Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟର ୧୬ଟି ଜିଲ୍ଲାରେ ହେବ ଆରଟି ପିସିଆର ଲ୍ୟାବ୍, ୨୦ କୋଟି ଟଙ୍କା ମଞ୍ଜୁର କଲେ ମୁଖ୍ୟମନ୍ତ୍ରୀ
  • ||
  • ପାଟଣା : ବଳଦ ନେଇ ଘରକୁ ଫେରୁଥିଲେ, ବଜ୍ରାଘାତରେ ଚାଲିଗଲା ରାଇଦାସଙ୍କ ଜୀବନ
  • ||
  • ମହିଳା ସାମ୍ବାଦିକ ସବନମ୍‌ ଶିରିନ୍‌ଙ୍କ ଦେହାନ୍ତ , କୋଭିଡ୍‌ରେ ଆକ୍ରାନ୍ତ ହୋଇ ଏମସ୍‌ରେ ହେଉଥିଲେ ଚିକିତ୍ସିତ
  • ||
  • ଭଦ୍ରକ : ବାପଘର ଲୋକ ଆଣିଲେ ବଧୂ ହତ୍ୟା ଅଭିଯୋଗ, ଶ୍ବଶୁରଘର କହୁଛନ୍ତି ପଡିଗଲେ ବାଥରୁମ୍‌ରେ
  • ||
  • ୧୦ ହଜାର ତଳକୁ ଖସିଲା କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୯୭୯୩ ପଜିଟିଭ୍
  • ||
  • ୧୦ ବର୍ଷର ଶିଶୁର ଜୀବନ ନେଲା କରୋନା…
  • ||
  • ଟ୍ରକ୍‌କୁ ଧକ୍କା ଦେଲା ବରଯାତ୍ରୀ ଗାଡି : ୫ ମୃତ, ୩ ଗୁରୁତର
  • ||
  • ଭୁବନେଶ୍ବର : ରାଜ୍ୟରେ କରୋନା ନେଲା ଆଉ ୧୮ଜଣଙ୍କ ଜୀବନ, ୨୨୧୫ରେ ପହଞ୍ଚିଲା ମୃତ୍ୟୁସଂଖ୍ୟା
  • ||

କରୋନା ଭାକସିନ୍ ଖବର ବଦଳାଇପାରେ ଚିତ୍ର, ଚଳିତ ଆର୍ଥିକ ବର୍ଷ ଶେଷ ଆଡକୁ ଭାରତର ଜିଡିପିରେ ୧୦% ଅଭିବୃଦ୍ଧି ଆଶା

12/11/2020 at 1:04 PM

ନୂଆଦିଲ୍ଲୀ ୧୨/୧୧ : କରୋନା ଭ୍ୟାକସିନ ଖବର ପରେ ଗ୍ଲୋବାଲ ରିସର୍ଚ୍ଚ ଓ ବ୍ରୋକରିଙ୍ଗ ହାଉସ ଗୋଲ୍ଡମ୍ୟାନ ସାଚ୍ସ (Goldman Sachs) କ୍ୟାଲେଣ୍ଡର ୨୦୨୧ରେ ଭାରତର ଜିଡିପି ୧୦ ପ୍ରତିଶତ ହାରରେ ବଢିପାରେ। ଦୁନିଆର ପ୍ରମୁଖ ଅର୍ଥବ୍ୟବସ୍ଥା ମଧ୍ୟରେ ଏହା ସବୁଠାରୁ ଅଧିକ। ପିଫାଇଜର (PFizer) ଓ ବାୟୋଏନଟେକ (BioNTech) ର ଭ୍ୟାକସିନ ଖବର ପରେ ରିସର୍ଚ୍ଚ କମ୍ପାନୀ ଅନୁସାରେ ଭାରତ ସମେତ ଦୁନିଆର ସମସ୍ତ ଅର୍ଥବ୍ୟବସ୍ଥାରେ ବୃଦ୍ଧି ହୋଇପାରେ। ୨୦୨୨ ମସିହା ବେଳକୁ ଏହି ବୃଦ୍ଧି ପାଖାପାଖି ୭.୩ ପ୍ରତିଶତ ହୋଇପାରେ।

Goldman Sachs ର ବିଶ୍ଳେଷକ ଅନୁମାନ କରିଛନ୍ତି ଯେ ଭ୍ୟାକସିନ ଆସିବା ପରେ ଭାରତୀୟ ଅର୍ଥବ୍ୟବସ୍ଥାରେ ସୁଧାର ଆସିବ। ରିସର୍ଚ୍ଚ କମ୍ପାନୀ କହିବାନୁଯାୟୀ, ଆସନ୍ତା ବର୍ଷ ଅର୍ଥବ୍ୟବସ୍ଥାରେ ‘V(accine)-Shaped’ ପୁନଃରୁଦ୍ଧାର ସ୍ଥିତି ଦେଖିବାକୁ ମିଳିବ। ଦେଶରେ ୨୦୨୨ ବେଳକୁ ମୋଟ ଘରୋଇ ଉତ୍ପାଦନ ବା ଜିଡିପିରେ ୭.୩ ପ୍ରତିଶତ ଅଭିବୃଦ୍ଧି ହୋଇପାରେ। ଯାହା ଦୁନିଆର ୧୧ଟି ବୃହତ୍ତମ ଅର୍ଥନୀତି ଠାରୁ ଅଧିକ। ୨୦୨୧ ମସିହାରେ ୯.୯ ପ୍ରତିଶତ ଅଭିବୃଦ୍ଧି ଓ ୨୦୨୧-୨୨ ଆର୍ଥିକ ବର୍ଷରେ ୧୫.୭ ପ୍ରତିଶତ ଅଭିବୃଦ୍ଧି ହେବ ବୋଲି ଅନୁମାନ କରାଯାଇଛି।

ଏବେ ସୁଦ୍ଧା ଭ୍ୟାକସିନକୁ ନେଇ ଯେଉଁସବୁ ଖବର ଆସିଛି ସେ ହିସାବରେ ଫାଇଜର ଓ ବାୟୋଏନଟେକ ଭ୍ୟାକସିନ ସବୁଠାରୁ ଅଧିକ ପ୍ରଭାବଶାଳୀ ହୋଇପାରେ। ଭାରତ ସମେତ ଅନେକ ଦେଶର ଜନତାଙ୍କୁ ଏହି ଭ୍ୟାକସିନକୁ ନେଇ ଆଶା ଆଶଙ୍କା ରହିଛି।

ବିଶ୍ଳେଷକଙ୍କ ରିପୋର୍ଟ ଅନୁଯାୟୀ, ବର୍ତ୍ତମାନ ଆମେରିକା ଓ ୟୁରୋପରେ କରୋନା ସଂକ୍ରମଣର ଦ୍ୱିତୀୟ ଲହର ବ୍ୟାପୁଛି। ଏଥିପାଇଁ ସରକାର ନୂଆ ଭାବେ ଆଂଶିକ ଲକଡାଉନ ସହ ସତର୍କ ପଦକ୍ଷେପ ନେବା ଆରମ୍ଭ କରିଛନ୍ତି। ସେଥିପାଇଁ ବିଶ୍ୱ ଅଭିବୃଦ୍ଧିରେ ନକାରାତ୍ମକ ପ୍ରଭାବ ଦେଖିବାକୁ ମିଳିପାରେ ବୋଲି ଅନୁମାନ କରାଯାଉଛି।

ରିପୋର୍ଟ ଅନୁଯାୟୀ, ବିଶ୍ୱ ଅର୍ଥନୀତି ଚଳିତ ବର୍ଷ ଆରମ୍ଭରେ ଯେଉଁଭଳି ଭାବେ ବୃଦ୍ଧି ପାଇଥିଲା, ଲକଡାଉନ ସମାପ୍ତ ହେବାପରେ ଓ ଭ୍ୟାକସିନ ଉପଲବ୍ଧ ହେବାପରେ ଅର୍ଥନୀତି ପୁଣି ବୃଦ୍ଧି ପାଇବ ବୋଲି ଆଶା କରାଯାଇଛି। FDA ରିପୋର୍ଟ ଅନୁସାରେ ଜାନୁଆରୀ ସୁଦ୍ଧା ଟୀକାକରଣ ଆରମ୍ଭ ହୋଇପାରେ। ଆସନ୍ତା ଏପ୍ରିଲ-ଜୁନ ମାସରେ ବିକାଶ ହାର ମଧ୍ୟ ବୃଦ୍ଧି ପାଇପାରେ।

   Related Posts