Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରୋହିଙ୍ଗ୍ୟା ବିରୋଧୀ ହିଂସା ପାଇଁ ଫେସବୁକ ଦାୟୀ ! ୧୫୦ ବିଲିୟନ ପାଉଣ୍ଡର କ୍ଷତିପୂରଣ ଦେବାକୁ ମାମଲା
  • ||
  • ତୁରେଇକେଲା ବ୍ଲକରେ ମାତିଲେ ୩୦ ଟିକିଆ ହାତୀପଲ, ଭାଙ୍ଗିଦେଲେ ଘର ଛପର
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୪କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୫୧ କରୋନା ସଂକ୍ରମିତ, ୧୦୫୦୫୦୫ରେ ପହଞ୍ଚିଲା ସଂଖ୍ୟା
  • ||
  • ରାସ୍ତା କଡକୁ ଖସି ପଡିଲା ଆମ୍ବୁଲାନ୍ସ, ଅଳ୍ପକେ ବର୍ତ୍ତିଲେ କର୍ମଚାରୀ
  • ||
  • ଏଜାଜ ପଟେଲଙ୍କୁ ସ୍ୱତନ୍ତ୍ର ଉପହାର ଦେଲା ଟିମ୍ ଇଣ୍ଡିଆ, ଗୋଟିଏ ଇନିଂସରେ ସବୁ ବ୍ୟାଟରଙ୍କୁ କରିଥିଲେ ଆଉଟ୍
  • ||
  • ସୁଙ୍କି ଘାଟିରେ ଦୁର୍ଘଟଣା, ମୁହାଁମୁହିଁ ଧକ୍କା ହେଲେ ୨ ଟ୍ରକ୍
  • ||
  • ଗଜପତି : ଭିଜିଲାନ୍ସ ଜାଲରେ ନୂଆଗଡ଼ ଫରେଷ୍ଟର, ଏକକାଳୀନ ୪ଟି ସ୍ଥାନରେ ରେଡ୍
  • ||
  • ତେଲକୋଇ ରେଞ୍ଜରେ ହାତୀ ଆତଙ୍କ, ସନ୍ଧ୍ୟା ହେଲେ ଗାଁରେ ପଶି ନଷ୍ଟ କରୁଛନ୍ତି ଫସଲ
  • ||
  • ରାଜ୍ୟରେ ଏବେ ବର୍ଷା ନାହିଁ, ଶୁଖିଲା ଓ ଖରାଟିଆ ରହିବ ପାଗ
  • ||

କରୋନାରେ ଆତଙ୍କିତ ହୋଇ ଭାରତର ନିକଟତର ହେଲା ପାକିସ୍ତାନ, କହିଲା ଏକାଠି ଭୂତାଣୁର ମୁକାବିଲା କରିବାକୁ ପ୍ରସ୍ତୁତ

13/03/2020 at 7:26 PM

ନୂଆଦିଲ୍ଲୀ ୧୩।୦୩: ସମଗ୍ର ଦୁନିଆରେ କରୋନା ଭୂତାଣୁ କାରଣରୁ ୫ ହଜାରରୁ ଅଧିକ ଲୋକଙ୍କ ପ୍ରାଣହାନୀ ଘଟି ସାରିଲାଣି। ଅଦ୍ୟାବଧି ୧୦୦ରୁ ଅଧିକ ଦେଶରେ କରୋନା  ବ୍ୟାପି ସାରିଛି ଏବଂ ବିଶ୍ଵ ସ୍ଵାସ୍ଥ୍ୟ ସଂଗଠନ(WHO) ଏହାକୁ ମହାମାରୀ ଘୋଷଣା କରି ସାରିଛି। ଏହା ମଧ୍ୟରେ କରୋନାରେ ଆତଙ୍କିତ ହୋଇ ପାକିସ୍ତାନ  ମୁକାବିଲା ଲାଗି ଭାରତ ସହ ମିଶି କାମ କରିବାକୁ ସଙ୍କେତ ଦେଇଛି।

ଦ ଏକ୍ସପ୍ରେସ୍ ଟ୍ରିବ୍ୟୁନର ରିପୋର୍ଟ ଅନୁଯାୟୀ, ପାକିସ୍ତାନର ବୈଦେଶିକ ମନ୍ତ୍ରଣାଳୟର ମୁଖପାତ୍ର ଆୟଶା ଫାରୁକି ସାମ୍ବାଦିକ ସମ୍ମିଳନୀ କରି କରୋନା ଉପରେ ଭାରତ ସହିତ କାମ କରିବା ପ୍ରଶ୍ନ ଉପରେ କହିଛନ୍ତି ଯେ, ପାକିସ୍ତାନ ଏହି ଭୂତାଣୁର ମୁକାବିଲା ଲାଗି ନିଜ ପଡୋଶୀଙ୍କ ସହିତ କାମ କରିପାରେ।

ସେ ଏହା ମଧ୍ୟ କହିଛନ୍ତି ଯେ, ପାକିସ୍ତାନ ସରକାର ବହୁତ ସତର୍କତାର ସହ ସ୍ଥିତିର ନୀରିକ୍ଷଣ କରୁଛନ୍ତି ଏବଂ ପାକିସ୍ତାନ ନାଗରିକଙ୍କ ଲାଗି ଆବଶ୍ୟକ ପଦକ୍ଷେପ ଉଠାଇବ। ଆମେ ପଡୋଶୀ ଦେଶକୁ କୌଣସି ବି ସହାୟତା ପ୍ରଦାନ କରିବାକୁ ମଧ୍ୟ ପ୍ରସ୍ତୁତ।

ମୁଖପାତ୍ର କହିଛନ୍ତି ଯେ, ଏହି ଭୂତାଣୁର ସଂକ୍ରମଣକୁ ରୋକିବା ଲାଗି ସମସ୍ତ ବ୍ୟକ୍ତିଙ୍କୁ ଯଥା ସମ୍ଭବ ସାହାଯ୍ୟ କରାଯାଉଛି। ଆୟଶା କହିଛନ୍ତି ଯେ, ସବୁ ଦେଶର ପ୍ରାଥମିକତା ଏହା ରହିବା ଉଚିତ୍ ଯେ, ଏହି ଭୂତାଣୁକୁ ବ୍ୟାପିବାରୁ କେମିତି ରୋକାଯିବ।

ଉଲ୍ଲେଖଯୋଗ୍ୟ, କରୋନା ଭୂତାଣୁର ଆତଙ୍କରେ ସମଗ୍ର ବିଶ୍ଵ ଆତଙ୍କିତ। ଭାରତରେ କରୋନା ସଂକ୍ରମିତଙ୍କ ସଂଖ୍ୟା ୮୧ରେ ପହଞ୍ଚିଲାଣି। ଗତକାଲି କର୍ଣ୍ଣାଟକରେ କରୋନାରେ ପ୍ରଥମ ବ୍ୟକ୍ତିଙ୍କ ମୃତ୍ୟୁ ଘଟିଛି। ପଡୋଶୀ ଦେଶରେ କରୋନାର ବ୍ୟାପକତାକୁ ଦେଖି ପାକିସ୍ତାନ ମଧ୍ୟ ଚିନ୍ତିତ ହୋଇ ପଡିଛି। ପାକିସ୍ତାନରେ କରୋନା ସଂପର୍କିତ ୨୦ ମାମଲା ସାମ୍ନାକୁ ଆସିଛି।

   Related Posts