶରେ ସର୍ବନିମ୍ନ ସହାୟକ ଦର ନାହିଁ। ଏଣୁ ଚାଷୀଙ୍କ କ୍ଷତିର ପରିମାଣ ବଢିବ ବୋଲି ‘ଗ୍ରେପସ୍ ଗ୍ରୋଅର୍ସ ଆସୋସିଏସନ ଅଫ ଇଣ୍ଡିଆ’ର ସଭାପତି ସୋପାନ କାଞ୍ଚନ। ଏଣୁ ସରକାର ତୁରନ୍ତ ଅଙ୍ଗୁରର ସହାୟକ ମୂଲ୍ୟ ଘୋଷଣା କରି ଚାଷୀଙ୍କୁ କ୍ଷତିରୁ ରକ୍ଷା କରନ୍ତୁ ବୋଲି ନିବେଦନ କରିଛନ୍ତି।   

   Related Posts