Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାକାଶରେ ନିୟନ୍ତ୍ରଣ ହରାଇଛି ସ୍ପେସଏକ୍ସର ଫାଲକନ-୯, ବିପଦରେ ଭାରତର ଚନ୍ଦ୍ରଯାନ
  • ||
  • ବିଜେପିରେ ସାମିଲ ହେଲେ ଉତ୍ତରାଖଣ୍ଡର ପୂର୍ବତନ କଂଗ୍ରେସ ଅଧ୍ୟକ୍ଷ କିଶୋର ଉପାଧ୍ୟାୟ
  • ||
  • ରାଜ୍ୟରେ ଆଉ ୮ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୫୦କୁ ବୃଦ୍ଧି
  • ||
  • ରାଜ୍ୟରେ କମିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୯୦୧ କୋଭିଡ୍ ପଜିଟିଭ୍, ୧୨୩୧୧୬୯ରେ ପହଞ୍ଚିଲା ସଂଖ୍ୟା
  • ||
  • ଜିଲ୍ଲା ପରିଷଦ ନିର୍ବାଚନ ଲଢୁଛନ୍ତି ଡାକ୍ତରାଣୀ, ଚର୍ଚ୍ଚାରେ ବିଜେପି ପ୍ରାର୍ଥୀ ମୋନାଲିସା
  • ||
  • ବିସ୍ଫୋରଣ କରି ଟ୍ରେନ୍ ଲାଇନ ଉଡାଇଲେ ନକ୍ସଲ, ପୋଷ୍ଟରରେ ଦେଲେ ଧମକ
  • ||
  • କୁହୁଡିର ଚାଦରରେ ଜଗତସିଂହପୁର, ଗମନାଗମନ ବାଧାପ୍ରାପ୍ତ
  • ||

ମୋଦୀଙ୍କୁ ରାହୁଲଙ୍କ ହମଲା: କହିଲେ- ଆମ ସୈନିକଙ୍କୁ ମାରିଲେ, ଜମି କବ୍‌ଜା କଲେ…ପୁଣି ମୋଦୀଙ୍କୁ କଣ ପାଇଁ ପ୍ରଶଂସା କରୁଛି ଚୀନ ?

22/06/2020 at 6:13 PM

ନୂଆଦିଲ୍ଲୀ ୨୨।୦୬: ଭାରତ ଓ ଚୀନ ବିବାଦ ଏବେ ରାଜନୀତିର ଆଖଡା ପାଲଟିବାରେ ଲାଗିଛି। ଦେଶରେ ପ୍ରତି ଦିନ ଶାସକ  ଏବଂ  ବିରୋଧୀ ଦଳ ମଧ୍ୟରେ ରାଜନୀତି ଜୋର ଧରୁଛି। ଏହା ମଧ୍ୟରେ କଂଗ୍ରେସର ପୂର୍ବତନ ସଭାପତି ରାହୁଲ ଗାନ୍ଧୀ ପୁଣି ଥରେ ପ୍ରଧାନମନ୍ତ୍ରୀଙ୍କୁ ଟାର୍ଗେଟ୍ କରିଛନ୍ତି। ରାହୁଲ କହିଛନ୍ତି ଚୀନ ଆମ ସୈନିକଙ୍କ ହତ୍ୟା କଲେ। ଆମ ଜମି କବଜା କଲେ ତଥାପି ସେଠାକାର ଗଣମାଧ୍ୟମ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ କଣ ପାଇଁ ପ୍ରଶଂସା କରୁଛନ୍ତି ? ଏହା ପୂର୍ବରୁ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହ ମଧ୍ୟ ଚିଠି ଲେଖି ପ୍ରଧାନମନ୍ତ୍ରୀଙ୍କୁ ଚୀନ ପ୍ରସଙ୍ଗରେ କିଛି ପ୍ରସ୍ତାବ ଦେଇଥିଲେ, ଯାହାକୁ ନେଇ ମଧ୍ୟ ରାଜନୀତି ଜୋର ଧରିଥିଲା।

କଂଗ୍ରେସର ପୂର୍ବତନ ସଭାପତି ରାହୁଲ ଗାନ୍ଧୀ ଏକ ଖବର କାଗଜର କଟିଂଙ୍କୁ ପୋଷ୍ଟ କରି ଟ୍ଵିଟ୍ କରିଛନ୍ତି। ସେ ଲେଖିଛନ୍ତି ଯେ, ଚୀନ ଆମ ସୈନିକଙ୍କ ହତ୍ୟା କଲେ, ଆମ ଜମି କବ୍‌ଜା କଲେ। ଏମିତି ଉତ୍ତେଜନାପୂର୍ଣ୍ଣ ସମୟରେ ଚୀନ୍‌ ଗଣମାଧ୍ୟମ ପ୍ରଧାନମନ୍ତ୍ରୀ ମୋଦୀଙ୍କ କଣ ପାଇଁ ପ୍ରଶଂସା କରୁଛି। ଉଲ୍ଲେଖଯୋଗ୍ୟ, ଚୀନ ଗଣମାଧ୍ୟମମ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବିବୃତ୍ତି ଉପରେ ଖୁସି ପ୍ରକାଶ କରି ତାଙ୍କ ପ୍ରଶଂସା ମଧ୍ୟ କରିଥିଲେ।

ଏହା ପୂର୍ବରୁ କଣ କହିଥିଲେ ମନମୋହନ ସିଂହ

ଭାରତ-ଚୀନ ସୀମା ବିବାଦକୁ ନେଇ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଶବ୍ଦ ଚୟନ ବେଳେ ସତର୍କ ରହିବାକୁ ପରାମର୍ଶ ଦେଇଛନ୍ତି। ସେ କହିଛନ୍ତି ଆଜି ଆମ ଦେଶ ଇତିହାସର ସବୁଠୁ ବଡ ସଙ୍କଟମୟ ସ୍ଥିତିରେ ଛିଡା ହୋଇଛି। ଆମ ସରକାରଙ୍କ ନିର୍ଣ୍ଣୟ ଓ ସରକାର ଦ୍ଵାରା ଉଠାଯାଉଥିବା ପଦକ୍ଷେପ ସ୍ଥିର କରିବ ଯେ, ଭବିଷ୍ୟତର ପିଢି ଆମକୁ କେଉଁ ଦୃଷ୍ଟିରେ ଦେଖିବେ। ଯିଏ ଦେଶର ନେତୃତ୍ଵ ନେଉଛନ୍ତି ତାଙ୍କ କାନ୍ଧରେ କର୍ତ୍ତବ୍ୟତ ଗୁରୁ ଦାୟିତ୍ଵ ରହିଛି। ଆମ ଗଣତନ୍ତ୍ରରେ ଏହି ବଡ ଦାୟିତ୍ଵ ଦେଶର ପ୍ରଧାନମନ୍ତ୍ରୀଙ୍କ ହାତରେ ରହିଛି। ପ୍ରଧାନମନ୍ତ୍ରୀଙ୍କୁ ନିଜ ଶବ୍ଦ ଏବଂ ଘୋଷଣା ଦ୍ଵାରା ଦେଶର ସୁରକ୍ଷା ଏବଂ ଭୌଗୋଳିକ ହିତ ଉପରେ ପଡିବାକୁ ଥିବା ପ୍ରଭାବ ପ୍ରତି ସର୍ବଦା ସାବଧାନ ରହିବା ଉଚିତ୍ ବୋଲି ପୂର୍ବତନ ପ୍ରଧାନମନ୍ତ୍ରୀ କହିଛନ୍ତି।

   Related Posts