Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଉରକେଲା : ନିଆଁ ପୁଇଁବା ହେଲା କାଳ, ଦଳିଦେଲା ଦନ୍ତା, ଚାଲିଗଲା ଜୀବନ
  • ||
  • ଝଲସିବ ଅର୍କ କ୍ଷେତ୍ର : ନୂଆ ରୂପ ପାଇବ କୋଣାର୍କ ସୂର୍ଯ୍ୟ ମନ୍ଦିର, ପର୍ଯ୍ୟଟକଙ୍କୁ ମିଳିବ ବିଶ୍ୱସ୍ତରୀୟ ସୁବିଧା
  • ||
  • ଆଜି ବସୁଛି କଂଗ୍ରେସର ସିଡବ୍ଲ୍ୟୁସି ବୈଠକ, ଅଧ୍ୟକ୍ଷ ନିର୍ବାଚନ ନେଇ ହେବ ଆଲୋଚନା !
  • ||
  • ଏଥର ନିଜ ସ୍କୁଲରେ ଛାତ୍ରଛାତ୍ରୀ ଦେବେ ମାଟ୍ରିକ ପରୀକ୍ଷା, ୨ ଘଣ୍ଟାରେ ଲେଖିବାକୁ ପଡିବ ଉତ୍ତର
  • ||
  • ଶୀତ ଖେଳୁଛି ଲୁଚକାଳି : ଆଜି ବଢିବ ଥଣ୍ଡା, କିନ୍ତୁ କାଲି କମିଯିବ
  • ||
  • ମହାପ୍ରଭୁ ଜଗନ୍ନାଥଙ୍କୁ ଦର୍ଶନ କଲେ ମୁଖ୍ୟ ଶାସନ ସଚିବ
  • ||
  • ଜି.ଉଦୟଗିରି: ମିନିବସରେ ଲାଗିଲା ନିଆଁ
  • ||
  • ଟାଙ୍ଗୀ: ବାଲିନାଶିରେ ୨ ଭାଇଙ୍କୁ ଗୋଡ଼େଇ ଗୋଡ଼େଇ ହାଣିଲେ ଦୁର୍ବୃତ୍ତ, ଗୁରୁତର ଅବସ୍ଥାରେ ଏମ୍ସରେ ଭର୍ତ୍ତି
  • ||
  • ବଲାଙ୍ଗୀର: ବେଆଇନ୍ ବାଲି ବୋଝେଇ ଟ୍ରାକ୍ଟର ଜବତ, ମାଲିକଙ୍କ ଉପରେ ୨୦ ହଜାର ଟଙ୍କାର ଫାଇନ୍ ଲଗାଇଲେ ତହସିଲଦାର
  • ||
  • ରାଇରଙ୍ଗପୁର: କଲୋନୀରେ ଅଗ୍ନିକାଣ୍ଡ, ଜଳି ପାଉଁଶ ହୋଇଗଲା ୨ ବଖରା ଘର
  • ||

କେବଳ ଅଶୋଧିତ ତୈଳ ନୁହେଁ ବଢିଛି ଖାଇବା ତେଲର ଆମଦାନୀ, ୨୦ ବର୍ଷରେ ୩%ରୁ ୭୦%କୁ ବୃଦ୍ଧି

15/12/2020 at 4:46 PM

ନୂଆଦିଲ୍ଲୀ ୧୫।୧୨: ଗତ ୨ ଦଶନ୍ଧୀରେ ଦେଶର ଖାଦ୍ୟ ତୈଳ ବଜାରର ପରିଦୃଶ୍ୟରେ ବିଶାଳ ପରିବର୍ତ୍ତନ ଆସିଛି। ଖାଦ୍ୟ ତୈଳ ଲାଗି ବିଦେଶ ଉପରେ ପ୍ରାୟ ନିର୍ଭର ନଥିବା ଭାରତର ଆମଦାନୀ ଏବେ ୭୦ ପ୍ରତିଶତକୁ ପହଞ୍ଚିଛି। ୨୦୨୧-୨୨ ସାଧାରଣ ବଜେଟ ପୂର୍ବରୁ ଖାଦ୍ୟ ତୈଳ ସଙ୍ଗଠନଙ୍କ ଏକ ଉଦ୍ୟୋଗ ଏ ନେଇ କେନ୍ଦ୍ର ଅର୍ଥମନ୍ତ୍ରାଳୟଙ୍କ ଧ୍ୟାନ ଆକର୍ଷଣ କରିବା ଲାଗି ପ୍ରଦାନ କରିଥିବା  ରିପୋର୍ଟରେ ଏହା ଦର୍ଶାଯାଇଛି।

ସଲଭେଣ୍ଟ ଏକ୍ସଟ୍ରେକ୍ଟର୍ସ ଆସୋସିଏସନ ଅଫ ଇଣ୍ଡିଆ (ଏସଇଏଆଇ)ଙ୍କ ଅନୁସାରେ ଗତ ଦୁଇ ଦଶକରେ ଦେଶର ଖାଦ୍ୟତୈଳ ଆମଦାନୀରେ ଯଥେଷ୍ଠ  ବୃଦ୍ଧି ହୋଇଛି। ଏଣୁ ଘରୋଇ ଉତ୍ପାଦନ ବାର୍ଷିକ ୨.୮ରୁ ୩.୦କୋଟି ଟନରେ ସ୍ଥିର ଥିବା ବେଳେ ଉତ୍ପାଦକତା ୯୦୦ରୁ ୧୦୦୦ କିଲୋ ପ୍ରତି ହେକ୍ଟରକୁ ଖସିଛି। ଏବେ ଆମଦାନୀ ଉପରୁ ନିର୍ଭରଶୀଳତା ହ୍ରାସ ଲାଗି ଉତ୍ପାଦକତା ପ୍ରତି ହେକ୍ଟର ୧ହଜାର ୫୦୦କୁ ପହଞ୍ଚାଇବା ଜରୁରି ବୋଲି ସଂଘ କହିଛି। ଏଥିଲାଗି ବଜେଟରେ ସ୍ୱତନ୍ତ୍ର ବ୍ୟବସ୍ଥା କରିବାକୁ ମଧ୍ୟ ଏସଇଏଆଇ  ଦାବି କରିଛନ୍ତି।

ଏହା ଛଡା ନ୍ୟାସନାଲ ମିସନ ଅନ ଇଡିଏବଲ ଅଏଲ(ଏନଏମଇଓ) ତୁରନ୍ତ କାର୍ଯ୍ୟକାରୀ କରିବାକୁ ମଧ୍ୟ କୁହାଯାଇଛି। ସୋରିଷ, ବାଦାମ, ସୋୟାବିନ ଓ ପାମ ଅଏଲର ଘରୋଇ ଉତ୍ପାଦନ ପ୍ରୋତ୍ସାହନ ଲାଗି ବାର୍ଷିକ ୪ରୁ ୫ ହଜାର କୋଟି ଟଙ୍କା ଆବଣ୍ଟନର ଆବଶ୍ୟକତା ଥିବା ସଂଘ ଦାବି କରିଛି। ଏହା ଛଡା ଆମଦାନୀ ତୈଳ ଉପରେ ଅଏଲସିଡ୍ ଡେଭଲପମେଣ୍ଟ ସେସ୍‌ ଆଦାୟ ଲାଗି ମଧ୍ୟ ସଂଘ ସରକାରଙ୍କୁ ପରାମର୍ଶ ଦେଇଛି।

ଏହାଛଡା ଦେଶର ଖାଦ୍ୟ ତୈଳ ଆବଶ୍ୟକତା  ପୂରଣ ଲାଗି ରାଇସ୍ ବ୍ରାନ ଅଏଲ, କଟନସିଡ୍ ଅଏଲ ଓ ମକାରୁ ବାହାରୁଥିବା ତେଲ ଓ ଏହପିର ଅନ୍ୟ ଅଣପାରମ୍ପରିକ ଖାଦ୍ୟ ତୈଳର ପୂର୍ଣ୍ଣ କ୍ଷମତା ଉତ୍ପାଦନ ଲାଗି ମଧ୍ୟ ସଂଘ ଗୁରୁତ୍ୱ ଦେଇଛି। ଏପରି କରାଗଲେ ଆଗାମୀ ୫ ବର୍ଷରେ ଭାରତ ଅତିରିକ୍ତ ୧୦ଲକ୍ଷ ଟନ ଖାଦ୍ୟ ତୈଳ ଉତ୍ପାଦନ କ୍ଷମତା ହାସଲ କରିପାରିବ ବୋଲି ସଂଘ ଆକଳନ କରିଛି। ପ୍ରାୟ ୨୦ ବର୍ଷ ପୂର୍ବେ ଭାରତ ବିଦେଶରୁ ୩ ପ୍ରତିଶତ ଖାଦ୍ୟ ତୈଳ ଆମଦାନୀ କରୁଥିଲା। ହେଲେ ଏହି ସମୟ ମଧ୍ୟରେ ଆମଦାନୀ ୭୦ ପ୍ରତିଶତରେ ପହଞ୍ଚିଥିବା ବେଳେ ଦେଶରୁ ବାକି ୩୦ ପ୍ରତିଶତ ପାରମ୍ପରିକ ଓ ଅଣପାରମ୍ପରିକ ତୈଳରୁ ଖାଦ୍ୟ ଆବଶ୍ୟକତା ପୂରଣ ହେଉଛି।

   Related Posts