Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୩୫ ହଜାରରୁ ଅଧିକ କରୋନା ପଜିଟିଭ୍, ୮୭୧ ମୃତ
  • ||
  • ବଜେଟ ପୂର୍ବରୁ ହେବନି ହାଲୁଆ ଉତ୍ସବ, ଏଥର ମୋବାଇଲ ଆପ୍ଲିକେସନରେ ମିଳିବ ସବୁ ତଥ୍ୟ
  • ||
  • ନୟାଗଡ : ଧାନବସ୍ତା ଚୋରି ପଡିଲା ମହଙ୍ଗା, ୨ ଯୁବକଙ୍କୁ ଗାଁ ଦାଣ୍ଡରେ ବାନ୍ଧିଦେଲେ ଲୋକେ
  • ||
  • ଭଦ୍ରକ : ଭିନ୍ନକ୍ଷମ ସାର୍ଟିଫିକେଟ୍‌ର ପୁନଃ ଯାଞ୍ଚ ପାଇଁ ଦାବି କଲା ଓଡିଶା ଭିନ୍ନକ୍ଷମ ମଞ୍ଚ
  • ||
  • ଘଟଗାଁ : ନାଳରୁ ମିଳିଲା ଅଜଣା ବ୍ୟକ୍ତିଙ୍କ ମୃତଦେହ, ହତ୍ୟା କରି ପାଣିରେ ଫିଙ୍ଗି ଦେଇଥିବା ସନ୍ଦେହ
  • ||
  • ରାଜ୍ୟରେ ଆଉ ୧୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୭୫କୁ ବୃଦ୍ଧି
  • ||
  • ରାଜ୍ୟରେ କମୁଛି ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୪୮୪୨ କୋଭିଡ୍ ପଜିଟିଭ୍, ୧୨୪୧୦୬୮ରେ ପହଞ୍ଚିଲା ସଂଖ୍ୟା
  • ||
  • ଭୁବନେଶ୍ବର : ଭୁବନେଶ୍ବର ଓ ବ୍ରହ୍ମପୁର ମେୟର ପଦବୀ ମହିଳାଙ୍କ ପାଇଁ ସଂରକ୍ଷିତ, କଟକ ପଦବୀ ଅଣସଂରକ୍ଷିତ
  • ||
  • ମୋରଡା : ଭାରସାମ୍ୟ ହରାଇ ପୋଲ ତଳକୁ ଖସିଲା ସ୍କର୍ପିଓ, ୪ ଗୁରୁତର ମେଡିକାଲରେ ଭର୍ତ୍ତି
  • ||
  • ଲମତାପୁଟ : ପୁଣି ଅପରେସନ୍ ଗ୍ରୀନ୍ କ୍ଲିନ୍ ଆରମ୍ଭ : ମାଓ ପ୍ରଭାବିତ ଅଞ୍ଚଳରେ ୮ଏକର ଗଞ୍ଜେଇ ଚାଷ ନଷ୍ଟ
  • ||

କ୍ରିକେଟ୍ ପ୍ରଶଂସକଙ୍କ ଲାଗି ଖୁସି ଖବର: ଦର୍ଶକଙ୍କ ଉପସ୍ଥିତିରେ ଖେଳାଯିବ ଭାରତ-ଅଷ୍ଟ୍ରେଲିଆ ଟେଷ୍ଟ ଶୃଙ୍ଖଳା

12/06/2020 at 6:42 PM

କାନବେରା ୧୨।୦୬: କରୋନା ସଂକ୍ରମଣ କାରଣରୁ ସମଗ୍ର  ବିଶ୍ଵରେ ଅନ୍ତରାଷ୍ଟ୍ରୀୟ କ୍ରୀଡା ଆୟୋଜନ ସ୍ଥଗିତ ରହିଛି। କ୍ରିକେଟ୍‌ ଉପରେ ମଧ୍ୟ ଏହାର ଗୁରୁତର ପ୍ରଭାବ ପଡିଛି। ହେଲେ ଆଇସିସି ଏବେ କ୍ରିକେଟ୍‌ ଖେଳ ଆରମ୍ଭ ନେଇ ପ୍ରସ୍ତୁତି ଆରମ୍ଭ କରିଛି। ଚଳିତ ବର୍ଷ ଶେଷ ଆଡକୁ ଭାରତୀୟ କ୍ରିକେଟ୍‌ ଦଳ ଅଷ୍ଟ୍ରେଲିଆ ଗସ୍ତ କରିବ। ଏହାକୁ ନେଇ ପୂର୍ବରୁ କ୍ରିକେଟ୍ ଅଷ୍ଟ୍ରେଲିଆ କ୍ରୀଡାସୂଚୀ ମଧ୍ୟ ଘୋଷଣା କରିସାରିଛି। ଏହା ମଧ୍ୟରେ କ୍ରିକେଟ୍‌ ପ୍ରସଂଶକ ଲାଗି ଖୁସିର ଖବର ଯେ, ଏହି  ଗସ୍ତରେ ଭାରତୀୟ ଦଳକୁ ଅଷ୍ଟ୍ରେଲିଆ ମାଟିରେ ଦର୍ଶକଙ୍କ ଉପସ୍ଥିତିରେ ଖେଳିବାର ସୁଯୋଗ ମିଳିପାରେ।  ଅଷ୍ଟ୍ରେଲିଆ ପ୍ରଧାନମନ୍ତ୍ରୀ ସ୍କଟ ମରିସନ ଶୁକ୍ରବାର କହିଛନ୍ତି, ଯେଉଁ ଷ୍ଟାଡିୟମରେ ୪୦ ହଜାର ଦର୍ଶକ  ବସିବାର କ୍ଷମତା ରହିଛି, ସେହି ଷ୍ଟାଡିୟମରେ ୧୦ ହଜାର ଦର୍ଶକଙ୍କ ସହିତ ମ୍ୟାଚ୍ ଆୟୋଜନ କରିବାର ଅନୁମତି ଦିଆଯିବ।

ପ୍ରଧାନମନ୍ତ୍ରୀ ନିଜର ଓ୍ଵେବ୍‌ସାଇଟ୍‌ରେ ଆନୁଷ୍ଠାନିକ ପ୍ରେସ୍ ବିଜ୍ଞପ୍ତିରେ କହିଛନ୍ତି, ୪୦ ହଜାର କ୍ଷମତା ବିଶିଷ୍ଟ ଷ୍ଟାଡୟମରେ ଷ୍ଟେପ୍‌ ୩ ଆଧାରରେ ୨୫ ପ୍ରତିଶତ ଅଧିକ ଦରରେ ଟିକେଟ୍ ଓ ଦର୍ଶକଙ୍କ ସହିତ କ୍ରୀଡା ଆୟୋଜନ କରିବାର  ଅନୁମତି ମିଳିବ।

ବିଜ୍ଞପ୍ତି ଅନୁଯାୟୀ ୪୦ ହଜାର କ୍ଷମତା ବିଶିଷ୍ଟ ଆଉଟଡୋର ଆୟେଜନ ସ୍ଥଳକୁ ଏଚପିପିସିଠୁ ଅନୁମତି ନେବାକୁ ପରାମର୍ଶ ଦିଆଯାଇଛି। ଏହି ଷ୍ଟାଡିୟମରେ ଦର୍ଶକଙ୍କ ପ୍ରବନ୍ଧନ ରାଜ୍ୟ ସରକାରଙ୍କ ଦ୍ଵାରା କରାଯିବ। ଏହି ନିର୍ଣ୍ଣୟ ପ୍ରଧାନମନ୍ତ୍ରୀଙ୍କ ଅଧ୍ୟକ୍ଷତାରେ ରାଜ୍ୟ ଓ ଆଞ୍ଚଳିକ ନେତାଙ୍କ ସହିତ ବୈଠକ ପରେ ନିଆଯିବ।

ଆଜିର ବୈଠକରେ ପ୍ରଧାନମନ୍ତ୍ରୀ ମରିସନଙ୍କ ସହିତ ମୁଖ୍ୟ ଚିକିତ୍ସା ଅଧିକାରୀ ମଧ୍ୟ ଉପସ୍ଥିତ ଥିଲେ। ଏହା ପୂର୍ବରୁ କ୍ରିକେଟ୍ ଅଷ୍ଟ୍ରେଲିଆ  ମଧ୍ୟ କହିଥିଲା ଯେ, ଯଦି ସମ୍ଭବ ହୁଏ ତେବେ ଦୁଇଟି ସ୍ଥାନରେ ହିଁ ଟେଷ୍ଟ ମ୍ୟାଚ୍‌ ଆୟୋଜନ ଉପରେ ବିଚାର କରାଯାଇ ପାରିବ। ଭାରତୀୟ ଦଳକୁ ଚଳିତ ବର୍ଷ ଶେଷ ଆଡକୁ ଅଷ୍ଟ୍ରେଲିଆ ଗସ୍ତ କରିବାର ଅଛି। ଏହି ଗସ୍ତରେ ବିରାଟବାହିନୀ ଚାରି ମ୍ୟାଚ୍ ବିଶିଷ୍ଟ ଟେଷ୍ଟ ଶୃଙ୍ଖଳା ଖେଳିବାର ଅଛି।

ଭାରତୀୟ ଦଳକୁ ନିଜର ବର୍ଡର-ଗାଭାସ୍କର ଟ୍ରଫି ବଜାୟ ରଖିବା ଲାଗି ବ୍ରିସବେନ୍‌ରୁ ଅଷ୍ଟ୍ରେଲିଆ ବିପକ୍ଷରେ ଟେଷ୍ଟ ଶୃଙ୍ଖଳା ଆରମ୍ଭ କରିବ। ଏଠାରେ ପ୍ରଥମ ଟେଷ୍ଟ ମ୍ୟାଚ୍ ଡିସେମ୍ବର ୩ରୁ ଡିସେମ୍ଵର ୭ ମଧ୍ୟରେ ଖେଳାଯିବ। ଦ୍ଵିତୀୟ ମ୍ୟାଚ୍‌ ଡିସେମ୍ବର ୧୧ ରୁ ୧୫ ଆଡିଲେଡ୍‌ରେ ଖେଳାଯିବ। ଏହି ମ୍ୟାଚ୍ ଦିବାରାତ୍ର ଖେଳାଯିବ। ଏହା ପରେ ମେଲବର୍ଣ୍ଣରେ ଡିସେମ୍ଵର ୨୬ ରୁ ୩୦ ମଧ୍ୟରେ ତୃତୀୟ ଟେଷ୍ଟ ଏବଂ ଚତୁର୍ଥ ଟେଷ୍ଟ ସିଡନୀରେ ଜାନୁଆରୀ ୩ରୁ ଖେଳାଯିବ।

ଭାରତୀୟ ଦଳ ବିଦେଶ ମାଟିରେ ସିଡନୀ କ୍ରିକେଟ୍ ଗ୍ରାଉଣ୍ଡରେ ଘରୋଇ ଅଷ୍ଟ୍ରେଲିଆ ବିରୋଧରେ ପ୍ରଥମ ଦି ଦିବାରାତ୍ର ଟେଷ୍ଟ ମ୍ୟାଚ୍ ଖେଳିବ।  

   Related Posts