Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୦ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୪୨କୁ ବୃଦ୍ଧି
  • ||
  • ରାଜ୍ୟରେ ପୁଣି ବଢିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୭୪୨୬ କୋଭିଡ୍ ପଜିଟିଭ୍, ୧୨୨୫୨୬୮ରେ ପହଞ୍ଚିଲା ସଂଖ୍ୟା
  • ||
  • କମିବ ତାପମାତ୍ରା, ୨୮ରୁ ବଢିବ ଶୀତ
  • ||
  • ଆଜି ୭୩ ତମ ସାଧାରଣତନ୍ତ୍ର ଦିବସ, କୋଭିଡ କଟକଣାରେ ହେବ ପତାକା ଉତ୍ତୋଳନ
  • ||
  • ଦେଶ ପାଳୁଛି ୭୩ତମ ଗଣତନ୍ତ୍ର ଦିବସ, ରାଜପଥରେ ପ୍ରଦର୍ଶିତ ହେବ ୨୧ ପ୍ରଜ୍ଞାପନ ମେଢ
  • ||

ଦେଶରେ କରୋନା ଭାଙ୍ଗିଲା ସବୁ ରେକର୍ଡ, ଦୁଇ ଦିନରେ ୧୯,୦୦୦ ଲୋକ ସଂକ୍ରମିତ

7/06/2020 at 10:45 AM

ନୂଆଦିଲ୍ଲୀ ୭।୬: ଦେଶରେ ଦିନକୁ ଦିନ ବୃଦ୍ଧି ପାଉଛି କରୋନା ସଂକ୍ରମଣ । ଗତ ୪୮ ଘଣ୍ଟା ମଧ୍ୟରେ ଭାରତ ବିଶ୍ବର ଅଧିକ ପ୍ରଭାବିତ ଦେଶ ତାଲିକାରେ ପଞ୍ଚମ ସ୍ଥାନରେ ପହଞ୍ଚିଯାଇଛି । ଗତ ଗୋଟିଏ ଦିନରେ ଦେଶରେ ୯୯୭୧ ଜଣ କରୋନା ସଂକ୍ରମିତ ହୋଇଥିବା ବେଳେ ମୋଟ୍ ସଂକ୍ରମିତଙ୍କ ସଂଖ୍ୟା ୨.୪୭ ଲକ୍ଷକୁ ବୃଦ୍ଧି ପାଇଛି । ସଂକ୍ରମିତଙ୍କ ଦୃଷ୍ଟିରୁ ସ୍ପେନକୁ ପଛରେ ପକାଇ ଭାରତ ପଞ୍ଚମ ସ୍ଥାନରେ ରହିଛି ।

ଭାରତରେ ୨୪୬୬୨୮ ଜଣ ସଂକ୍ରମିତ ହୋଇଥିବାବେଳେ ସ୍ପେନରେ ୨୪୧୩୧୦ ଜଣ ସଂକ୍ରମିତ ହୋଇଛନ୍ତି । କିନ୍ତୁ ସ୍ପେନରେ ମୃତ୍ୟୁ ସଂଖ୍ୟା ଭାରତ ଅପେକ୍ଷା ୪ ଗୁଣ ଅଧିକ। ଭାରତରେ ଏପର୍ଯ୍ୟନ୍ତ ୬୯୨୯ ଜଣଙ୍କର ମୃତ୍ୟୁ ହୋଇଥିବାବେଳେ ସ୍ପେନରେ ୨୭୧୩୫ ଜଣଙ୍କର ମୃତ୍ୟୁ ହୋଇଛି । ଗତ ୪୮ ଘଣ୍ଟା ମଧ୍ୟରେ ଦେଶରେ ମୋଟ୍ ୧୯୮୫୮ ଜଣ ସଂକ୍ରମିତ ହୋଇଛନ୍ତି ।

ରବିବାର କେନ୍ଦ୍ର ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ ଦ୍ବାରା ପ୍ରକାଶିତ ତଥ୍ୟ ଅନୁଯାୟୀ, ଗତ ୨୪ ଘଣ୍ଟା ମଧ୍ୟରେ ୯୯୭୧ ସଂକ୍ରମିତ ହୋଇଥିବା ବେଳେ ମୋଟ୍ ସଂକ୍ରମିତଙ୍କ ସଂଖ୍ୟା ୨୪୬୬୨୮କୁ ବୃଦ୍ଧି ପାଇଛି । ସେହିଭଳି ୬୯୭ ଜଣଙ୍କ ମୃତ୍ୟୁ ସହ ମୋଟ୍ ମୃତ୍ୟୁ ସଂଖ୍ୟା ୬୯୨୯କୁ ବୃଦ୍ଧି ପାଇଛି। ଦେଶରେ ୧୨୦୪୦୬ ଆକ୍ଟିଭ୍ କରୋନା କେସ୍ ଥିବାବେଳେ ୧୧୯୨୯୩ ଲୋକ ଏହି ମହାମାରୀରୁ ସୁସ୍ଥ ହୋଇଛନ୍ତି ।  

ବିଶ୍ବରେ କରୋନା ସଂକ୍ରମଣ ଦ୍ବାରା ପ୍ରଭାବିତ ଦେଶ ତାଲିକାରେ ଆମେରିକା ପ୍ରଥମ ସ୍ଥାନରେ ରହିଛି । ଆମେରିକାରେ ୧୯୧୯୪୩୦ ଜଣ ସଂକ୍ରମିତ ହୋଇଛନ୍ତି ଏବଂ ଏହି ମହାମାରୀ ଯୋଗୁଁ ଏପର୍ଯ୍ୟନ୍ତ ୧୦୯୭୯୧ ଜଣଙ୍କର ମୃତ୍ୟୁ ହୋଇଛି । ଏହାପରେ ବ୍ରାଜିଲ (୬.୭୭ ଲକ୍ଷ), ଋଷ (୪.୫୯ ଲକ୍ଷ), ବ୍ରିଟେନ (୨.୮୫ ଲକ୍ଷ) ଏବଂ ଭାରତ (୨.୪୭ ଲକ୍ଷ) ରହିଛି । ସ୍ପେନ୍ ପରେ ଇଟାଲୀରେ ଏହି ମହାମାରୀ ଯୋଗୁଁ ୩୩.୮୫ ଲକ୍ଷ ଲୋକଙ୍କର ମୃତ୍ୟୁ ହୋଇଛି ଏବଂ ୨୩୪୮୦୧ ଲୋକ ସଂକ୍ରମିତ ହୋଇଛନ୍ତି ।

   Related Posts