ରାଞ୍ଚି ୨୨।୧୦: ରାଞ୍ଚି ଟେଷ୍ଟରେ ଟିମ୍ ଇଣ୍ଡିଆର ବିଶାଳ ବିଜୟ । ଦକ୍ଷିଣ ଆଫ୍ରିକାକୁ ଗୋଟିଏ ପାଳି ଏବଂ ୨୦୨ ରନ୍ରେ ହରାଇଛି ବିରାଟ ବାହିନୀ । ଏଥିସହ ଦକ୍ଷିଣ ଆଫ୍ରିକା ବିରୋଧରେ ସିରିଜ୍କୁ ୩-୦ରେ ମୂଳପୋଛ କରି ନେଇଛି ଭାରତ ।
ପ୍ରଥମ ଇନିଂସରେ ପ୍ରଥମେ ବ୍ୟାଟିଂ କରି ରୋହିତ ଶର୍ମାଙ୍କ ଦ୍ବିଶତକ ଏବଂ ରାହାଣେଙ୍କ ଶତକ ବଳରେ ୯ୱିକେଟ୍ ହରାଇ ୪୯୭ ରନ୍ର ବିଶାଳ ସ୍କୋର କରିଥିଲା ଭାରତ । ଏହାପରେ ବ୍ୟାଟିଂ କରିବାକୁ ଆସି ମାତ୍ର ୧୬୨ରନ୍ରେ ପୁରା ଦକ୍ଷିଣ ଆଫ୍ରିକା ଅଲଆଉଟ୍ ହୋଇଯାଇଥିଲା । ଭାରତ ଫଲୋଅନ୍ ଦେଇଥିଲା ।
ତେବେ ଦ୍ବିତୀୟ ପାଳିରେ ବ୍ୟାଟିଂ କରି ଦକ୍ଷିଣ ଆଫ୍ରିକା ମାତ୍ର ୧୩୩ ରନ୍ରେ ସମସ୍ତ ୱିକେଟ୍ ହରାଇଥିଲା । ଏହା ଦକ୍ଷିଣ ଆଫ୍ରିକା ବିରୋଧରେ ଭାରତର ପ୍ରଥମ କ୍ଲିନ୍ ସ୍ବିପ୍ । ରୋହିତ ଶର୍ମା ସିରିଜରେ ସର୍ବାଧିକ ୫୨୯ ରନ୍ କରିଛନ୍ତି ।