Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ସୁସ୍ଥ ହେଲେ ଆଉ ୩୬୦ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୧୮୦ ଡିସଚାର୍ଜ
  • ||
  • ସତ ହେଲା ଧୋନୀଙ୍କ ଭବିଷ୍ୟବାଣୀ, ୫ ବର୍ଷ ତଳେ କହିଥିଲେ- ଦିନେ ଏମିତି ହେବ…
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୩ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୨୫ କୋଭିଡ୍ ପଜିଟିଭ୍
  • ||
  • ପଡୋଶୀ ଘରୁ ମିଳିଲା ଯୁବକଙ୍କ ଝୁଲନ୍ତା ମୃତଦେହ, ହତ୍ୟା ନା ଆତ୍ମହତ୍ୟା ?
  • ||
  • ୨ ପରିବାର ମଧ୍ୟରେ ରକ୍ତାକ୍ତ ସଙ୍ଘର୍ଷ : ୮ ଗୁରୁତର, ବୁଲିଲା ଟାଙ୍ଗିଆ ଓ କଟୁରୀ
  • ||
  • କାର୍ତ୍ତିକ ମାସର ପ୍ରଥମ ସୋମବାର : ଧବଳେଶ୍ୱର ପୀଠରେ ୧୪୪ ଧାରା, ମନ୍ଦିର ଖାଁ ଖାଁ
  • ||
  • ୫ ଦିନ ଯାଏଁ ଖସିବନି ପାରଦ, ୨୮ରୁ କାଁ ଭାଁ ବର୍ଷା
  • ||

ଦେଶବ୍ୟାପୀ ଚୀନ୍ ବିରୋଧ ଜଳୁଛି ପ୍ରତିଶୋଧର ନିଆଁ

17/06/2020 at 10:27 PM

ନୂଆଦିଲ୍ଲୀ୧୭/୬: ଗଲୱାନ ଘାଟିରେ ରକ୍ତାକ୍ତ ସଂଘର୍ଷରେ ୨୦ ଜଣ ଯବାନ ସହିଦ ଘଟଣାରେ ଦେଶବ୍ୟାପୀ ନିନ୍ଦା। ଦେଶବ୍ୟାପୀ ଚୀନ ବିରୋଧ ଜଳୁଛି ପ୍ରତିଶୋଧର ନିଆଁ। ପାକିସ୍ତାନ ପରି ଚୀନ ବିରୋଧରେ ସର୍ଜିକାଲ ଷ୍ଟ୍ରାଇକ ଦାବି କରିଛନ୍ତି କିଛି ବିକ୍ଷୋଭକାରୀ। ସେପଟେ ଚୀନ ସାମଗ୍ରୀ ବୟକଟ ଦାବିରେ ସାମିଲ ହେଉଛନ୍ତି ଅଧିକରୁ ଅଧିକ ଭାରତୀୟ।

ଦେଶବ୍ୟାପୀ ରାଗ ଓ ତୀବ୍ର ପ୍ରତିକ୍ରିୟା । ଚାରିଆଡ଼େ ଚୀନ ମୁର୍ଦ୍ଦାବାଦ ନାରା, କୁଶପୁତ୍ତଳିକା ଦାହ। ଚାଲବାଜ ଚୀନକୁ ସବକ ଶିଖାଇବାର ଦାବି। ଏ ଦୃଶ୍ୟ ହେଉଛି ଦିଲ୍ଲୀ ସ୍ଥିତ ଚୀନ ଦୂତାବାସ ସାମ୍ନାରେ ଏଠାରେ ଚୀନ ବିରୋଧରେ ଜୋରଦାର ବିକ୍ଷୋଭ ହୋଇଥିଲା। ସ୍ଥିତି ଏମିତି ହୋଇଥିଲା ଯେ ଚୀନ ବିରୋଧରେ ନାରା ଦେଉଥିବା ବିକ୍ଷୋଭକାରୀଙ୍କୁ ପୋଲିସ ଗିରଫ କରିବାକୁ ବାଧ୍ୟ ହୋଇଥିଲା। ବାରଣାସୀରେ ଉତ୍ତ୍ୟକ୍ତ ଲୋକେ ଚୀନର ପତାକାକୁ ଜାଳିବା ସହିତ ଚୀନର ରାଷ୍ଟ୍ରପତି ଜିନପିଙ୍ଗଙ୍କ ପୁତ୍ତଳିକା ଦାହ କରିଛନ୍ତି। ଏଥିସହିତ ଭାରତ ସୀମାରେ ଅନୁପ୍ରେବେଶ କରିଥିବା ପିଏଲଏ ସେନାକୁ ଗଲୱାନରୁ ହଟିବାକୁ ସ୍ଲୋଗାନ ଦେଇଛନ୍ତି। ପାଟଣା ଓ ଅହମ୍ମଦାବାଦ, ଲକ୍ଷ୍ମୌ, କୋଲକାତା ମଧ୍ୟ ଅନୁରୁପ ଚୀନ ବିରୋଧୀ ବିକ୍ଷୋଭ ଓ ପ୍ରତିବାଦ ଦେଖିବାକୁ ମିଳିଛି। ପାକିସ୍ତାନ ବିରୋଧରେ ଭାରତ ଯେମିତି ସର୍ଜିକାଲ ଷ୍ଟ୍ରାଇକ  କରିଥିଲା ଚୀନ ବିରୋଧରେ ମଧ୍ୟ ପ୍ରଧାନମନ୍ତ୍ରୀ ସେଭଳି ପଦକ୍ଷେପ ନିଅନ୍ତୁ ବୋଲି ଉତ୍ତ୍ୟକ୍ତ ଲୋକେ ଦାବି କରିଛନ୍ତି। ଏବେ ଦେଖନ୍ତୁ କାନପୁରର ଚିତ୍ର। ଏଠାରେ ବିକ୍ଷୋଭକାରୀ ଟିଭିକୁ ଭାଙ୍ଗି ନିଆଁ ଲଗାଇଛନ୍ତି।

ରାଜ୍ୟରେ ମଧ୍ୟ ଚୀନ ବିରୋଧରେ ସ୍ଲୋଗାନ ତୀବ୍ର ହୋଇଛି। ଭୁବନେଶ୍ବର କଟକ ପୁରୀ ବ୍ରହ୍ମପୁରରେ ବିଭିନ୍ନ ସ୍ଥାନରେ ଚୀନ ବିରୋଧରେ ବିକ୍ଷୋଭ ପ୍ରଦର୍ଶନ କରାଯାଇଛି. ଏଥିସହିତ ପୁରୀ ଶ୍ରୀମନ୍ଦିର ସାମ୍ନାରେ ସହିଦ ଯବାନଙ୍କ ପ୍ରତି ଦୀପଦାନ କରାଯାଇଛି। ଅନୁରୂପ ଭାବେ ବ୍ରହ୍ମପୁରରେ ମଧ୍ୟ ଦୀପଦାନ କରାଯାଇଛି।

ଏପଟେ ଦିଲ୍ଲୀରେ ଗଲୱାନ ଘାଟିରେ ରକ୍ତାକ୍ତ ସଂଘର୍ଷରେ ଭାରତୀୟ ଯବାନ ସହିଦ ହେବାନେଇ ରାଗିପାଚି ଲାଲ୍ ହୋଇଛନ୍ତି ୱାର ଭେଟରାନ। ଆବଶ୍ୟକହେଲେ ପୁଣି ବନ୍ଧୁକ ଉଠାଇ ଚୀନ ବିରୋଧରେ ଲଢେଇ ପାଇଁ ପ୍ରସ୍ତୁତ  ବୋଲି କହିଛନ୍ତି। ଆଜି ରାସ୍ତାକୁ ଓହ୍ଲାଇଥିଲେ ପୂର୍ବତନ ଯବାନମାନେ।

ସେପଟେ ଚୀନକୁ ତିନିପଟୁ ଘେରିବା ଲାଗି ରଣନୀତି ପ୍ରସ୍ତୁତ କରିଛି ଭାରତ। ୧-ଚୀନ ସହିତ ପୁରୁଣା ଭାବଦୋସ୍ତି ବନ୍ଦ। ଚୀନ ସାମଗ୍ରୀ ବୟକଟ ପାଇଁ ଏବେ ସାରା ଦେଶରେ ଜୋର ଧରିଛି ଲହର। ଦିଲ୍ଲୀ ମିରଟ ମଧ୍ୟରେ ରାସ୍ତା ନିର୍ମାଣର ଠିକା ନେଇଥିବା ଚୀନ କମ୍ପାନିକୁ ଏବେ ଦୂରେଇ ଦିଆଯାଇଛି। -୨ରେ ଚୀନକୁ କୂଟନୈତିକ ସ୍ତରରେ ଘେରିବ ଭାରତ। କରୋନାର ଜନକ ଚୀନ ଏବେ ସାରା ବିଶ୍ବରେ ଏକଘରିକିଆ ହୋଇଛି। ଏତିକିବେଳେ ହତାଶ ହୋଇ ଚୀନ ଯେଉଁଭଳି ହରକତ କରୁଛି ତା ଉପରେ କୂଟନୈତିକ ଚାପ ଜାରି ରଖିବା ନେଇ ଭାରତ ପ୍ରସ୍ତୁତ ହେଉଛି। ୩- ଯେକୌଣସି ପରିସ୍ଥିତି ପାଇଁ ଭାରତୀୟ ସେନାକୁ ପ୍ରସ୍ତୁତ ରହିବା ଲାଗି ନିର୍ଦ୍ଦେଶ ଦିଆଯାଇଛି। ଦରକାର ପଡ଼ିଲେ ଯୁଦ୍ଧକ୍ଷେତ୍ରରେ ମଧ୍ୟ ଚୀନକୁ ସବକ ଶିଖାଇବା ନେଇ ଭାରତ ତାର ରଣନୀତି ପ୍ରସ୍ତୁତ କରିସାରିଛି। ଶାନ୍ତିର ସବୁପଥ ଖୋଲା ରଖିଥିଲେ ବି ଚାଲବାଜ ଚୀନର ଆଉ ବିଶ୍ବସ ଯୋଗ୍ୟ ନୁହେଁ ତାହା ଭାରତ ଜଣାଇ ଦେଇଛି।

   Related Posts