Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଖୋର୍ଦ୍ଧା : ସାରୁଆରେ ଭୟାବହ ଅଗ୍ନିକାଣ୍ଡ, ଜଳିଗଲା ଲକ୍ଷାଧିକ ଟଙ୍କାର ସମ୍ପତ୍ତି
  • ||
  • ବାରିପଦା : କୋଭିଡ ନିୟମକୁ ବେଖାତିର, ୫ଟି ଦୋକାନ ସିଲ୍‌
  • ||
  • ସମ୍ବଲପୁର : ଗୋଶାଳା କଲପଡାରେ ଖାଲରେ ଖସିପଡି ୨ ଶିଶୁ ମୃତ
  • ||
  • ଢେଙ୍କାନାଳ : ଭିଜିଲାନ୍ସ ଜାଲରେ ଥାନା ଅଧିକାରୀ, ଯୌତୁକ ମାମଲାରେ ଦଫା କାଟିବାକୁ ନେଉଥିଲେ ୬ହଜାର ଟଙ୍କା
  • ||
  • ନବରଙ୍ଗପୁର : କୁନ୍ଦେଇ ସରପଞ୍ଚ ନିଲମ୍ବିତ, ଭାରତମାଳା ଯୋଜନାକୁ ବିରୋଧ କରିବାରୁ କାର୍ଯ୍ୟାନୁଷ୍ଠାନ
  • ||
  • ୨ ଦିନିଆ କନ୍ଧମାଳ ଗସ୍ତରେ ଶିଶୁ ସୁରକ୍ଷା ଅଧିକାର ଅଧ୍ୟକ୍ଷା
  • ||
  • ବ୍ରହ୍ମପୁର : ବ୍ରହ୍ମପୁର ଫାଷ୍ଟଗେଟ୍ ଅଞ୍ଚଳରୁ ଜଣଙ୍କ ମୃତଦେହ ଠାବ, ହତ୍ୟା ସନ୍ଦେହ
  • ||
  • ନୀଳଗିରି: ହାତୀ ଆତଙ୍କରେ ଅଞ୍ଚଳବାସୀ
  • ||
  • ମାଲକାନଗିରି : ଯବାନ ଓ ମାଓବାଦୀଙ୍କ ମଧ୍ୟରେ ଗୁଳି ବିନିମୟ, ବିପୁଳ ପରିମାଣର ମାଓ ସାମଗ୍ରୀ ଜବତ
  • ||
  • କେନ୍ଦୁଝର : ବାଇକ୍ ଧକ୍କାରେ ଜଣେ ଗୁରୁତର, ମେଡିକାଲରେ ଭର୍ତ୍ତି
  • ||

ସ୍ପାଙ୍ଗଗୁର୍ ସୁଟିଂ ରେଞ୍ଜ୍ ମଧ୍ୟରେ ଭାରତ ଓ ଚୀନ ସେନା, ହାଇ ଆଲର୍ଟରେ ଭାରତୀୟ ଯବାନ

12/09/2020 at 10:08 PM

ନୂଆଦିଲ୍ଲୀ, ୧୨|୦୯ : ଚୀନ ପୂର୍ବ ଲଦାଖର ପ୍ୟାଙ୍ଗଙ୍ଗ୍ ସୋର ଦକ୍ଷିଣ ପ୍ରାନ୍ତ ସ୍ଥିତ ସ୍ପାଙ୍ଗଗୁରରେ ଚୀନ ହଜାର ହଜାର ସୈନିକଙ୍କ ସହ ଟ୍ୟାଙ୍କ୍, ଚୋପ ଆଦି ମୁତୟନ କରିଛି । ଚୀନ ସୈନିକମାନେ ଭାରତୀୟ ଯବାନଙ୍କ ରାଇଫଲ ରେଞ୍ଜ୍ ମଧ୍ୟରେ ମୁତୟନ ଅଛନ୍ତି । ଏହା ପରେ ଭାରତୀୟ ଯବାନ ମଧ୍ୟ ହାଇ ଆଲର୍ଟରେ ରହିଛନ୍ତି ।

ଭାରତୀୟ ଯବାନ ବାସ୍ତବିକ ନିୟନ୍ତ୍ରଣ ରେଖାର ଚୁଶୁଲ ନିକଟରେ ଥିବା ପ୍ୟାଙ୍ଗଙ୍ଗର ଗୁରୁତ୍ୱପୂର୍ଣ୍ଣ ପାହାଡରେ ନିଜ କ୍ୟାମ୍ପ ପ୍ରତିଷ୍ଠା କରିଛି । ଏହାପରେ ଚୀନର ପିପୁଲ୍ସ ଲିବରେସନ ଆର୍ମୀ ଅଗଷ୍ଟ ୩୦ରେ ସ୍ପେଙ୍ଗପୁରର ସୈନ୍ୟ ସଂଖ୍ୟା ବୃଦ୍ଧି କରିଥିଲା । ସେହିପରି ତିବ୍ବତ କ୍ଷେତ୍ରରେ ମଧ୍ୟ ଚୀନ କମାଣ୍ଡୋଙ୍କୁ ମୁତୟନ କରିଛି । ଏହି କମାଣ୍ଡୋମାନେ ପାହାଡିଆ ଅଞ୍ଚଳରେ ଯୁଦ୍ଧ, ମାର୍ସିଆଲ୍ ଆର୍ଟରେ ସିଦ୍ଧହସ୍ତ । ଭାରତୀୟ ଯବାନଙ୍କୁ ମଧ୍ୟ ଏହି କମାଣ୍ଡୋଙ୍କୁ ଅଟକାଇବା ପାଇଁ ନିର୍ଦ୍ଦେଶ ଦିଆଯାଇଛି । ଏପରିକି ଚୀନ ସେନା ଫିଙ୍ଗର ୪କୁ ମଧ୍ୟ କବଜା କରିବାକୁ ବସିଛି । ତେବେ ଭାରତ ଏହି ସବୁ ଅଞ୍ଚଳରେ ନିଜର ଦବଦବା ଜାହିର କରିବା ସହ ଚୀନକୁ କାଉଣ୍ଟର ଦେବାକୁ ପ୍ରସ୍ତୁତ ରହିଛି ।

ସୂଚନାଯୋଗ୍ୟ, ପ୍ୟାଙ୍ଗଙ୍ଗ ହ୍ରଦର କୂଳକୁ ୮ଟି ଫିଙ୍ଗର୍ସରେ ବିଭାଜିତ କରାଯାଇଛି । ଭାରତ ଫିଙ୍ଗର ୮କୁ ବାସ୍ତବିକ ନିୟନ୍ତ୍ରଣ ରେଖା ମାନିଥାଏ । ଫିଙ୍ଗର ୪ ଯାଏଁ ଭାରତର ସ୍ଥିତି ମଜବୁତ ରହିଛି । କିନ୍ତୁ ଚୀନ ଏଠାରେ ବେଆଇନ ଭାବେ ଜବରଦଖଲ କରିବା ସହ ଉତ୍ତେଜନା ବୃଦ୍ଧି କରିବାକୁ ପ୍ରୟାସ କରୁଛି ।

ପ୍ୟାଙ୍ଗଙ୍ଗ ହ୍ରଦର ଉତ୍ତର, ଦକ୍ଷିଣ ପ୍ରାନ୍ତରେ ଚୀନ ସେନାର ଗତିବିଧି ବୃଦ୍ଧି ପାଇଛି । ଏପରିକି ଅସ୍ତ୍ରଶସ୍ତ୍ର ମଧ୍ୟ ଠୁଳ କରିଛି । ତେବେ ଉତ୍ତେଜନା କମ କରିବା ପାଇଁ ପ୍ରତିଦିନ ଚୀନ ଓ ଭାରତ ମଧ୍ୟରେ ଆଲୋଚନା ଜାରି ରହିଛି ।

   Related Posts