Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ICC ଟି-୨୦ ରାଙ୍କିଂ : ୪ର୍ଥ ସ୍ଥାନରେ ପାକିସ୍ତାନ ବ୍ୟାଟ୍ସମ୍ୟାନ୍‌ ମହମ୍ମଦ ରିଜଓ୍ବାନ, ବିରାଟ କୋହଲି (୫) ଏବଂ ଲୋକେସ ରାହୁଲ (୮) ଖସିଲେ
  • ||
  • କରଞ୍ଜିଆ : ନଭେମ୍ବର ପହିଲାରୁ ଖୋଲିବ ଶିମିଳିପାଳ ଜାତୀୟ ଉଦ୍ୟାନ
  • ||
  • ସୋର : ଭଙ୍ଗା ଘରୁ ମିଳିଲା ପୁଳା ପୁଳା ରାସନ କାର୍ଡ, ଲୋକଙ୍କୁ ଦିଆନଯାଇ ଲୁଚାଇ ରଖାଯାଇଥିଲା କାହିଁକି ?
  • ||
  • ଆନନ୍ଦପୁର : କଣ୍ଡକ୍ଟରଙ୍କ ଭୁଲ୍, ଯାତ୍ରୀଙ୍କ ଗୋଡ ଉପରେ ଚଢିଗଲା ବସ୍
  • ||
  • କୋଣାର୍କ : ବାଇକ୍ ଚୋରି ରାକେଟ୍ ଠାବ : ୮ ବାଇକ୍ ସହ ୪ ଅଭିଯୁକ୍ତ ଗିରଫ
  • ||
  • ତେଲକୋଇ : କାଞ୍ଜିପାଣି ଘାଟିରେ ଭାରସ୍ୟାମ ହରାଇ ଓଲଟିଲା ଅଟୋ, ୫ବର୍ଷର ଶିଶୁ ସମେତ ୩ ଗୁରୁତର
  • ||
  • ଚାନ୍ଦବାଲି : ଅଘୋଷିତ ବିଦ୍ୟୁତ କାଟ୍ : ଦୀର୍ଘ ୧୨ଘଣ୍ଟା ଧରି ଅନ୍ଧାରରେ ରହିଲା ଆଖଣ୍ଡଳମଣୀ ପୀଠ
  • ||
  • ଭୁବନେଶ୍ବର : ନଭେମ୍ବର ୧ରୁ ଯୁକ୍ତ ୩ ପ୍ରଥମ ବର୍ଷ ଏବଂ ୧୫ରୁ ପିଜି ପ୍ରଥମ ବର୍ଷ କ୍ଲାସ୍ ଖୋଲିବ
  • ||
  • ଖୋର୍ଦ୍ଧା : ୩ ଦିନ ହେବ ଚିଲିକା ମଝିରେ ଫସିଥିଲା ଡଙ୍ଗା, ୨ ମତ୍ସ୍ୟଜୀବୀଙ୍କ ସହ ୧୦ବର୍ଷର ଛୁଆ ଉଦ୍ଧାର
  • ||
  • ଭୁବନେଶ୍ବର : ମମିତା ମେହେର ହତ୍ୟା ଘଟଣାରେ ନୀରବତାକୁ ବରଦାସ୍ତ କରାଯିବନି : କଂଗ୍ରେସ
  • ||

ରାତିରେ ଲଢିଲେ: ୧୯୭୫ ପରେ LACରେ ପୁଣି ଗଡିଲା ମୁଣ୍ଡ

16/06/2020 at 3:07 PM

ନୂଆଦିଲ୍ଲୀ ୧୬।୦୬: ଭାରତ ଓ ଚୀନ ମଧ୍ୟରେ ଲଦାଖର ବାସ୍ତବ ନିୟନ୍ତ୍ରଣ ରେଖା(ଏଲଏସି)ରେ ଉତ୍ତେଜନା ଚରମ ସ୍ଥିତିରେ ପହଞ୍ଚିଛି। ଗତ ଚାରି ଦଶନ୍ଧିରେ ଯେଉଁଠି ଦୁଇ ଦେଶର ସେନା ମଧ୍ୟରେ ହିଂସାତ୍ମକ ଘଟଣା ଦେଖିବାକୁ ମିଳିଥିଲା ସେଠି ଏବେ ମାହୋଲ ଅଚାନକ ବିଗିଡି ଯାଇଛି। ସୋମବାର ରାତିରେ ଗଲଓ୍ଵାନ ଘାଟିରେ ଭାରତୀୟ ସୈନିକ ଓ ଚୀନ ସୈନିକଙ୍କ ମଧ୍ୟରେ ହିଂସାତ୍ମକ ସଂଘର୍ଷ ଘଟିଛି। ଏଥିରେ ଭାତରୀୟ ସେନାର ଜଣେ ଅଧିକାରୀ ଓ ଦୁଇ ଯବାନ ସହିଦ ହୋଇଛନ୍ତି। ଦୀର୍ଘ ୪୫ ବର୍ଷ ପରେ ଭାରତ ଓ ଚୀନ ସୀମାରେ ପ୍ରଥମ ଥର ଭାରତୀୟ ଯବାନ ସହିଦ ହୋଇଛନ୍ତି। କୁହାଯାଏ ଯେ, ଏଲଏସି ବର୍ଡରରେ ୧୯୬୭ରେ ଶେଷ ଥର ଫାୟରିଂ ହୋଇଥିଲା। ଏହାପରେ ଚୀନ ପକ୍ଷରୁ ୧୯୭୫ରେ ମଧ୍ୟ ଭାରତୀୟ ସୈନିକଙ୍କ ଉପରେ ହମଲା  ହୋଇଥିଲା।

୧୯୬୭ର ପୂରା କାହାଣୀ

ଭାରତ ଓ ଚୀନ ମଧ୍ୟରେ ଶେଷ ଥର ୧୯୬୭ରେ ଗୁଳି ବିନିମୟ ଘଟିଥିଲା। ଅର୍ଥାତ ୫୩ ବର୍ଷ ପୂର୍ବେ ଏହି ଘଟଣା ହୋଇଥିଲା। ଏହି ହିଂସାତ୍ମକ ସଂଘର୍ଷ ସିକ୍କିମରେ ହୋଇଥିଲା। ଚୀନ ସେଠାରେ ଏଥିପାଇଁ ଉସୁକାଇବା ପରି କାମ କରୁଥିଲା କାରଣ ୧୯୬୨ ଯୁଦ୍ଧ ପରେ ଭାରତ ଉକ୍ତ ଅଞ୍ଚଳରେ ନିଜର ସ୍ଥିତି କ୍ରମାଗତ ଉନ୍ନତ କରି ଚାଲିଥିଲା। ୧୯୬୭ର ଏହି ଲଢେଇରେ ଭାରତର ୮୦ ଯବାନ ସହିଦ ହୋଇଥିବା ବେଳେ ଚୀନର ପ୍ରାୟ ୪୦୦ ସୈନିକ ପ୍ରାଣ ହରାଇଥିଲେ।

୧୯୭୫ରେ ପୁଣି ଥରେ ହମଲା

ଦୁଇ ଦେଶ ମଧ୍ୟରେ ଶେଷ ଥର ଗୁଳି ବିନିମୟ ୧୯୬୭ରେ ନିଶ୍ଚୟ ହୋଇଥିଲା। ହେଲେ ୮ ବର୍ଷ ପରେ ୧୯୭୫ରେ ଚୀନ ପୁଣି ଥରେ ଭାରତୀୟ ସେନା ଉପରେ ଅତର୍କିତ ଆକ୍ରମଣ କରିଥିଲା। ଏହି ଘଟଣାରେ ଭାରତର ୪ ଯବାନ ସହିଦ ହୋଇଥିଲେ। ଭାରତ ସରକାର କହିଥିଲେ ଯେ, ଚୀନ ସୀମା ଅତିକ୍ରମ କରିଥିଲା, ମାତ୍ର ସବୁ ଥର ପରି ଚୀନ ଏହାକୁ ମଧ୍ୟ ମନା କରି ଦେଇଥିଲା।

ସୂଚନାଯୋଗ୍ୟ, ଗତ ଅନେକ ଦିନ ଧରି ଭାରତ-ଚୀନ ସୀମାରେ ବିବାଦ ଲାଗି ରହିଛି। ଚୀନ କ୍ରମାଗତ କହୁଛି ଯେ, ଆପୋଷ ଆଲୋଚନା ମାଧ୍ୟମରେ ବିବାଦର ସମାଧାନ କରାଯିବ। ମାତ୍ର ଡ୍ରାଗନ ପଛକୁ ହଟିବାକୁ ପ୍ରସ୍ତୁତ ନୁହେଁ। ଭାରତ ମଧ୍ୟ ସ୍ପଷ୍ଟ କରି ଦେଇଛି ଯେ, ଯେ ପର୍ଯ୍ୟନ୍ତ ଚୀନ ସେନା ପଛକୁ ହଟି ନାହାନ୍ତି ଭାରତୀୟ ସେନା ମଧ୍ୟ ପଛକୁ ହଟିବେ ନାହିଁ। ଏଲଏସିରେ ବଦଳିଥିବା ପରିସ୍ଥିତିକୁ ଭାରତ କଦାପି ସ୍ଵୀକାର କରିବ ନାହିଁ।

ଗତ ଦୁଇ ଦିନ ତଳେ ସ୍ଥିର ହୋଇଥିଲା ଯେ, ଚୀନର ସେନା ଗଲଓ୍ଵାନ ଘାଟିରେ ପାଟ୍ରୋଲିଂ ପଏଣ୍ଟ ୧୪, ୧୫ ଓ ୧୭ ଏରୁ ପଛକୁ ହଟିବେ। କାରଣ ଚୀନର ସେନା ଶ୍ୟୋକ ନଦୀ ଓ ଗଲଓ୍ଵାନ ନଦୀର ମୁହାଣ ପର୍ଯ୍ୟନ୍ତ ମାଡି ଆସିଥିଲା। ଏବେ ଧିରେ ଧିରେ ମଧ୍ୟ ପଛକୁ ହଟୁଥିଲା। ମାତ୍ର ସଂପୂର୍ଣ୍ଣ ଭାବେ ସୈନ୍ୟ ପ୍ରତ୍ୟାହାର କରୁନଥିଲା। ଗତକାଲି ନିର୍ଣ୍ଣୟ ହୋଇଥିଲା ଯେ, ଚୀନର ସେନା ସଂପୂର୍ଣ୍ଣ ଭାବେ ପଛକୁ ହଟିବ।

ଦୁଇ ଦେଶର ଆର୍ମି ଅଫିସରଙ୍କ ନିଷ୍ପତ୍ତି ପରେ ଯେବେ ଚୀନ ସେନା ପଛକୁ ହଟିବାକୁ ମନା କଲା, ତେବେ ଦୁଇ ଦେଶର ସୈନିକଙ୍କ ମଧ୍ୟରେ ହିଂସାତ୍ମକ ସଂଘର୍ଷ ଘଟିଥିଲା। ଏହି ସଂଘର୍ଷରେ ଭାରତୀୟ ସେନାର ଜଣେ ବରିଷ୍ଠ ଅଧିକାରୀ ଓ ଦୁଇ ଜଣ ଯବାନ ସହିଦ ହୋଇଛନ୍ତି।

   Related Posts