Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁଆସୁଣୀ ଛକରେ ସିରିଜ୍ ଦୁର୍ଘଟଣା, ୨ ଗୁରୁତର
  • ||

ଚୀନକୁ ମୁହଁତୋଡ ଜବାବ ଦେବାକୁ ଭାରତ ପ୍ରସ୍ତୁତ, ଡେଫସଙ୍ଗରେ ମୁତୟନ କଲା ଟ୍ୟାଙ୍କ୍ ଓ ପାରା କମାଣ୍ଡୋ

3/08/2020 at 10:18 PM

ଲଦାଖ, ୦୩|୦୮: ଚୀନକୁ ଟକ୍କର ଦେବାକୁ ଭାରତ ପ୍ରସ୍ତୁତ କରିଛି ନୂଆ ଯୋଜନା । ଲଦ୍ଦାଖର ଦୌଲତ ବେଗ ଓଲଡି ଓ ଡେଫସାଙ୍ଗର ବିପରୀତ ଦିଗରେ ଭାରତ ୧୭ ହଜାରରୁ ଅଧିକ ସୈନ୍ୟ ଓ ସସସ୍ତ୍ର ବାହାନ ମୁତୟନ କରିଛି । ଏହାସହ ଚୀନ ତରଫରୁ କରାଯାଉଥିବା କୌଣସି ଦୁଃସାହସର ଜବାବ ଦେବାକୁ ରୋଡ୍ ମ୍ୟାପ୍ ମଧ୍ୟ ପ୍ରସ୍ତୁତ ହୋଇଛି ।

ସରକାରୀ ସୂତ୍ରାନୁସାରେ, ଦୌଲତ ବେଗ ଓଲଡି ଓ ଡେଫସାଙ୍ଗରେ ଟି୯୦ ରେଜିମେଣ୍ଟର ଯବାନଙ୍କୁ ମୁତୟନ କରାଯାଇଛି । ଏହାସହ ଟ୍ୟାଙ୍କ୍ ମଧ୍ୟ ମୁତୟନ କରାଯାଇଛି । ପେଟ୍ରୋଲିଂ ପଏଁଣ୍ଟ ୧ରୁ ଦେଫସାଙ୍ଗ୍ ଯାଏଁ ଯବାନ ନିୟୋଜିତ ଅଛନ୍ତି । ଏପରିକି ପାରା କମାଣ୍ଡୋ ମଧ୍ୟ ସେଠାରେ ରହିଛନ୍ତି ।

ଚୀନ୍ ସେନା ଦ୍ୱାରା ପିପି-୧୦ ଆସୁଥିବା ଭାରତୀୟ ସୈନ୍ୟଙ୍କୁ ପିପି-୧୩ରେ ବ୍ଲକ କରାଯିବା ପରେ ଏହି ମୁଭମେଣ୍ଟ୍ ଆରମ୍ଭ ହୋଇଛି । ଭାରତ ଡେଫସାଙ୍ଗ୍ ଅଞ୍ଚଳରେ ସ୍ଥିତି ମଜବୁତ କରିବା ପାଇଁ ଏହି ପଦକ୍ଷେପ ନେଇଛି । ପୂର୍ବ ଲଦ୍ଦାଖକୁ ଲେହ ସହ ଯୋଡୁଥିବା ମୁଖ୍ୟ ରାସ୍ତା ସହ ଏହି ଅଞ୍ଚଳ ଜଡିତ ।

ଡେଫସାଙ୍ଗ୍ ଭାରତ ସୀମାବର୍ତ୍ତୀ ଅଞ୍ଚଳରେ ଚୀନ ପୂର୍ବ ଅପେକ୍ଷା ଅଧିକ ସୈନ୍ୟ ମୁତୟନ କରିଛି  । ଚୀନ ବାହାନର ଯାତାୟତ ବୃଦ୍ଧି ପାଇଛି । ଏଠାରେ ଭାରତୀୟ ସୈନିକ ପ୍ରାୟତଃ ପିଏଲଏକୁ ହଟାଇଥାନ୍ତି । କିନ୍ତୁ ଚଳିତ ବର୍ଷ ଏଠାରେ ପୂର୍ବ ତୁଳନାରେ ଚୀନ ଅଧିକ ସୈନ୍ୟ ନିୟୋଜିତ କରିଛି । ଯାହାକୁ କାଉଣ୍ଟର ଦେବାକୁ ଯାଇ ଭାରତ ଟ୍ୟାଙ୍କ୍ ସହ ଯବାନଙ୍କ ସଂଖ୍ୟା ବୃଦ୍ଧି କରିଛି ।

   Related Posts