Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବୈଠକ ପରେ ବୈଠକ କିନ୍ତୁ ଫଳ ଶୂନ ! ୧୯’ରେ ପୁଣି ଚାଷୀ-ସରକାର ଆଲୋଚନା
  • ||
  • ବରଗଡ଼: ବ୍ୟବସାୟୀଙ୍କ ଘରୁ ଲକ୍ଷାଧିକ ଟଙ୍କାର ସୁନା-ଗହଣା ଲୁଟ, ୩ ଲୁଟେରା ଗିରଫ
  • ||
  • ବ୍ରିସବେନ୍ ଟେଷ୍ଟ୍ : ପ୍ରଥମ ଦିନରେ ଲାବୁସେନଙ୍କ ଶତକ, କଙ୍ଗାରୁ ଟିମ୍ ୨୭୪/୫
  • ||
  • ଭୁବନେଶ୍ବର: ଗୁରୁତର-ଗର୍ଭବତୀ-ହସ୍ପିଟାଲରେ ଆଡମିଟ୍‌ ବ୍ୟକ୍ତିଙ୍କୁ ଦିଆଯିବ ନାହିଁ ଟିକା, ପରିବାର କଲ୍ୟାଣ ନିର୍ଦ୍ଦେଶକ ଡାକ୍ତର ବିଜୟ ପାଣିଗ୍ରାହୀ
  • ||
  • ଶ୍ରମିକମାନଙ୍କ ସହ ମିଶି ମାଟି ଖୋଳିଲେ ଜିଲ୍ଲା ପ୍ରକଳ୍ପ ନିର୍ଦ୍ଦେଶକ
  • ||
  • ଭୁବନେଶ୍ବର : ରାଜ୍ୟରେ ଆଉ ଦୁଇ ଜଣ କରୋନା ସଂକ୍ରମିତ ପ୍ରାଣ ହରାଇଲେ, ୧୮୯୮ ଛୁଇଁଲା ମୃତକଙ୍କ ସଂଖ୍ୟା
  • ||
  • ଚିଲିକାରେ ଆରମ୍ଭ ହୋଇଛି ଫ୍ଲୋରା ଫୋନା ସର୍ଭେ
  • ||
  • ଯାଜପୁର ଶିଶୁ ନିଖୋଜ ଘଟଣା: ନିଖୋଜ ପିହୁ ପରିବାରକୁ ଭେଟିଲେ ଏସ୍‌ପି ରାହୁଲ ପି.ଆର
  • ||
  • ନକଲି ସାମଗ୍ରୀର ପେଣ୍ଠସ୍ଥଳୀ ପାଲଟିଛି କଟକ, ପୁଣି ଅପମିଶ୍ରିତ ଗୁଣ୍ଡି ଜବତ
  • ||
  • ଗଞ୍ଜାମ: ଅଜଣା ଜନ୍ତୁ ଆତଙ୍କ, ଭୟଭୀତ ଅବସ୍ଥାରେ ସ୍ଥାନୀୟ ଲୋକେ
  • ||

ଭାରତ-ଅଷ୍ଟ୍ରେଲିଆ ପ୍ରଥମ ଟି୨୦ : ଟସ୍ ଜିତିଲା ଅଷ୍ଟ୍ରେଲିଆ, ପ୍ରଥମେ ବ୍ୟାଟିଂ କରିବ ଭାରତ

4/12/2020 at 1:15 PM

କାନବେରା, ୦୪।୧୨:    ଶୁକ୍ରବାର ଭାରତ ଓ ଅଷ୍ଟ୍ରେଲିଆ ମଧ୍ୟରେ ଖେଳାଯିବ ଟି୨୦ ସିରିଜର ପ୍ରଥମ ମ୍ୟାଚ୍ । ତେବେ ମ୍ୟାଚ୍ ପୂର୍ବରୁ ଟସ୍ ଜିତିଛି ଅଷ୍ଟ୍ରେଲିଆ ।  ଅଧିନାୟକ ଆରୋନ ଫିଞ୍ଚ୍ ଟସ୍ ଜିତି ଫିଲ୍ଡିଂ ନିଷ୍ପତ୍ତି ନେଇଛନ୍ତି । ଅର୍ଥାତ ପ୍ରଥମେ ବ୍ୟାଟିଂ କରିବ ଭାରତ ।

ଭାରତର ରେକର୍ଡ ଅଷ୍ଟ୍ରେଲିଆ ବିପକ୍ଷରେ ଟି୨୦ରେ ଭଲ ରହିଛି । ଭାରତ ଅଷ୍ଟ୍ରେଲିଆରେ ୯ଟି ଟି୨୦ ମ୍ୟାଚ୍ ଖେଳିଛି । ଏଥିରେ ଦଳକୁ ୫ ଥର ବିଜୟ ମିଳିଛି । ଅଷ୍ଟ୍ରେଲିଆ ୩ ଥର ଜିତିଥିବା ବେଳେ ଗୋଟିଏ ମ୍ୟାଚ୍ ଫଳାଫଳଶୂନ୍ୟ ରହିଛି । ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଲା ଯେ ଭାରତ ଅଷ୍ଟ୍ରେଲିଆରେ  କେବେବି ଟି୨୦ ସିରିଜ ଜିତିନାହିଁ ।

ଅଧିନାୟକ ବିରାଟ କୋହଲି ପ୍ରଥମ ଦିନିକିଆ ହାରିବା ପରେ ଖେଳାଳିଙ୍କୁ ଟି୨୦ ମୋଡରୁ ଦିନିକିଆ ମୋଡକୁ ନ ଆସିଥିବାରୁ କଟାକ୍ଷ କରିଥିଲେ । ଏହସହ ଉଭୟ ଦଳର ଖେଳାଳି କିପରି ଭାବେ ୪୮ ଘଣ୍ଟା ମଧ୍ୟରେ ଟି୨୦ ଫର୍ମକୁ ଆସିବା ତାହା ସବୁଠାରୁ ଗୁରୁତ୍ୱପୂର୍ଣ୍ଣ ବିଷୟ । ତେବେ ଉଭୟ ଦଳର ଅନେକ ଖେଳାଳି ନିକଟରେ ଆଇପିଏଲ ଖେଳିଛନ୍ତି ।

ଦିନିକିଆ ସିରିଜର ପ୍ରଦର୍ଶନକୁ ବିଚାରକୁ ନେଲେ ଆଜି ଅଷ୍ଟ୍ରେଲିଆର ପଲା ଭାରି ରହିବା ସ୍ୱାଭାବିକ। ଦଳର ଆତ୍ମବିଶ୍ୱାସ ଭରପୁର ରହିଛି । ଆରୋନ୍‌ ଫିଞ୍ଚ, ଷ୍ଟିଭେନ ସ୍ମିଥ୍‌, ଗ୍ଲେନ୍‌ ମ୍ୟାକ୍ସୱେଲ୍‌ ଶ୍ରେଷ୍ଠ ଫର୍ମରେ ରହିଛନ୍ତି। ତଥାପି ଆହତ ଡେଭିଡ୍‌ ୱାର୍ଣ୍ଣରଙ୍କ ଅନୁପସ୍ଥିତି ଅନୁଭବ କରିବ ଘରୋଇ ଦଳ। ଦଳର ବୋଲିଂ ବିଭାଗ ମଧ୍ୟ ବେଶ୍‌ ଶକ୍ତିଶାଳୀ । ଏକାଧିକ ଅଲ୍‌ରାଉଣ୍ଡର ଦଳରେ ରହିଥିବାରୁ ଭାରତୀୟ ବ୍ୟାଟିଂ ବିଭାଗକୁ ନେଇ ଅଷ୍ଟ୍ରେଲିଆ ସେତେଟା ଚିନ୍ତିତ ନୁହେଁ ।

ଉଭୟ ଦଳ ଏହି ୩ମ୍ୟାଚ୍‌ ବିଶିଷ୍ଟ ଟି୨୦ ସିରିଜକୁ ହାଲ୍‌କା ଗ୍ରହଣ କରିବେ ନାହିଁ। କାରଣ ଆସନ୍ତା ବର୍ଷ ରହିଛି ଟି୨୦ ବିଶ୍ୱକପ । ଏବେଠୁ ଏକ ସନ୍ତୁଳିତ ଦଳ ପ୍ରସ୍ତୁତ କରିବାକୁ ଲକ୍ଷ୍ୟ ରଖିଛନ୍ତି। ପ୍ରଥମ ଟି୨୦ରେ ଭାରତୀୟ ଦଳ କୌଣସି ତ୍ରୁଟି ନକରି ସବୁ ବିଭାଗରେ ଶ୍ରେଷ୍ଠ ପ୍ରଦର୍ଶନ କରିବାକୁ ପ୍ରୟାସ କରିବ।

   Related Posts