Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବଜେଟ୍ ଅଧିବେଶନ: ଜାନୁଆରୀ ୩୧ରେ ରାଷ୍ଟ୍ରପତିଙ୍କ ଅଭିଭାଷଣ, ଫେବୃଆରୀ ୧ରେ ଉପସ୍ଥାପନ ହେବ ବଜେଟ୍
  • ||
  • IPL 2022: ନିଜ ଟିମ୍‌ର ନାମ ଘୋଷଣା କଲା ଲକ୍ଷ୍ନୌ ଫ୍ରାଞ୍ଚାଇଜି, ରଖିଲା ଲକ୍ଷ୍ନୌ ସୁପର ଜିଆଣ୍ଟ୍ସ
  • ||
  • ରାଜ୍ୟରେ ସୁସ୍ଥହେଲେ ଆଉ ୧୦,୩୦୯ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୩୧୧୫ଜଣ ଡିସଚାର୍ଜ
  • ||
  • ରବିଚନ୍ଦ୍ରନ ଅଶ୍ବିନ ନିରାଶ, ଏହି ଖେଳାଳି ହେଲେ ‘ଟେଷ୍ଟ କ୍ରିକେଟର୍ ଅଫ୍‌ ଦି ଇୟର’
  • ||
  • ରାଜ୍ୟରେ ଆଉ ୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୫କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୭୨୯୧ କୋଭିଡ୍ ପଜିଟିଭ୍, ୧୨୧୧୯୫୧ରେ ପହଞ୍ଚିଲା ସଂଖ୍ୟା
  • ||
  • ଖଲ୍ଲିକୋଟ : ଅଟୋକୁ ପଛ ପଟୁ ଧକ୍କା ଦେଲା ଟ୍ରକ, ଜଣେ ମୃତ
  • ||
  • ଭୁବନେଶ୍ୱର : ୨୬ ଯାଏଁ ରାଜ୍ୟର କିଛି ସ୍ଥାନରେ କୋହଲା ପାଗ ସହ ବର୍ଷା, ସତର୍କ କଲା ପାଣିପାଗ ବିଭାଗ
  • ||
  • ଲମତାପୁଟ : ପାଡୁଆ ପୋଲିସକୁ ସଫଳତା, ୨୦ ଲକ୍ଷ ଟଙ୍କାର ଗଞ୍ଜେଇ ଜବତ
  • ||

୧୦ଭାରତୀୟ ସୈନ୍ୟଙ୍କୁ ଚୀନ୍ ମୁକ୍ତ କରିଥିବା ଖବରକୁ ନେଇ ବିବାଦ : ଭାରତୀୟ ସେନାର ଜବାବ, କୌଣସି ଯବାନ ହୋଇନାହାନ୍ତି ଅପହୃତ

19/06/2020 at 1:02 PM

ନୂଆଦିଲ୍ଲୀ ୧୯।୦୬:  ଲଦାଖର ପୂର୍ବରେ ଥିବା ଗଲଓ୍ୱାନ ଘାଟିରେ ଭାରତ-ଚୀନ୍ ମଧ୍ୟରେ ସୀମା ବିବାଦ ଦିନକୁ ଦିନ ବଢିବାରେ ଲାଗିଛି । ସୋମବାର ଦିନ ଘଟିଥିବା ହିଂସାତ୍ମକ ମୁକାବିଲାରେ ଉଭୟ ପକ୍ଷରୁ ସୈନ୍ୟ ମୃତାହତ ହୋଇଛନ୍ତି  । ଯାହାକୁ ନେଇ ଉଭୟ ଦେଶଙ୍କ ମଧ୍ୟରେ ଯୁଦ୍ଧ ଭଳି ସ୍ଥିତି ଦେଖାଦେଇଛି । ନିଜର ସବୁବେଳେ ବିସ୍ତାରବାଦୀ ନୀତି ଆପଣାଉଥିବା ବେଜିଂ ମଧ୍ୟ ଏଥର ଲଦାଖରେ ସେହି ଚାଲ୍‌ ଖେଳିଛି । ଯେଉଁ ଅଞ୍ଚଳରେ ଭାରତୀୟ ସେନା ପୂର୍ବରୁ ମୁତୟନ ଅଛନ୍ତି । ସେହି ଅଞ୍ଚଳ ଓ ସୀମା କ୍ଷେତ୍ରକୁ ନିଜ ଅଞ୍ଚଳ ବୋଲି ଦାବି କରିଛି ଚୀନ୍‌ । ଯାହାକୁ ନେଇ ସୋମବାର ଦିନ ଏଭଳି ଘଟଣା ଘଟିଥିଲା । ସୋମବାର ବିଳମ୍ବିତ ରାତିରେ ହୋଇଥିବା ଘଟଣାରେ ଭାରତର ୨୦ଜଣ ଯବାନ ସହିଦ ହୋଇଥିବା ବେଳେ  ଚୀନ୍‌ର ୪୦ରୁ ଅଧିକ ଯବାନ ମୃତାହତ ହୋଇଥିବା ଖବର ଜାତୀୟ ଗଣମାଧ୍ୟମରେ ଚର୍ଚ୍ଚା ହେଉଛି । କିନ୍ତୁ ଚୀନ୍‌ ପକ୍ଷରୁ ବର୍ତ୍ତମାନ ପର୍ଯ୍ୟନ୍ତ କୌଣସି ସ୍ପଷ୍ଟ ସୂଚନା ଦିଆଯାଇନାହିଁ । କିନ୍ତୁ ଏବେ ଚୀନ୍‌ ଭାରତର ୧୦ଯବାନଙ୍କୁ ଛାଡିଥିବା କଥା କହିଛି । ଯାହାକି ଜାତୀୟ ଗଣମାଧ୍ୟମରେ ପୁଣି ଥରେ ଚର୍ଚ୍ଚା ହେଉଛି ।

ଚୀନ୍‌ ଏହା ମଧ୍ୟ ଦାବି କରିଛି ଯେ ସମସ୍ତ ଯବାନ ଗଲଓ୍ୱାନ ଘାଟିର ଘଟଣା ଦିନଠାରୁ ଚୀନ୍‌ କ୍ୟାମ୍ପରେ ରଖାଯାଇଥିଲା । ସମସ୍ତ ଯବାନଙ୍କୁ ବନ୍ଦ କରାଯାଇରହିଥିଲା । ସେମାନଙ୍କ ମଧ୍ୟରେ ଦୁଇ ଜଣ ମେଜର ରାଙ୍କର ଅଫିସର ରହିଛନ୍ତି । ସୋମବାର ଘଟଣା ପରେ ଦୁଇ ଦେଶ ମଧ୍ୟରେ ମେଜର ସ୍ତରୀୟ କଥାବାର୍ତ୍ତା ହୋଇଥିଲା । ଏବଂ ମେଜର ସ୍ତରୀୟ ଆଲୋଚନା ପରେ  ଦୁଇ ଜଣ ମେଜରଙ୍କ ସମେତ ୧୦ଜଣ ଯବାନଙ୍କୁ  ଛାଡିଦେଇଛି ବୋଲି ଚୀନ୍‌ ଦାବି କରିଛି । କିନ୍ତୁ ଚୀନ୍‌ ସେନାର ଏହି ଦାବିକୁ ଭାରତୀୟ ସେନା ଖାରଜ କରିଦେଇଛି । ଚୀନ୍‌ର ଏପରି କଥା କୌଣସି ସତ୍ୟତା ନାହିଁ । ଆମର କୌଣସି ଯବାନ ଚୀନ୍‌ ସେନା ନିୟନ୍ତ୍ରଣରେ ନଥିଲେ ବୋଲି ଭାରତୀୟ ସେନା ସ୍ପଷ୍ଟ କରିଦେଇଛି ।

ସୂଚନାଯୋଗ୍ୟ ଯେ, ଗଲଓ୍ୱାନ୍‌ ଘାଟିକୁ ନେଇ ଚୀନ୍‌ ନିଜର କହୁଛି । କିନ୍ତୁ ଗଲଓ୍ୱାନ୍‌ ଘାଟିଟି ହେଉଛି ଭାରତ ବୋଲି ଚୀନ୍‌ ଭୁଲିଯାଇଛି । ଚୀନ୍‌ର ସଦାସର୍ବଦା ନିଜର ବିସ୍ତାରବାଦୀ ନୀତି ଓ ଅନ୍ୟ ଦେଶର ସୀମାରେ ପ୍ରବେଶ କରି ନିଜ ଅଞ୍ଚଳ ବୋଲି ଦାବି କରିବା ଏଇଟା କିଛି ନୂଆ କଥା ନୁହେଁ । ନିକଟ ଅତୀତରେ ଏପରି ଅନେକ ଘଟଣା ରହିଛି । ଭାରତ ସହିତ ମଧ୍ୟ ଆଗରୁ ଏପରି ଅନେକ ଥର ଘଟଣା ଘଟିଯାଇଛି । ଡୋକଲାମ୍‌ , ମଣିପୁର, ଆସାମ, ଆରୁଣାଚଳ ପ୍ରଦେଶରେ କିଛି ଅଞ୍ଚଳକୁ ଚୀନ୍‌ ସର୍ବଦା ନିଜର ବୋଲି ଦାବି କରିଆସୁଛି । ଏପରିକି ଭାରତୀୟ ସୀମାରେ ଭାରତ ଯେକୌଣସି କାର୍ଯ୍ୟ ସବୁବେଳେ ବାଧା ଦେଇସାଇଛି ବେଜିଂ । କିନ୍ତୁ ଭାରତ ସବୁବେଳେ ଏହାର ଦୃଢ ଜବାବ ଦେଇଛି ।  ଚୀନ୍‌ ଏବେ ନୂଆ ଚାଲ୍‌ ଖେଳୁଛି । ବିଶ୍ୱରେ ଭାରତ ଅଲଗା ଛବି ଓ ଏବଂ ନିଜର ଭାବମୃତ୍ତି ଭଲ କରିବାକୁ ଉଦ୍ୟମ କରୁଛି । କିନ୍ତୁ ଭାରତ ତାର ସମସ୍ତ ଉଦ୍ୟମକୁ ବିଫଳ କରିଦେଉଛି । ଯେଉଁଥିପାଇଁ ଚୀନ୍‌ ସବୁବେଳେ ରକ୍ତଚାଉଳ ଚୋବାଉଛି ।

ସେହିପରି ନିଜର ମିତ୍ର ରାଷ୍ଟ୍ର ପାକିସ୍ତାନକୁ ଅନ୍ତର୍ଜାତୀୟ ସ୍ତରରେ ସବୁବେଳେ ସମର୍ଥନ ଦେଇଆସିଛି । ବିଭିନ୍ନ ଫୋରମ୍‌ରେ ପାକିସ୍ତାନର ପ୍ରକୃତ ମୁଖା ଖୋଲିଛି ଭାରତ । କିନ୍ତୁ ଚୀନ୍‌ ତାକୁ ସଦାସର୍ବଦା ଘୋଡାଇବାକୁ ହୀନ ଉଦ୍ୟମ କରୁଛି ।    

   Related Posts