Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୨ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୫୪୦ କରୋନା ସଂକ୍ରମିତ ଚିହ୍ନଟ
  • ||
  • ଡିସେମ୍ବର ୩୧ପୂର୍ବରୁ ବସିବ ବିଧାନସଭାର ଶୀତ ଅଧିବେଶନ
  • ||
  • କରୋନାର ଦୈନିକ ସଂକ୍ରମଣରେ ବୃଦ୍ଧି, ୨୪ଘଣ୍ଟାରେ ୪୩୮୯୩ ନୂଆ ଆକ୍ରାନ୍ତ ଚିହ୍ନଟ
  • ||
  • ଅପରେସନ ଅଲ୍ଆଉଟ୍ : ସେନା ଗୁଳିରେ ୨ ଆତଙ୍କୀ ନିହତ, ବନ୍ଧୁକ ଓ ଗୁଳି ଜବତ
  • ||
  • ବିହାର ନିର୍ବାଚନ : ପ୍ରଥମ ପର୍ଯ୍ୟାୟ ପାଇଁ ମତଦାନ ଆରମ୍ଭ, ୭୧ଟି ଆସନରେ ଚାଲିଛି ଭୋଟିଂ
  • ||

ପୁଣି ଭାରତଠୁ ହାରିଗଲା ପାକିସ୍ତାନ, ୮୯ ରନରେ ଭାରତ ବିଜୟୀ : ରୋହିତ ଶର୍ମା ମ୍ୟାନ ଅଫ ଦ ମ୍ୟାଚ୍

17/06/2019 at 8:26 AM

ଭାରତ ନିଜର ଚିର ପ୍ରତିଦ୍ବନ୍ଦୀ ପାକିସ୍ତାନ ବିପକ୍ଷରେ ଆଇସିସି ୱାର୍ଲଡକପ ମ୍ୟାଚରେ ନିଜର ବିଜୟକ୍ରମ ବଜାୟ ରଖିଛି । ଭାରତ ପାକିସ୍ତାନକୁ ୮୯ ରନରେ ପରାସ୍ତ କରିଛି । ୱାର୍ଲଡକପରେ ଭାରତ ଲଗାତାର ୭ଥର ପାକିସ୍ତାନ ବିପକ୍ଷରେ ବିଜୟ ହାସଲ କରିଛି । ଭାରତ ୧୯୮୩ ଏବଂ ୨୦୧୧ ମସିହାରେ ୱାର୍ଲଡକପ ଜିତିଥିଲେ । ପାକିସ୍ତାନ ୧୯୯୨ ମସିହାରେ ୱାର୍ଲଡକପ ଜିତିଥିଲେ ।

ମଞ୍ଚେଷ୍ଟର ଷ୍ଟାଡିୟମରେ ପାକିସ୍ତାନ ଟସ୍ ଜିତି ବଲିଙ୍ଗ୍ କରିବାକୁ ନିଷ୍ପତ୍ତି ନେଇଥିଲା । ଭାରତ ଆରମ୍ଭରୁ ଧୂଆଁଧାର ବ୍ୟାଟିଂ କରିଥିଲା । ରୋହିତ ଶର୍ମା (୧୪୦), ଲୋକେଶ ରାହୁଲ (୫୭), ବିରାଟ କୋହଲି (୭୭) ରନ କରିଥିଲେ । ୫ ୱିକେଟରେ ଭାରତ ୩୩୬ ରନ କରିଥିଲା । ଅପରପକ୍ଷରେ ପାକିସ୍ତାନ ୪୦ ଓଭରରେ ୬ ୱିକେଟ୍ ହରାଇ ୨୧୨ ରନ କରିଥିଲା । ବର୍ଷା ଯୋଗୁ ପାକିସ୍ତାନକୁ ୪୦ ଓଭରରେ ୩୦୨ ରନର ଟାର୍ଗେଟ ଦିଆଯାଇଥିଲା । କିନ୍ତୁ ପାକିସ୍ତାନ ସେତିକି କରିପାରିନଥିଲା । ଫକର ଜାମିନ ସବୁଠାରୁ ଅଧିକ ୬୨ ରନ କରିଥିଲେ ।

ରୋହିତ ଶର୍ମା ମ୍ୟାନ ଅଫ ଦ ମ୍ୟାଚ୍ଚୟନ କରାଯାଇଛି । ୨୦୧୯ ବିଶ୍ୱକପରେ ଭାରତ ଏବେ ପର୍ଯ୍ୟନ୍ତ ୪ଟି ମ୍ୟାଚ ଖେଳିସାରିଛି । ୪ଟିରୁ ୩ଟି ମ୍ୟାଚରେ ଭାରତ ବିଜୟ ହାସଲ କରିଛି । ଗୋଟିଏ ମ୍ୟାଚ ବର୍ଷା ଯୋଗୁଁ ରଦ୍ଦ କରିଦିଆଯାଇଥିଲା । ୩ଟି ମ୍ୟାଚ ଜିତିବା ପରେ ଭାରତୀୟ ଟିମ ୭ ଅଙ୍କ ସହ ୧୦ ଟିମ ତାଲିକାରେ ତୃତୀୟ ସ୍ଥାନରେ ରହିଛି । ପାକିସ୍ତାନ ୫ଟି ମ୍ୟାଚ ଖେଳିଛି ଏବଂ ୩ଟି ମ୍ୟାଚ ହାରିଯାଇଛି । ପାକିସ୍ତାନ ୫ଟି ମ୍ୟାଚରୁ କେବଳ ଗୋଟିଏ ମ୍ୟାଚ ହିଁ ଜିତିଛି । ପାକିସ୍ତାନର ମଧ୍ୟ ଗୋଟିଏ ମ୍ୟାଚ ବର୍ଷା ପାଇଁ ରଦ୍ଦ କରିଦିଆଯାଇଥିଲା । ପାକିସ୍ତାନ ୩ ଅଙ୍କ ସହ ନବମ ସ୍ଥାନରେ ରହିଛି ।

   Related Posts