ସିଡନୀ, ୧୦।୦୧: ଭାରତ-ଅଷ୍ଟ୍ରେଲିଆ ମଧ୍ୟରେ ସିଡନୀ ଟେଷ୍ଟର ଦ୍ୱିତୀୟ ଇନିଂସ ଖେଳ ଜାରି ରହିଛି । ଆଜି ଚତୁର୍ଥ ଦିନର ଖେଳ ଶେଷ ହୋଇଛି । ତେବେ ଖେଳ ଶେଷ ହେବା ସୁଦ୍ଧା ଭାରତୀୟ ଟିମ୍ ୨ ଓ୍ୱିକେଟ୍ ହରାଇ ୯୮ରନ୍ କରିବାରେ ସକ୍ଷମ ହୋଇଛି । ଏବେବି ଭାରତୀୟ ଟିମ୍ ବିଜୟ ପାଇଁ ୩୦୯ରନ୍ର ଆବଶ୍ୟକ ରହିଛି ।
କଙ୍ଗାରୁ ଟିମ୍ ୩୧୨ ରନରେ ପାଳି ଘୋଷଣା କରିଛି । କଙ୍ଗାରୁ ଦଳ ୬ ଓ୍ୱିକେଟ୍ ବିନିମୟରେ ୩୧୨ ରନ୍ କରିବା ସହ ଭାରତଠୁ ୪୦୭ ରନରେ ଆଗୁଆ ରହିଥିଲା । ଅର୍ଥାତ ଭାରତକୁ ବିଜୟ ପାଇଁ ୪୦୭ ରନ୍ ଆବଶ୍ୟକ ରହିଥିଲା । ଅଷ୍ଟ୍ରେଲିଆର ଏହି ବିଶାଳ ସ୍କୋରକୁ ପିଛା କରିବା ପାଇଁ ପଡିଆକୁ ଓହ୍ଲାଇଥିଲେ ଭାରତୀୟ ଓପ୍ନର ଶୁଭମନ ଗିଲ୍ ଓ ରୋହିତ ଶର୍ମା । ଉଭୟ ଭଲ ଆରମ୍ଭ କରିଥିଲେ ମଧ୍ୟ ବେଶୀ ସମୟ ପର୍ଯ୍ୟନ୍ତ କ୍ରିଜ୍ରେ ରହିବା ସକ୍ଷମ ହୋଇପାରିନଥିଲେ । ରୋହିତ ଶର୍ମା ୫୨ ରନ୍ ଓ ଶୁଭମନ ଗିଲ୍ ୩୧ରନ୍ କରି ପାଭିଲିମୟ ଫେରିଯାଇଛନ୍ତି । ଏବେ କ୍ରିଜ୍ରେ ପୂଜାରା ୯ ଓ ରାହାଣେ ୪ରନ୍ କରି ଅପରାଜିତ ରହିଛନ୍ତି । ସେହିପରି ଅଷ୍ଟ୍ରେଲିଆ ପକ୍ଷରୁ ହେଜେଲହୁଡ଼ ଓ କମିନ୍ସ ଗୋଟିଏ-ଗୋଟିଏ ଓ୍ୱିକେଟ୍ ନେଇଛନ୍ତି ।
ଏହାପୂର୍ବରୁ ଭାରତ ପ୍ରଥମ ଇନିଂସରେ ୨୪୪ରନ୍ କରି ଅଲ୍ଆଉଟ୍ ହୋଇଯାଇଥିଲା । ଯାହାକି ଅଷ୍ଟ୍ରେଲିଆର ପ୍ରଥମ ଇନିଂସ ସ୍କୋର ଠାରୁ ୯୪ରନ୍ ପଛରେ ରହିଥିଲା । ଅଷ୍ଟ୍ରେଲିଆ ୨ୟ ଇନିଂସରେ ୩୧୨ରନ୍ କରି ପାଳି ଘୋଷଣା କରିଥିଲା ।ତେବେ ଏହି ଟେଷ୍ଟ ମ୍ୟାଚ୍ ଜିତିବାକୁ ହେଲେ ଭାରତକୁ ମୋଟ ୪୦୭ରନ୍ର ଟାର୍ଗେଟ ଦେଇଥିଲା ଅଷ୍ଟ୍ରେଲିଆ ଟିମ୍ ।
wp:embed {"url":"http://www.prameyanews7.com/india-australia-sidny-test/","type":"wp-embed","providerNameSlug":"prameya-news-7","className":""}
