Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କମୁଛି କରୋନା ପ୍ରଭାବ: ୨୪ ଘଣ୍ଟାରେ ସୁସ୍ଥ ହୋଇ ଘରକୁ ଫେରିଲେ ୬୪୮ ସଂକ୍ରମିତ
  • ||
  • ଲଭ୍‌ ଜିହାଦ ଉପରେ ଅଧ୍ୟାଦେଶ ପାରିତ କଲା ୟୁପି କ୍ୟାବିନେଟ୍‌, ଧୋକା-ଧମକ ଦେଇ ଧର୍ମ ପରିବର୍ତ୍ତନ କରାଇଲେ ୧୦ ବର୍ଷ ଜେଲ୍‌
  • ||
  • ଅତ୍ୟଧିକ କାମର ବୋଝ ସହିନପାରି ଆଖି ବୁଜିଲେ ବାପା: ଉପର ଅଧିକାରୀଙ୍କ ବିରୋଧରେ ସଂଗୀନ ଅଭିଯୋଗ ଆଣିଲେ ଝିଅ, କହିଲେ…
  • ||
  • Snack Video ସମେତ ପୁଣି ୪୩ଟି ମୋବାଇଲ୍‌ ଆପ୍‌ ବ୍ୟାନ୍‌ କଲେ ଭାରତ ସରକାର
  • ||
  • ୨ ବାରହା ଶିକାରୀ ଗରିଫ: ମାଂସ ଭାଗବଣ୍ଟା ବେଳେ ମାଡି ବସିଲେ ବନ ବିଭାଗର କର୍ମଚାରୀ
  • ||
  • କରୋନାରେ ଜୀବନ ହାରିଥିବା ଠିକାଦାରଙ୍କୁ ଆର୍ଥିକ ସହାୟତା ଦେଲା ଠିକାଦାର ସଂଘ
  • ||
  • ୧୦ ଡଲାରରୁ କମ୍‌ ମୂଲ୍ୟରେ ମିଳିବ ଋଷ କରୋନା ଭ୍ୟାକ୍‌ସିନ Sputnik V, ଜାନୁଆରୀରୁ ଆରମ୍ଭ ହେବ ଡେଲିଭରି
  • ||
  • ହାଇଓ୍ବା ଧକ୍କାରେ ଜଣେ ଶିଶୁଙ୍କ ସମେତ ୬ ଜଣଙ୍କ ମୃତ୍ୟୁ: ଚାଲି ଚାଲି ଯିବା ବେଳେ ପଛରୁ ମାଡିଗଲା
  • ||
  • ଭୁବନେଶ୍ୱର : ପୁରୀ ହାଜତ ମୃତ୍ୟୁ ଘଟଣାର ବିଚାର ବିଭାଗୀୟ ତଦନ୍ତ ନିର୍ଦ୍ଦେଶ
  • ||
  • ଯୋଜନାବଦ୍ଧ ଲୁଟ୍ : ସାଙ୍ଗଙ୍କୁ ଲଗାଇ ଡକାୟତି କରାଇଥିଲା IIFL କର୍ମଚାରୀ ଲାଲା ଅମ୍ରିତ ରାୟ
  • ||

ଉଦଘାଟନ ହେଲା ଦେଶର ବୀରପୁତ୍ରଙ୍କ ସ୍ମୃତିରେ ନିର୍ମିତ “ୱାର ମେମୋରିଆଲ”: ୧୬ଟି କାନ୍ଥରେ ୨୫ ହଜାର ୯୪୨ ଜଣ ସହିଦଙ୍କ ନାଁ ଲେଖାଯାଇଛି

25/02/2019 at 6:39 PM

ଦିଲ୍ଲୀ ୨୫/୨ : ଗତକାଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଜାତୀୟ ଯୁଦ୍ଧ ସ୍ମାରକ ଉଦଘାଟନ କରିଛନ୍ତି | ସେ କହିଛନ୍ତି ଯେ, ବହୁ ବର୍ଷ ହେଲାଣି ଏହି ସ୍ମାରକର ଦାବି ହେଉଛି | ଗତ କିଛି ବର୍ଷ ହେଲା ଥରେ ଦୁଇଥର ସ୍ମାରକ ନିର୍ମାଣ ପାଇଁ ପ୍ରୟାସ କରାଯାଇଛି କିନ୍ତୁ ହୋଇପାରିନଥିଲା |

୨୦୧୪ ମସିହାରେ ସ୍ମାରକ ନିର୍ମାଣ ପ୍ରକ୍ରିୟା ଆରମ୍ଭ ହୋଇଥିଲା | କିନ୍ତୁ ନିର୍ଧାରିତ ସମୟ ପୂର୍ବରୁ ସ୍ମାରକ ନିର୍ମାଣ ହୋଇଯାଇଛି ଏବଂ ଲୋକାର୍ପଣ ହୋଇଛି ବୋଲି କହିଛନ୍ତି ମୋଦି | ଏହି ସ୍ମାରକ ସଂକଳ୍ପ ରୁ ସିଦ୍ଧିର ପ୍ରତୀକ | ଆସନ୍ତୁ ଜାଣିବା କାହିଁକି ଖାସ ଏହି ଜାତୀୟ ଯୁଦ୍ଧ ସ୍ମାରକ :

ଦେଶ ସ୍ୱାଧୀନ ହେବା ପରେ ସହିଦ ହୋଇଥିବା ସେନାଙ୍କ ସ୍ମୃତିରେ ଦିଲ୍ଲୀ ଇଣ୍ଡିଆ ଗେଟ ନିକଟରେ ନ୍ୟାସନାଲ ୱାର ମେମୋରିଆଲ ନିର୍ମାଣ କରାଯାଇଛି | ଏହି ମେମୋରିଆଲ ୪୦ ଏକର ଜମିରେ ନିର୍ମାଣ ହୋଇଛି | ଏହି ସ୍ମାରକ ନିର୍ମାଣରେ ୧୭୬ କୋଟି ଟଙ୍କା ଖର୍ଚ୍ଚ ହୋଇଛି |

ଉଦଘାଟନୀ ସମାରୋହରେ ପ୍ରଧାନମନ୍ତ୍ରୀ ମୋଦିଙ୍କ ସହ, ସୁରକ୍ଷାମନ୍ତ୍ରୀ, ଆର୍ମି, ନୌସେନ, ବାୟୁସେନାର ପ୍ରମୁଖ ଏବଂ ଅନ୍ୟ ଅତିଥି ଉପସ୍ଥିତ ଥିଲେ | ଆଜି ସନ୍ଧ୍ୟା ୫ଟା ୪୫ ମିନିଟରେ ଇଣ୍ଡିଆ ଗେଟରେ ପହଂଚିଥିଲେ ମୋଦି |

ଉଦଘାଟନ ବେଳେ ଆକାଶ ମାର୍ଗରୁ ଗୋଲାପ ଫୁଲ ବର୍ଷା କରାଯାଇଥିଲା | ଉଦଘାଟନ ପରେ ମୋଦି ଏବଂ ସବୁ ଧର୍ମର ଗୁରୁ ୱାର ମେମୋରିଆଲରେ ଶାନ୍ତି ପାଠ କରିଥିଲେ ଏବଂ ସହିଦମାନଙ୍କୁ ସଲାମୀ ଦେଇଥିଲେ |

ମେମୋରିଆଲର ୧୬ଟି କାନ୍ଥରେ ୨୫ ହଜାର ୯୪୨ ଜଣ ସହିଦଙ୍କ ନାଁ ଲିଖାଯାଇଛି | ଏହାସହ ରେଙ୍କ ଏବଂ ରେଜିମେଣ୍ଟ ମଧ୍ୟ ଉଲ୍ଲେଖ ରହିଛି | ଗତ ବର୍ଷ ଫେବୃଆରୀ ମାସରେ ମେମୋରିଆଲର ନିର୍ମାଣ କାର୍ଯ୍ୟ ଆରମ୍ଭ ହୋଇଥିଲା | ଏହି ବର୍ଷ ନିର୍ଧାରିତ ସମୟ ପୂର୍ବରୁ ଏହାର ନିର୍ମାଣ କାର୍ଯ୍ୟ ସମ୍ପୂର୍ଣ ମଧ୍ୟ ହୋଇଯାଇଥିଲା |

ମେମୋରିଆଲରେ ୪ଟି ଚକ୍ର ତିଆରି କରାଯାଇଛି | ସେଗୁଡିକ ହେଲେ ଅମର ଚକ୍ର, ବୀର ଚକ୍ର, ତ୍ୟାଗ ଚକ୍ର ଏବଂ ରକ୍ଷକ ଚକ୍ର | ମୁଖ୍ୟ କମ୍ପ୍ଲେକ୍ସ ପଛପଟେ ପରମ ଯୋଦ୍ଧା ସ୍ଥଳ ତିଆରି କରାଯାଇଛି | ଏଥିରେ ଅନେକ ପୁରସ୍କାର ବିଜେତାଙ୍କ ନାଁ ଲେଖାଯାଇଛି |

୧୯୬୨ ମସିହାରେ ଭାରତ ଚୀନ ଯୁଦ୍ଧ, ୧୯୬୫ ମସିହାର ଭାରତ ପାକିସ୍ତାନ ଯୁଦ୍ଧ, ୧୯୭୧ ଯୁଦ୍ଧ, ଶ୍ରୀଲଙ୍କାରେ ଇଣ୍ଡିଆନ ପିସ କିପିଙ୍ଗ ଫୋର୍ସର ଅପରେସନ ଏବଂ କାର୍ଗିଲ ଯୁଦ୍ଧରେ ସହିଦ ହୋଇଥିବା ଯବାନଙ୍କୁ ମେମୋରିଆଲରେ ବିଶେଷ ସମ୍ମାନ ଦିଆଯାଇଛି |

ସୈନିକଙ୍କୁ ସମ୍ବୋଧିତ କରି ମୋଦି କହିଛନ୍ତି ଯେ, ଦେଶରେ ସଙ୍କଟ ଶତ୍ରୁମାନଙ୍କ ଯୋଗୁଁ ଆସୁ କି ପ୍ରକୃତି ଯୋଗୁଁ, ଭାରତର ସେନା ସବୁଠାରୁ ଆଗରେ ସବୁ ସମସ୍ୟାକୁ ନିଜର ଭାବି ଦେଶର ଜନତାଙ୍କ ପାଇଁ ଲଢେଇ କରିଛନ୍ତି |

ଭାରତୀୟ ସେନା ଦୁନିଆର ସବୁଠାରୁ ଶକ୍ତିଶାଳୀ ସେନା ବୋଲି କହିଛନ୍ତି ମୋଦି |

   Related Posts