Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଅପରେସନ ଗ୍ରୀନ କ୍ଲିନ, ପ୍ରାୟ ୧୨ କୋଟି ଟଙ୍କାର ଗଞ୍ଜେଇ ଚାଷ ନଷ୍ଟ
  • ||
  • ଦିଲ୍ଲୀ: କରୋନା ଟିକା ନେବା ପରେ ୫୧ ଜଣଙ୍କ ଠାରେ ଦେଖାଗଲା ପାର୍ଶ୍ବ ପ୍ରତିକ୍ରିୟା
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୮୯୯ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଆରମ୍ଭ ହେଲା କୋଭିଡ୍ ଟିକାକରଣ, ୧୬୧ କେନ୍ଦ୍ରରେ ଚାଲିଛି ଟିକାଦାନ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୭୮ କୋଭିଡ୍ ସଂକ୍ରମିତ, ୩୩୩୧୨୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ ଖସୁଛି କରୋନା ଗ୍ରାଫ୍, ଗତ ୨୪ଘଣ୍ଟାରେ ୧୫୧୫୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଘାଟିରେ ଦୁର୍ଘଟଣା : ଟ୍ରକକୁ ସାମ୍ନା ପଟୁ ପିଟିଲା ବାଇକ୍‌, ଚାଲିଗଲା ଶଳା-ଭିଣୋଇଙ୍କ ଜୀବନ
  • ||
  • ବୈଠକ ପରେ ବୈଠକ କିନ୍ତୁ ଫଳ ଶୂନ ! ୧୯’ରେ ପୁଣି ଚାଷୀ-ସରକାର ଆଲୋଚନା
  • ||
  • ବରଗଡ଼: ବ୍ୟବସାୟୀଙ୍କ ଘରୁ ଲକ୍ଷାଧିକ ଟଙ୍କାର ସୁନା-ଗହଣା ଲୁଟ, ୩ ଲୁଟେରା ଗିରଫ
  • ||

ଇରାନ ଉପରେ ଭାରତର ଭରସା, Gulf ଉତ୍ତେଜନା ହ୍ରାସରେ ନୂଆଦିଲ୍ଲୀର ରହିଛି ଗୁରୁତ୍ୱପୂର୍ଣ୍ଣ ଭୂମିକା

15/01/2020 at 6:32 PM

ନୂଆଦିଲ୍ଲୀ ୧୫।୧: ଉପସାଗରୀୟ କ୍ଷେତ୍ରରେ ସୃଷ୍ଟି ହୋଇଥିବା ଉତ୍ତେଜନା ହ୍ରାସରେ ଭାରତ ଗୁରୁତ୍ୱପୂର୍ଣ୍ଣ ଭୂମିକା ନିର୍ବାହ କରିପାରେ। ଦିଲ୍ଲୀ ଗସ୍ତରେ ଆସିଥିବା ଅବସରରେ ଇରାନ ବୈଦେଶିକ ମନ୍ତ୍ରୀ ଜାଭେଦ ଜରିଫ ଏହି ଆଶାପୋଷଣ କରିଛନ୍ତି। ଏଠାରେ ଅନୁଷ୍ଠିତ  ରାୟସୀନା ଡାୟଲଗରେ ଯୋଗଦେବାକୁ ଜରିଫ ଆସିଥିବା ବେଳେ ଏହା କହିଛନ୍ତି। ଆମେରିକୀୟ ଡ୍ରୋନ ଆକ୍ରମଣରେ ଇରାନ ସେନା ମୁଖ୍ୟ କାସୀମ ସୁଲେମାନଙ୍କ ହତ୍ୟାକୁ ନେଇ ଆମେରିକା ଓ ଇରାନ ମଧ୍ୟରେ ଉତ୍ତେଜନା ବେଳେ ଜରିଫଙ୍କ ଏହି ବୟାନକୁ ଏବେ ଗୁରୁତ୍ୱପୂର୍ଣ୍ଣ ମନେ କରାଯାଉଛି।

ତେବେ ଏଥିଲାଗି ଭାରତ ମଧ୍ୟ ଆଶ୍ୱସ୍ତ କରିଥିବା ଜଣାପଡିଛି। ଏ ନେଇ ଇରାନ, ୟୁଏଇ, ଓମାନ ଏବଂ କତର ଆଦି ରାଷ୍ଟ୍ରମାନଙ୍କ ସହ ଭାରତ ବରାବର ସମ୍ପର୍କରେ ଥିବା ସୂଚିତ କରିଛି। କାରଣ ଏହି କ୍ଷେତ୍ରରେ ଭାରତର ମଧ୍ୟ ହିତ ନିହିତ ଅଛିବୋଲି କୁହାଯାଇଛି।  ତେବେ ଇରାନ ବୈଦେଶିକ ମନ୍ତ୍ରୀ ଜରିଫ ଜେନେରାଲ ସୁଲେମାନୀଙ୍କ ହତ୍ୟା ଯୁକ୍ତରାଷ୍ଟ୍ରର ଅଜ୍ଞାନତାର ସୂଚକ ବୋଲି କହିଛନ୍ତି। ୱାସିଂଟନ ଯେଉଁ ଦୃଷ୍ଟିରେ ବିଶ୍ୱକୁ ଦେଖୁଛି ସେଥିରେ ଆଞ୍ଚଳିକ ସ୍ୱାର୍ଥକୁ ଗୁରୁତ୍ୱ ଦେଉନଥିବା କହିଛନ୍ତି। ସୁଲେମାନୀଙ୍କ ମୃତ୍ୟୁକୁ ଭାରତ ସମେତ ବିଭିନ୍ନ ଦେଶର ୪୩୦ ଟି ସହରରେ ବିରୋଧ କରାଯାଇଛି। ତେବେ ଆମେରିକା କେବଳ ଏକମାତ୍ର ଦେଶ ଯିଏ ଆଇଏସଆଇଏସ୍ ଆତଙ୍କବାଦୀଙ୍କ ସହ ତାଙ୍କ ହତ୍ୟାକୁ ନେଇ ଉତ୍ସବ ପାଳନ କରିଛି ବୋଲି ଜରିଫ କହିଛନ୍ତି ।

ତେବେ ୟୁକ୍ରେନ ଏୟାରଲାଇନ୍ସ ବିମାନକୁ ରକେଟ୍ ମାଡ ଘଟଣାକୁ ନେଇ ଦୁଃଖବ୍ୟକ୍ତ କରିଛନ୍ତି ଜରିଫ। ଏହା ଉତ୍ତେଜନା ବସତଃ ଏକ ଭୁଲ ଥିଲା ବୋଲି କହିଛନ୍ତି। ଏଥି ଯୋଗୁ ବିଶ୍ୱର ବିଭିନ୍ନ ପ୍ରାନ୍ତରେ ୧୮୦ଟି ପରିବାର ଏବେ ଶୋକରେ ମ୍ରିୟମାଣ। ସେମାନଙ୍କ ବ୍ୟଥା ଓ ବେଦନା ଆମେ ଅନୁଭବ କରିପାରୁଛୁ । ତେବେ  ଉପୁଜିଥିବା ପରିସ୍ଥିତିରେ ଇରାନ କେବେ ଆମେରିକା ସହ ଆଲୋଚନା କରିବ ନାହିଁ ବୋଲି ଜରିଫ ସଫାସଫା ମନା କରିଦେଇଛନ୍ତି।

   Related Posts