Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆସୁଛି ବାତ୍ୟା ‘ନିଭାର୍’: ୨୫ରୁ ପ୍ରବଳ ବର୍ଷା, ଜିଲ୍ଲାପାଳଙ୍କୁ ଆଲର୍ଟ ରହିବାକୁ ନିର୍ଦ୍ଦେଶ
  • ||
  • ଚିନ୍ତା ବଢାଇଲାଣି କରୋନାର ୨ୟ ଲହର : ଆଜି PM-CM ଆଲୋଚନା, କୋଭିଡ -19 ର ସ୍ଥିତି ଏବଂ ଟିକା ବିତରଣ ନେଇ ସମୀକ୍ଷା
  • ||
  • ଚିନ୍ତା ଘାରୁଛି କରୋନା ମୃତ୍ୟୁ, ସେପଟେ ଆଜି ସୁସ୍ଥ ହୋଇ ଘରକୁ ଫେରିଲେ ଆଉ ୯୧୩ ସଂକ୍ରମିତ
  • ||
  • ଚାଷୀଙ୍କୁ କେନ୍ଦ୍ର ସରକାରଙ୍କ ସହାୟତା ନେଇ କେନ୍ଦ୍ରମନ୍ତ୍ରୀଙ୍କ ଟ୍ୱିଟ୍: ଲେଖିଲେ, ଗତ ୬ ବର୍ଷରେ ଓଡ଼ିଶାର ଚାଷୀଙ୍କୁ ୬୦ ହଜାର ୮୩୬ କୋଟି ଟଙ୍କା ଦେଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି
  • ||
  • ରାଜ୍ୟର ୬ ବିଶ୍ବବିଦ୍ୟାଳୟରେ ନୂଆ କୁଳପତି ନିଯୁକ୍ତି: ଜାଣନ୍ତୁ କିଏ, କେଉଁଠି
  • ||
  • ନାବାଳିକାକୁ ଦୁଷ୍କର୍ମ ପରେ ବିଷ ଦେଇ ହତ୍ୟା କରିଥିଲା ସଂପର୍କୀୟ କକା: ଏମିତି ଅଭିଯୋଗ ନେଇ ଜିଲ୍ଲାପାଳଙ୍କୁ ଘେରିଲେ ମହିଳା
  • ||
  • ଭୁବନେଶ୍ବର : ଓଟିଭିରୁ ଇସ୍ତଫା ଦେଲେ ନିହାର ରଞ୍ଜନ ଭୂୟାଁ
  • ||

କରୋନା ମୁକାବିଲା: ଭଲ ସ୍ଥିତିରେ ଭାରତ, ୧୦ ଲକ୍ଷ ଲୋକରେ ମାତ୍ର ୯ଜଣ ସଂକ୍ରମିତ

17/04/2020 at 10:34 AM

ନୂଆଦିଲ୍ଲୀ, ୧୭|୦୪: କରୋନା ମୁକାବିଲାରେ ଭାରତ ଅନ୍ୟ ଦେଶ ତୁଳନାରେ ଆଗରେ ରହିଛି । ସ୍ୱାସ୍ଥ୍ୟ ମନ୍ତ୍ରାଳୟର ରିପୋର୍ଟରେ ଦେଶରେ ପ୍ରତି ୧୦ ଲକ୍ଷ ଜନସଂଖ୍ୟାରେ ୯ଟି କରୋନା ମାମଲା ଆସିଛି । ଯାହା ବିଶ୍ୱରେ ସବୁଠାରୁ କମ । ତେବେ ପ୍ରତି ୧୦ ଲକ୍ଷ ଜନସଂଖ୍ୟାରେ ସ୍ପେନରେ ୩୮୬୪, ଇଟାଲୀରେ ୨୭୩୨ , ଫ୍ରାନ୍ସରେ ୨୨୬୫ ଓ ଆମେରିକାରେ ୧୯୪୬ଟି ମାମଲା ରହିଛି ।

ତଥ୍ୟାନୁସାରେ, ପ୍ରତି ୧୦ ଲକ୍ଷ ଜନସଂଖ୍ୟାରେ ଭାରତରେ କରୋନା ମୃତ୍ୟୁ ହେଉଛି ୦.୩ । ଏହି ସଂଖ୍ୟା ସ୍ପେନରେ ୪୦୨, ଇଟାଲୀରେ ୩୫୮, ଫ୍ରାନ୍ସରେ ୨୬୩ ରହିଛି । ସେହିପରି ଦେଶରେ ସଂକ୍ରମଣ ରୋକିବାରେ ମଧ୍ୟ ସଫଳ ହୋଇଛି । ଯେତେବେଳେ ଦେଶରେ ମୋଟ ମାମଲା ୧୦ ହଜାର ଅତିକ୍ରମ କରିଥିଲା ସେତେବେଳେ ୨,୧୭,୫୫୪ଜଣଙ୍କ ପରୀକ୍ଷା କରାଯାଇଥିଲା ।

କାନାଡାରେ ଏହି ମାମଲା ୨,୯୫,୦୬୫ଙ୍କ ପରୀକ୍ଷା ପରେ ଆସିଥିଲା । ସେହିପରି ଆମେରିକା, ଫ୍ରାନ୍ସ, ଇଟାଲୀ, ବ୍ରିଟେନରେ ସଂକ୍ରମିତଙ୍କ ସଂଖ୍ୟା ୨ରୁ ୩ ଦିନ ମଧ୍ୟରେ ୭୫ରୁ ୩ ହଜାର ହୋଇଯାଇଥିଲା । ତେବେ ଭାରତରେ ଏହି ସଂକ୍ରମଣ ବ୍ୟାପିବା ପାଇଁ ଅଧିକ ଦିନ ଲାଗିଥିଲା । ୬୦୦୦ରୁ ୧୨ ହଜାର ମାମଲା ହେବା ପାଇଁ ଦେଶରେ ୬ ଦିନ ଲାଗିଥିବା ବେଳେ ଅନ୍ୟ ଦେଶରେ ଏହା ମାତ୍ର ୪ ଦିନରେ ହୋଇଯାଇଥିଲା ।

ଆଇସିଏମଆର ରିପୋର୍ଟ ଅନୁସାରେ, ଜାପାନରେ ୧୧.୪ ଲୋକଙ୍କ ଯାଂଚ ମଧ୍ୟରେ ଜଣେ କରୋନା ପଜିଟିଭ୍ ମିଳିଥିଲେ । ଇଟାଲିରେ ଏହି ସଂଖ୍ୟା ୬.୭, ଆମେରରିକାରେ ୫.୩ ଓ ବ୍ରିଟେନରେ ୩.୪ ରହିଥିଲା । ତେବେ ଭାରତରେ ପ୍ରତି ୨୪ଜଣଙ୍କ ଯାଂଚରେ ଜଣେ ସଂକ୍ରମିତ ଚିହ୍ନଟ ହେଉଥିଲେ ।

   Related Posts