Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଶୀତ ଖେଳୁଛି ଲୁଚକାଳି : ଆଜି ବଢିବ ଥଣ୍ଡା, କିନ୍ତୁ କାଲି କମିଯିବ
  • ||
  • ମହାପ୍ରଭୁ ଜଗନ୍ନାଥଙ୍କୁ ଦର୍ଶନ କଲେ ମୁଖ୍ୟ ଶାସନ ସଚିବ
  • ||
  • ଜି.ଉଦୟଗିରି: ମିନିବସରେ ଲାଗିଲା ନିଆଁ
  • ||
  • ଟାଙ୍ଗୀ: ବାଲିନାଶିରେ ୨ ଭାଇଙ୍କୁ ଗୋଡ଼େଇ ଗୋଡ଼େଇ ହାଣିଲେ ଦୁର୍ବୃତ୍ତ, ଗୁରୁତର ଅବସ୍ଥାରେ ଏମ୍ସରେ ଭର୍ତ୍ତି
  • ||
  • ବଲାଙ୍ଗୀର: ବେଆଇନ୍ ବାଲି ବୋଝେଇ ଟ୍ରାକ୍ଟର ଜବତ, ମାଲିକଙ୍କ ଉପରେ ୨୦ ହଜାର ଟଙ୍କାର ଫାଇନ୍ ଲଗାଇଲେ ତହସିଲଦାର
  • ||
  • ରାଇରଙ୍ଗପୁର: କଲୋନୀରେ ଅଗ୍ନିକାଣ୍ଡ, ଜଳି ପାଉଁଶ ହୋଇଗଲା ୨ ବଖରା ଘର
  • ||
  • ନବରଙ୍ଗପୁର : ନିଖୋଜ ଯୁବକଙ୍କ ଗଳିତ ମୃତଦେହ ଉଦ୍ଧାର
  • ||
  • କାମାକ୍ଷାନଗର : ବାଇକ୍‌କୁ ଧକ୍କା ଦେଲା ହାଇଓ୍ବା, ଜଣେ ମୃତ, ଜଣେ ଗୁରୁତର
  • ||
  • ବଲାଙ୍ଗୀର: ଆକ୍ସନ ମୋଡ୍‌ରେ ପଶ୍ଚିମ ଓଡିଶା ବିକାଶ ପରିଷଦର ଅଧ୍ୟକ୍ଷ, ଆରମ୍ଭ କଲେ ନୂଆ ପ୍ରକଳ୍ପ
  • ||
  • ବରଗଡ : ବାଲି ବୋଝେଇ ଟ୍ରାକ୍ଟର ଓ ବାଇକ୍ ମୁହାଁମୁହିଁ ଧକ୍କା, ୨ ଜଣ ମୃତ
  • ||

ଆଜି ଭାରତ-ଅଷ୍ଟ୍ରେଲିଆ ତୃତୀୟ ଟି୨୦ : ସିରିଜ୍ କ୍ଲିନ୍ ସ୍ୱିପ୍ ଲକ୍ଷ୍ୟରେ ବିରାଟ ବାହିନୀ

8/12/2020 at 8:39 AM

ସିଡନୀ, ୦୮|୧୨ : ଭାରତ ଟି୨୦ ସିରିଜର ପ୍ରଥମ ୨ଟି ମ୍ୟାଚ୍ ଜିତି ଅନ୍ତିମ ତଥା ତୃତୀୟ ମ୍ୟାଚ୍ ଜିତିବା ଲକ୍ଷ୍ୟରେ ରହିଛି । ଏହାସହ ଦଳ ଅଷ୍ଟ୍ରେଲିଆ ବିପକ୍ଷରେ କ୍ଲିନ୍ ସ୍ୱିପ୍ କରିବା ପାଇଁ ମଙ୍ଗଳବାର ପଡିଆକୁ ଓହ୍ଲାଇବ । ଦଳ ପୁଣି ଥରେ ୨୦୧୬ ଭଳି ପରିସ୍ଥିତିରେ ଆସି ପହଁଚିଛି । ୨୦୧୬ରେ ମଧ୍ୟ ଦଳ ଦିନିକିଆ ସିରିଜ୍ ହାରିଥିଲା କିନ୍ତୁ ଟି୨୦ ସିରିଜକୁ ୩-୦ରେ ପୋଛି ନେଇଥିଲା । ଟିମ୍ ଇଣ୍ଡିଆ ପୁଣି ସମାନ ସଫଳତାକୁ ଦୋହରାଇବା ପାଇଁ ପ୍ରୟାସ କରିବ ।

ଭାରତ ପ୍ରଥମ ୨ଟି ମ୍ୟାଚ୍‌ ଜିତି ସିରିଜ କବ୍‌ଜା କରିଥିଲେ ବି ମଙ୍ଗଳବାରର ମ୍ୟାଚ୍‌କୁ ହାଲ୍‌କା ଭାବେ ନେବ ନାହିଁ।କାରଣ ପ୍ରଥମ ଥର ପାଇଁ ବିରାଟ କୋହଲିଙ୍କ ପାଖରେ ଅଷ୍ଟ୍ରେଲିଆରେ ଟି-ଟ୍ୱେଣ୍ଟି ସିରିଜ ମୂଳପୋଛ କରିବାକୁ ସୁଯୋଗ ରହିଛି। ଭାରତର ଦଳଗତ ପ୍ରଦର୍ଶନ ଉଚ୍ଚମାନର ରହିଛି। ତେଣୁ ଆଉ ଏକ ବିଜୟ ସୁଯୋଗ ହାତଛଡ଼ା କରିବାକୁ ଦଳ କେବେବି ଚାହିଁବ ନାହିଁ।

ବୋଲିଂ ବିଭାଗରେ ଭାରତୀୟ ଦଳର ପ୍ରଦର୍ଶନ ଭଲ ରହିଛି । ଟି ନଟରାଜନଙ୍କ ଶୃଙ୍ଖଳିତ ବୋଲିଂ ଆକର୍ଷଣର କେନ୍ଦ୍ରବିନ୍ଦୁ ପାଲଟିଛି। ନିୟମିତ ୟର୍କର ପକାଇବାର କ୍ଷମତା ତାଙ୍କ ପାଖରେ ଅଛି। ପ୍ରଥମ ୨ଟି ମ୍ୟାଚ୍‌ରେ ସେ ୫ଟି ୱିକେଟ୍‌ ଅକ୍ତିଆର କରିସାରିଛନ୍ତି । ତୃତୀୟ ଟି୨୦ରେ ସେ ଆହୁରି ଘାତକ ବୋଲିଂ କରିପାରନ୍ତି।

ମଙ୍ଗଳବାର ଅଷ୍ଟ୍ରେଲିଆ ଦଳକୁ ଆରୋନ୍‌ ଫିଞ୍ଚ ପ୍ରତ୍ୟାବର୍ତ୍ତନ କରିବାର ସମ୍ଭାବନା ରହିଛି। ପ୍ରଥମ ଟି-ଟ୍ୱେଣ୍ଟିରେ ସେ ଆହତ ହୋଇଥିଲେ । ଏହାପରେ ଦ୍ୱିତୀୟ ମ୍ୟାଚରୁ ସେ ବାଦ୍ ପଡିଥିଲେ । ଏବେ ସେ ଫିଟ୍‌ ଅଛନ୍ତି । ଫିଞ୍ଚ ଯଦି ଖେଳନ୍ତି ତାହେଲେ ଡାର୍ସି ସର୍ଟ ଚୂଡାନ୍ତ ଏକାଦଶରୁ ବାଦ ପଡ଼ିବେ। ଟେଷ୍ଟ ସିରିଜକୁ ନଜରରେ ରଖି ଷ୍ଟିଭେନ ସ୍ମିଥ୍‌ଙ୍କୁ ମଧ୍ୟ ବିଶ୍ରାମ ଦେବାକୁ ଯୋଜନା କରିଛି ଦଳ।

ଭାରତୀୟ ଦଳରେ କୌଣସି ପରିବର୍ତ୍ତନ ହେବାର ସମ୍ଭାବନା କମ୍ ରିହଛି । ଉଭୟ ମହମ୍ମଦ ସାମି ଓ ଜଶପ୍ରୀତ ବୁମରାଙ୍କୁ ବିଶ୍ରାମ ଦେଇଛି ଦଳ । ତଥାପି ୫ ବୋଲର ନେଇ ଭାରତ ପଡିଆକୁ ଓହ୍ଲାଇବ । ଶାର୍ଦୁଲ ଠାକୁର, ଦୀପକ ଚହର ଓ ଟି ନଟରାଜନ ପେସ୍‌ ବିଭାଗ ଏବଂ ୱାସିଂଟନ ସୁନ୍ଦର ଓ ୟୁଜବେନ୍ଦ୍ର ଚହଲ ସ୍ପିନ ବିଭାଗ ସମ୍ଭାଳିବେ । ଦଳ ପୁଣିଥରେ ପୂର୍ବ ପ୍ରଦର୍ଶନ ଦୋହରାଇବା ଲକ୍ଷ୍ୟରେ ରହିବ ।

   Related Posts