Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୦ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୮୩ କୋଭିଡ୍ ସଂକ୍ରମିତ, ୩୩୩୩୧୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ କମୁଛି କୋଭିଡ଼ ସଂକ୍ରମଣ, ଗତ ୨୪ଘଣ୍ଟାରେ ୧୫,୧୪୪ କରୋନା ସଂକ୍ରମିତ ଚିହ୍ନଟ
  • ||
  • ଜୟପୁର : ଚଳନ୍ତା ବସ୍‌ରେ ଲାଗିଲା ବିଦ୍ୟୁତ ତାର ; ୬ ମୃତ , ୧୭ ଗୁରୁତର
  • ||
  • ଅପରେସନ ଗ୍ରୀନ କ୍ଲିନ, ପ୍ରାୟ ୧୨ କୋଟି ଟଙ୍କାର ଗଞ୍ଜେଇ ଚାଷ ନଷ୍ଟ
  • ||
  • ଦିଲ୍ଲୀ: କରୋନା ଟିକା ନେବା ପରେ ୫୧ ଜଣଙ୍କ ଠାରେ ଦେଖାଗଲା ପାର୍ଶ୍ବ ପ୍ରତିକ୍ରିୟା
  • ||

ଭାରତ ଓ ପାକ୍ ପରସ୍ପରକୁ ଦେଲେ ବନ୍ଦୀ ନାଗରିକ ଏବଂ ମତ୍ସ୍ୟଜୀବୀଙ୍କ ସୂଚୀ

1/01/2020 at 6:07 PM

ନୂଆଦିଲ୍ଲୀ ୧।୧:  ଭାରତ ଓ ପାକ୍ ୨୦୦୮ ବୁଝାମଣା ଅନୁସାରେ ବୁଧବାର ପରସ୍ପରକୁ ଦେଶର ବିଭିନ୍ନ ଜେଲରେ ବନ୍ଧକଥିବା ସେମାନଙ୍କ ଦେଶର ନାଗରିକଙ୍କ ସୂଚୀ ଆଦାନ ପ୍ରଦାନ କରିଛନ୍ତି। ଏଥିରେ ଭାରତର ବିଭିନ୍ନ କାରାଗାରରେ ବନ୍ଦୀ ୨୬୭ ପାକିସ୍ତାନୀ ନାଗରିକ ଓ ୯୯ ମତ୍ସ୍ୟଜୀବୀଙ୍କ ସୂଚୀ ପାକିସ୍ତାନକୁ ପ୍ରଦାନ କରାଯାଇଥିବା  ବେଳେ ପାକ୍ ବିଭିନ୍ନ ଜେଲରେ ଭାରତର ୫୫ ଜଣ ନାଗରିକ ଓ ୨୨୭ ଜଣ ମତ୍ସ୍ୟଜୀବୀଙ୍କୁ ବନ୍ଦୀ ରଖିଥିବା ସୂଚିତ କରିଛି।

ସେହିପରି ରାଜନୈତିକ ଚାନେଲ ମଧ୍ୟରେ ହୋଇଥିବା ଏହି ସୂଚନା ଆଦାନପ୍ରଦାନରେ ବନ୍ଦୀମାନଙ୍କ ତୁରନ୍ତ ମୁକ୍ତିଲାଗି ଉଭୟ ପରସ୍ପରକୁ ସହାୟତା ପ୍ରଦାନ ତ୍ୱରାନ୍ୱୀତ କରିବାକୁ ବି ନିବେଦନ କରିଛନ୍ତି। ଏଥିଲାଗି ସେମାନେ ଆବଶ୍ୟକ କରୁଥିବା ବିଭିନ୍ନ ସାହାଯ୍ୟ ଓ ସହଯୋଗ ସମ୍ପର୍କରେ ମଧ୍ୟ ଜଣାଇଦେଇଛନ୍ତି। ଭାରତୀୟ ବୈଦେଶିକ ମନ୍ତ୍ରାଳୟ ଏ ସନ୍ଦର୍ଭରେ ଜାରି ଏକ ବିଜ୍ଞପ୍ତିରେ ପାକ୍ ଜେଲରେ ବନ୍ଦୀ ଭାରତୀୟ ନାଗରିକ ଓ ମତ୍ସ୍ୟଜୀବୀଙ୍କ ମୁକ୍ତି ଲାଗି ସେମାନଙ୍କୁ ତୁରନ୍ତ କନସୁଲାର ଆକ୍ସେସ୍ ଦେବାକୁ କୁହାଯାଇଛି।

ସେହିପରି ଅଟକ ଭାରତୀୟ ବନ୍ଦୀଙ୍କ ମାନସିକ ସୁସ୍ଥତା ଯାଞ୍ଚ ଲାଗି ପଡୋଶୀ ଦେଶର ଚିକିତ୍ସା ବିଶେଷଜ୍ଞଙ୍କ ଟିମ୍‌କୁ ଭିସା ପ୍ରଦାନ ଓ ସେମାନଙ୍କୁ ସୁବିଧାରେ ପାକିସ୍ତାନ ଯିବା ଲାଗି ଅନୁମତି ପ୍ରଦାନ ନିମନ୍ତେ ମଧ୍ୟ କୁହାଯାଇଛି। ଅନ୍ୟପକ୍ଷରେ ମତ୍ସ୍ୟଜୀବୀଙ୍କ ଜବତ ଡଙ୍ଗା ଓ ଅନ୍ୟାନ୍ୟ ସାମଗ୍ରୀ ଫେରାଇବାକୁ ବି ପରସ୍ପରକୁ ନିବେଦନ କରିଛନ୍ତି। ୨୦୦୮ ମସିହାର ଏହି ବୁଝାମଣା ଅନୁସାରେ ପ୍ରତିବର୍ଷ ଜାନୁୟାରୀ ପହିଲା ଓ ଜୁଲାଇ ପହିଲାରେ ଉଭୟ ଦେଶ ପରସ୍ପରକୁ ସେମାନଙ୍କ ଦେଶରେ ଉଭୟ ଦେଶର ବନ୍ଦୀଙ୍କ ସୂଚନା ଆଦାନପ୍ରଦାନ କରିଆସୁଛନ୍ତି।    

   Related Posts