Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟିକା ବଣ୍ଟନ ପାଇଁ ୨୧ ଜଣିଆ ପରିଚାଳନା କମିଟି ଗଠନ, ସ୍ଵାସ୍ଥ୍ୟ ବିଭାଗର ନିର୍ଦ୍ଦେଶକ ହେଲେ ଅଧ୍ୟକ୍ଷ
  • ||
  • ୯୦ ପ୍ରତିଶତ ନଷ୍ଟ ହୋଇ ସାରିଥିଲା କରୋନା ସଂକ୍ରମିତ ବ୍ୟକ୍ତିଙ୍କ ଫୁସ୍‌ଫୁସ୍, ଇକମୋ ପଦ୍ଧତିରେ ସୁସ୍ଥ କଲେ ସମ୍ ଡାକ୍ତର
  • ||
  • ଦ୍ଵିତୀୟ ଲହର ସଂକ୍ରମଣର ଆଶଙ୍କା ନାହିଁ, ସୁସ୍ଥ ହୋଇ ଘରକୁ ଫେରିଲେ ୬୦୫ ଆକ୍ରାନ୍ତ
  • ||
  • ଡିସେମ୍ବର ୮ରେ କୃଷକଙ୍କ ଭାରତ ବନ୍ଦ ଡାକରା, ରାଜ୍ୟ କଂଗ୍ରେସର ସମର୍ଥନ ଘୋଷଣା
  • ||
  • ପଞ୍ଚମ ପର୍ଯ୍ୟାୟ କୃଷକ-ସରକାରଙ୍କ ଆଲୋଚନା ବିଫଳ, ଡିସେମ୍ବର ୯’ରେ ପୁଣି ବୈଠକ
  • ||
  • ସାଲେପୁର : ଷଣ୍ଢକୁ ଧକ୍କା ଦେବା ପରେ ହୁତୁ ହୁତୁ ହୋଇ ଜଳିଲା କାର୍, ଅଳ୍ପକେ ବର୍ତ୍ତିଲେ ୪ ଜଣ
  • ||
  • ଭୁବନେଶ୍ବର : ‘ପରୀ’ ହତ୍ୟାକାରୀକୁ ଧରାଇଦେଲେ ମିଳିବ ଲକ୍ଷେ ଟଙ୍କା
  • ||
  • ନୟାଗଡ : ଘର ବାଡିପଟୁ ମିଳିଲା ବୃଦ୍ଧଙ୍କ ମୃତଦେହ, ମୁଣ୍ଡ ଏବଂ ମୁହଁରେ ରହିଛି କ୍ଷତଚିହ୍ନ, ହତ୍ୟା ସନ୍ଦେହ
  • ||
  • ଯାଜପୁର : ଭୟାବହ ଅଗ୍ନିକାଣ୍ଡ, ୧୨ ବଖରା ଘର ସହ ଜଳିଗଲା ଲକ୍ଷାଧିକ ଟଙ୍କାର ସୁନା ଗହଣା
  • ||
  • ଢେଙ୍କାନାଳ : ବାଇକ୍‌କୁ ଧକ୍କା ଦେଲା କାର୍, ଆରୋହୀ ପିଟିହେଲେ ଟ୍ରକ୍‌ରେ, ଚାଲିଗଲା ଜୀବନ
  • ||

ଚୀନ ସେନାକୁ ପଛକୁ ହଟାଇ ଗୁରୁତ୍ୱପୂର୍ଣ ପୋଷ୍ଟରେ କବଜା କଲା ଭାରତୀୟ ସେନା-ରିପୋର୍ଟ

1/09/2020 at 12:11 PM

ନୂଆଦିଲ୍ଲୀ ୦୧/୦୯ : ବାସ୍ତବିକ ନିୟନ୍ତ୍ରଣ ରେଖାରେ ଭାରତ ଓ ଚୀନ ମଧ୍ୟରେ ପୁଣିଥରେ ସ୍ଥିତି ଗମ୍ଭୀର ଥିବା ମଧ୍ୟରେ ଖବର ଆସିଛି ଯେ ଭାରତୀୟ ସେନା ପିପୁଲସ ଲିବରେସନ ଆର୍ମି (PLA) ପଛକୁ ପକାଇ ରଣନୀତିକ ରୂପରେ ଏକ ମହତ୍ଵପୁର୍ଣ ପୋଷ୍ଟରେ କବଜା କରିଛି | ଅଗଷ୍ଟ ୨୯ ଓ ୩୦ ତାରିଖରେ ଦକ୍ଷିଣୀ ପିୟୋଙ୍ଗ ଉପତ୍ୟକା ପାଖରେ PLA ସୈନିକ ସ୍ଥିତି ବଦଳାଇବାକୁ ଚେଷ୍ଟା କରିଥିଲେ | କିନ୍ତୁ ଭାରତୀୟ ସେନାଙ୍କ ଦ୍ୱାରା ବିଫଳ ହୋଇଥିଲେ | ବ୍ରିଟେନର ଇଂରାଜୀ ଖବରକାଗଜ ଦି ଟେଲିଗ୍ରାଫର ଏକ ଖବରର ଦାବି ଅନୁଯାୟୀ, ଚୀନର ଏକ ସୈନ୍ୟ ପୋଷ୍ଟରେ ଭାରତୀୟ ସେନା କବଜା କରିଛି |

ରିପୋର୍ଟ ଅନୁଯାୟୀ, PLA ଭାରତୀୟ କ୍ଷେତ୍ରରେ ଅନୁପ୍ରବେଶ କରି କବଜା କରିବାକୁ ଚେଷ୍ଟା କରିଥିଲା | ଟେଲିଗ୍ରାଫ ଖବରରେ ଅଧିକାରୀଙ୍କ ଉଦ୍ଦେଶ୍ୟରେ କୁହାଯାଇଛି ଯେ ଚୀନର ଜବାବରେ ଭାରତୀୟ ସ୍ପେଶାଲ ଅପରେସନ ବାଟାଲିୟନ ଏକ ମହତ୍ଵପୁର୍ଣ ଶିବିରରେ କବଜା କରିଛି | ଚୁଶୁଲ ଗାଁ ନିକଟରେ ଚୀନ ସେନାକୁ ପଛକୁ ହଟାଇ ଦେଇଛି | ସୂତ୍ର ଅନୁଯାୟୀ, ଉଭୟ ଦେଶ ମଧ୍ୟରେ ସ୍ଥିତି ଉତ୍ତେଜନାପୂର୍ଣ୍ଣ ହେବାର ଆଶଙ୍କା ରହିଛି | ଉଭୟ ଦେଶ ମଧ୍ୟରେ ପ୍ରଥମଥର ପାଇଁ ଗଲୱାନ ଘାଟିରେ ଜୁନ ୧୫ ତାରିଖରେ ହିଂସା ଘଟଣା ଘଟିଥିଲା | ଏଥିରେ ଭାରତୀୟ ସେନାର ୨୨ ଯବାନ ଶହୀଦ ହୋଇଥିଲେ | ତେବେ ଚୀନ ତାର ହତାହତ ହୋଇଥିବା ସୈନିକଙ୍କ ସମ୍ପର୍କରେ କୌଣସି ସୂଚନା ଦେଇନଥିଲା | କିନ୍ତୁ ଆମେରିକାର ଗୁଇନ୍ଦା ସଂସ୍ଥା ରିପୋର୍ଟ ଅନୁଯାୟୀ ଚୀନର ୩୫ ସେନା ହତାହତ ହୋଇଥିଲେ | ଭାରତ ଓ ଚୀନ ଗତ ଅଢେଇ ମାସରେ ସୈନ୍ୟ ଓ ରାଜନୈତିକ ସ୍ଥରରେ ଆଲୋଚନା କରିଥିଲେ କିନ୍ତୁ ପୂର୍ବ ଲଦାଖ ମାମଲାରେ କୌଣସି ସମାଧାନ ହୋଇପାରିନାହିଁ | ପୂର୍ବ ଲଦାଖରେ ଉତ୍ତେଜନା କମ କରିବାକୁ ରାଷ୍ଟ୍ରୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲ ଓ ଚୀନର ବୈଦେଶିକ ମନ୍ତ୍ରୀ ବାଙ୍ଗ ୟୀଙ୍କ ମଧ୍ୟରେ ଫୋନ ଯୋଗେ କଥାବାର୍ତ୍ତା ହୋଇଥିଲା | କଥାବାର୍ତ୍ତା ପରେ ଜୁଲାଇ ୬ ତାରିଖରେ ଉଭୟ ପକ୍ଷରୁ ପଛକୁ ହଟିବା ପ୍ରକ୍ରିୟା ଆରମ୍ଭ ହୋଇଥିଲା | କିନ୍ତୁ ଅଗଷ୍ଟ ୨୯ ଓ ୩୦ ତାରିଖରେ ଚୀନ ପୁଣିଥରେ ଭାରତୀୟ ସୀମାରେ ଅନୁପ୍ରବେଶ କରିବାକୁ ଉଦ୍ୟମ କରିଥିଲା | କିନ୍ତୁ ଭାରତୀୟ ସେନା ତାଙ୍କ ଯୋଜନା ପଣ୍ଡ କରିଦେଇଥିଲେ | ସେନା ପ୍ରବକ୍ତା କର୍ଣ୍ଣଲ ଅମନ ଆନନ୍ଦ କହିଛନ୍ତି ଯେ, ପୂର୍ବ ଲଦାଖରେ ଗତିରୋଧରେ ସୈନ୍ୟ ଓ ରାଜନୈତିକ ଜରିଆରେ ହୋଇଥିବା ସହମତିର ଉଲଙ୍ଘନ କରାଯାଇଛି | ମାମଲାର ସମାଧାନ ପାଇଁ ଚୁଶୁଲରେ ବ୍ରିଗେଡ କମାଣ୍ଡର ସ୍ଥରୀୟ ଏକ ବୈଠକ ହେଉଛି | ସେ କହିଛନ୍ତି ଯେ ଭାରତୀୟ ସେନା ଆଲୋଚନା ମାଧ୍ୟମରେ ଶାନ୍ତି ଓ ସ୍ଥିରତା ବଜାୟ ରଖିବାକୁ ପ୍ରତିବଦ୍ଧ କିନ୍ତୁ ଏହାସହ ଦେଶର କ୍ଷେତ୍ରୀୟ ଅଖଣ୍ଡତା ରକ୍ଷା କରିବା ପାଇଁ ମଧ୍ୟ ସେତିକି ପ୍ରତିବଦ୍ଧ |

   Related Posts