Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ହରିୟାଣା : ଚଳନ୍ତା କାର ଉପରେ ଓଲଟି ପଡିଲା କଣ୍ଟେନର, ୩ ମୃତ
  • ||
  • ଅଷ୍ଟ୍ରେଲିଆକୁ ଆଉ ଏକ ଝଟକା, ଷ୍ଟାର୍କ ଆହତ, ପ୍ରଥମ ଟି୨୦ରୁ ପଡିବେ ବାଦ୍ !
  • ||
  • ବରଗଡ : ଟ୍ରକ୍‌ ସହ ଧକ୍କା ହେଲା ବରଯାତ୍ରୀ ବୋଲେରୋ, ୩ ମୃତ, ୪ ଗୁରୁତର
  • ||
  • ଭୁବନେଶ୍ୱର : ରାଜ୍ୟରେ ଆଉ ୫ କରୋନା ସଂକ୍ରମିତ ପ୍ରାଣ ହରାଇଲେ, ୧୭୫୫ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜଧାନୀରୁ ପୁଣି ବ୍ରାଉନସୁଗାର ଜବତ, ୪ ଗିରଫ
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୪୩୪ କରୋନା ସଂକ୍ରମିତ, ୩୨୦୦୧୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ନୂଆଦିଲ୍ଲୀ : MDH ମସଲାର ପ୍ରତିଷ୍ଠାତା ଧର୍ମପାଲ ଗୁଲାଟୀଙ୍କ ପରଲୋକ
  • ||
  • ଗୋପ : ଜୀବନ ଯୁଦ୍ଧରେ ହାରିଗଲେ କରୋନା ଯୋଦ୍ଧା, କୋଭିଡ୍ ପଜିଟିଭ୍ ହୋଇ ଶେଷ ନିଶ୍ୱାସ ତ୍ୟାଗ କଲେ ଏଏସଆଇ
  • ||
  • ସୋର : ଘରେ ପଶିଲେ ଦୁର୍ବୃତ୍ତ, ବାପ-ପୁଅଙ୍କୁ ଗୋଡାଇ ଗୋଡାଇ ହାଣିଲେ
  • ||
  • କୋରାପୁଟ : ମିଳିଲାନି ଜାମିନ୍, ନିଜ ବେକ କାଟିଦେଲେ କଏଦୀ, ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି
  • ||

5G ଟେକ୍ନୋଲଜି ଲାଗି ଟାଇଅପ୍ ହେବେ ଭାରତ ଓ ଜାପାନ, ସହାୟତା କରିବେ କ୍ୱାଡ୍

26/09/2020 at 5:13 PM

ନୂଆଦିଲ୍ଲୀ ୨୬।୯: ଫାଇଭ୍-ଜି ଓ ଫାଇଭ-ଜି ପ୍ଲସ୍‌ ଟେକ୍ନୋଲଜି ଲାଗି ଭାରତ ଓ ଜାପାନ ଏକସାଙ୍ଗରେ କାମ କରିବାକୁ ନିଷ୍ପତ୍ତି ନେଇଛନ୍ତି। ଏଥିଲାଗି  କ୍ୱାଡ୍ ସାମରିକ ବାର୍ତ୍ତା ସଦସ୍ୟ ଆମେରିକା, ଅଷ୍ଟ୍ରେଲିଆ ଓ ଇସ୍ରାଏଲଙ୍କ ସହାୟତା ନିଆଯିବ। ଆଗାମୀ ପିଢୀର ଟେଲିକମ୍ୟୁନିକେସନ ଟେକ୍ନୋଲଜି ଲାଗି ଜାପାନରେ ହେବାକୁ ଯାଉଥିବା କ୍ୱାଡ୍ ବୈଦେଶିକ ମନ୍ତ୍ରୀମାନଙ୍କର ବୈଠକରେ ଏ ନେଇ ଆଲୋଚନା କରାଯିବ ବୋଲି ଜଣାପଡିଛି।

ଏ ନେଇ ସରକାରୀ ସୂତ୍ରରୁ ମିଳିଥିବା ସୂଚନା ଅନୁସାରେ ଗୋଟିଏ ପଟେ ଫାଇଭ-ଜି ଓ ଫାଇଭ-ଜି ପ୍ଲସ୍‌ ଟେକ୍ନୋଲଜିର ବିକାଶ ଲାଗି ଭାରତ ଓ ଜାପାନ ଆଲୋଚନା କରିଥିବା ବେଳେ ଭାରତର ନଜର କିନ୍ତୁ ଥ୍ରୀ-ଜିପିପି ଉପରେ ଥିବା କୁହାଯାଇଛି। ଏନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶୁକ୍ରବାର ଜାପାନର ନୂଆ ପ୍ରଧାନମନ୍ତ୍ରୀ ୟୋଶିହିଦେ ସୁଗାଙ୍କ ସହ ଆଲୋଚନା କରିଛନ୍ତି। ଭାରତ ଓ ଜାପାନ ଉଭୟ ଏବେ ଚୀନ୍‌ ଆକ୍ରମକତାର ଶିକାର ହୋଇଛନ୍ତି। ଚୀନ୍‌ ସେନା ଭାରତର ଲଦ୍ଦାଖରେ ଗୁଣ୍ଡାଗିରି କରୁଥିବା ବେଳେ ଜାପନାର ସେନକାକୁ ଦ୍ୱୀପ ଉପରେ ନିଜର ଜୋର ଜବରଦସ୍ତି ଚଳାଇଛନ୍ତି। ଏଣୁ ଚୀନ୍‌ର ମୁକାବିଲା ଲାଗି ଭାରତ ଓ ଜାପାନ ଏବେ ଏକତ୍ର କାମ କରିବାକୁ ନିଷ୍ପତ୍ତି ନେଇଛନ୍ତି।

ପ୍ରଧାନମନ୍ତ୍ରୀ ମୋଦି ଓ ୟୋଶିହିଦେ ସୁଗା ଟେଲିଫୋନ ବାର୍ତ୍ତାଳାପରେ ଉଭୟ ନେତା ଆଞ୍ଚଳିକ ଓ ବୈଶ୍ୱିକ ଆହ୍ୱାନର ମୁକାବିଲା ଲାଗି ସହମତ ହୋଇଥିବା ଜଣାପଡିଛି। ଏନେଇ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ଏକ ବୟାନ ଜାରି କରାଯାଇଥିବା ବେଳେ ଜାପାନ ପ୍ରଧାନମନ୍ତ୍ରୀ ଭାବେ ୟୋଶିହିଦେ ସୁଗାଙ୍କ ନିଯୁକ୍ତିକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସ୍ୱାଗତ କରିଥିବା କୁହାଯାଇଛି।  ଜାପାନ ପ୍ରଧାନମନ୍ତ୍ରୀଙ୍କୁ ବାର୍ଷିକ ଦ୍ୱିପାକ୍ଷୀୟ ସମ୍ମିଳନୀରେ ଭାରତ ଆସିବା ଲାଗି ମୋଦି ଆମନ୍ତ୍ରଣ କରିଥିବା ବେଳେ ଏହି ବାର୍ତ୍ତାଳାପକୁ ଏକ ସଫଳ ଆଲୋଚନା ଥିଲା ବୋଲି ମୋଦି ତାଙ୍କ ଟ୍ୱିଟ୍‌ ବାର୍ତ୍ତାରେ ସୂଚିତ କରିଛନ୍ତି।  

   Related Posts