Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୁଣି ନକଲି ଘିଅ କାରଖାନାରେ ରେଡ୍‌, ମାଲିକ ଫେରାର
  • ||
  • ବିଧାନସଭା ଆଗରେ ମାଆ ଓ ପୁଅଙ୍କ ଆତ୍ମାହୁତି ଉଦ୍ୟମ ଘଟଣା: ସ୍ପଷ୍ଟୀକରଣ ରଖିଲା ଜଗତସିଂହପୁର ପୋଲିସ
  • ||
  • ଲିଭର ପ୍ରତ୍ୟାରୋପଣ ପାଇଁ ସମ୍‌ ହସ୍ପିଟାଲ ଓ ଏସିଆନ ଇନ୍‌ଷ୍ଟିଚ୍ୟୁଟ୍‌ ଅଫ ଗ୍ୟାଷ୍ଟ୍ରୋଏନଟେରୋଲୋଜି (ଏଆଇଜି ) ମଧ୍ୟରେ ବୁଝାମଣା ସ୍ଵାକ୍ଷରିତ
  • ||
  • ଆନ୍ଦୋଳନରତ କୃଷକଙ୍କୁ ଗୃହ ମନ୍ତ୍ରୀ ଶାହାଙ୍କ ସନ୍ଦେଶ, ସରକାର ଆପଣଙ୍କ ଦାବି ଓ ସମସ୍ୟା ଉପରେ ଆଲୋଚନା କରିବାକୁ ପ୍ରସ୍ତୁତ
  • ||
  • ଡିସେମ୍ବର ମାସ ପାଇଁ ଗାଇଡ୍‌ ଲାଇନ୍ ଜାରି କଲେ ରାଜ୍ୟ ସରକାର
  • ||
  • ଭାଇ ହେଲା ଭଗାରୀ: ଜମିବାଡି ଲୋଭରେ ନିଜ ରକ୍ତ ସଂପର୍କର ଭାଇ-ପୁତୁରାକୁ ଦେଲା ହାଣି
  • ||
  • ଅଭୟକାନ୍ତଙ୍କ ଲିଙ୍କ୍‌ର ଖୋଳତାଡ଼: ସମସ୍ତଙ୍କୁ ଯିବ ନୋଟିସ୍, କିଏ ବଫାଦାର- କିଏ ଗଡ଼ ଫାଦର?
  • ||
  • ପରୀ ହତ୍ୟା ମାମଲା: ଅରୁଣ ବୋଥ୍ରାଙ୍କ ନେତୃତ୍ବରେ ୫ ଜଣିଆ ଏସ୍‌ଆଇଟି ଟିମ୍‌ ଗଠିତ, ହାଇକୋର୍ଟଙ୍କୁ ଅବଗତ କଲେ ସରକାର
  • ||
  • ସୋର : ବେଙ୍ଗାଲୁରୁରୁ ଲୁଟ୍ ହୋଇଥିବା ୪ଲକ୍ଷ ଟଙ୍କା ମିଳିଲା ଚାଉଳ ଡବାରୁ
  • ||
  • ତେଲକୋଇ : ମଞ୍ଚାରେ ଶୋଇଥିବା ବେଳେ ଲାଗିଗଲା ନିଆଁ, ପୋଡି ହୋଇ ମହିଳା ଗୁରୁତର
  • ||

ଏନଡିଏ-ମହାମେଣ୍ଟ ମଧ୍ୟରେ ଜାରି ରହିଛି କଡା ଟକ୍କର, ବିହାରରେ କିଙ୍ଗ ମେକର ହୋଇ ପାରନ୍ତି ନିର୍ଦ୍ଦଳୀୟ

10/11/2020 at 10:11 PM

ପାଟନା ୧୦।୧୧: ବିହାର ବିଧାନସଭା ନିର୍ବାଚନରେ ଏବେ ବି ବିଜେପି-ଜେଡିୟୁ ଏନଡିଏ ଏବଂ ଆରଜେଡି-କଂଗ୍ରେସର ମହାମେଣ୍ଟ ମଧ୍ୟରେ କଡା ଟକ୍କର ଦେଖିବାକୁ ମିଳୁଛି। ପ୍ରତି ମୁହୂର୍ତ୍ତରେ ବଦଳୁଥିବା ସମୀକରଣ ଦେଖି ଦୁଇ ପକ୍ଷଙ୍କ ମଧ୍ୟରେ ଉତ୍କଣ୍ଠା ବଢିବାରେ ଲାଗିଛି। ବିଳମ୍ବିତ ରାତ୍ର ସୁଦ୍ଧା ଚୂଡାନ୍ତ ଫଳାଫଳ ଆସିବାର ସମ୍ଭାବନା ରହିଛି। ଯଦି ମୁକାବିଲା ବରାବର ସ୍ଥିତିରେ ରହେ ତେବେ ନିର୍ଦ୍ଦଳୀୟ ପ୍ରାର୍ଥୀ କିଙ୍ଗ ମେକର ଭୂମିକାରେ ଅବତ୍ତୀର୍ଣ୍ଣ ହୋଇ ପାରନ୍ତି।

ନିର୍ବାଚନ ଆୟୋଗ ଅନୁଯାୟୀ, ବର୍ତ୍ତମାନ ଚକରି ବିଧାନସଭା ଆସନରୁ ନିର୍ଦ୍ଦଳୀୟ ପ୍ରାର୍ଥୀ ସୁମିତ କୁମାର ସିଂହ ଆଗରେ ଅଛନ୍ତି। ଏହି ଆସନରେ ଦ୍ଵିତୀୟରେ ଆରଜେଡି ପ୍ରାର୍ଥୀ ସାବିତ୍ରୀ ଦେବୀ ଅଛନ୍ତି। ୨୦୧୫ ନିର୍ବାଚନରେ ସାବିତ୍ରୀ ଦେବୀ ଏଠାରେ ୧୨  ହଜାରରୁ ଅଧିକ ଭୋଟ୍‌ରେ  ଜିତିଥିଲେ। ସେହି ପରି ସିକଟା ବିଧାନସଭାରୁ ନିର୍ଦ୍ଦଳୀୟ ପ୍ରାର୍ଥୀ ଦୀଲିପ ବର୍ମା ଅଗ୍ରଣୀ ହାସଲ କରିଛନ୍ତି। ଏହି ଆସନରେ ଦ୍ଵିତୀୟରେ ରହିଛନ୍ତି ସିପିଆଇ ପ୍ରାର୍ଥୀ ବୀରେନ୍ଦ୍ର ପ୍ରସାଦ ଗୁପ୍ତା। ଗତ ବିଧାନସଭା ନିର୍ବାଚନରେ ଏହି ଆସନରେ ଜେଡିୟୁର ଖୁର୍ସିଦ ଓରଫ ଫିରୋଜ ଅହମ୍ମଦ ବିଜୟୀ ହୋଇଥିଲେ। ଯଦି ଏନଡିଏ ଓ ମହାମେଣ୍ଟ ମଧ୍ୟରେ ଆସନ ସମାନ ରହେ ତେବେ ଏହି ଦୁଇ ନିର୍ଦ୍ଦଳୀୟ ପ୍ରାର୍ଥୀଙ୍କ ଗୁରୁତ୍ଵ ବହୁତ ବଢିଯିବ। ଯାହାଙ୍କୁ ସମର୍ଥନ ଦେବେ ସେ ହିଁ ସରକାର ଗଢିବ।

ବିହାର ବିଧାନସଭା ନିର୍ବାଚନରେ ପୂର୍ବେ କେବେ ନିର୍ଦ୍ଦଳୀୟ ବିଧାୟକଙ୍କ ମହତ୍ଵ ନଥିଲା। ହେଲେ ୧୯୯୦ର ବିଧାନସଭା ନିର୍ବାଚନରେ ୩୦ ଆସନ ନିର୍ଦ୍ଦଳୀୟଙ୍କ ଖାତାକୁ ଯାଇଥିଲା। ସେହି ସମୟରେ ମୋଟ୍ ଆସନ ସଂଖ୍ୟା ୩୨୪ ରହିଥିଲା। ହେଲେ କୌଣସି ଦଳକୁ ପୂର୍ଣ୍ଣ ବହୁମତ ନମିଳିବାରୁ ନିର୍ଦ୍ଦଳୀୟ ପ୍ରାର୍ଥୀଙ୍କୁ କେହି ପଚାରିନଥିଲେ। କିନ୍ତୁ କଂଗ୍ରେସକୁ ବିରୋଧ କରିବା ନାମରେ ଲାଲୁଙ୍କ ସହିତ ମିଶି ସମସ୍ତ ଦଳ ସରକାର ଗଢିଥିଲେ।

୨୦୦୦ରେ ନିର୍ଦ୍ଦଳୀୟଙ୍କ ସାହାଯ୍ୟରେ ହୋଇଥିଲା ସରକାର

୨୦୦୦ ବିଧାନସଭା ନିର୍ବାଚନରେ ପ୍ରଥମ ଥର ନିର୍ଦ୍ଦଳୀୟ ବିଧାୟକଙ୍କ ସାହାଯ୍ୟରେ ନୀତିଶ କୁମାର କେବଳ ସାତ ଦିନ ବିହାରର ମୁଖ୍ୟମନ୍ତ୍ରୀ ହୋଇଥିଲେ। ହେଲେ ସରକାର ଭାଙ୍ଗିବା ପରେ ରାବଡୀ ଦେବୀ ବିହାରର  ମୁଖ୍ୟମନ୍ତ୍ରୀ ହୋଇଥିଲେ। ସେହି ସମୟରେ ସ୍ଵାଧୀନ ବିଧାୟକଙ୍କ ଗୁରୁତ୍ଵ ଏତେ ରହିଥିଲା ଯେ, ମନ୍ତ୍ରୀ ପଦ ମଧ୍ୟ ଯଚା ଯାଉଥିଲା।

ବର୍ତ୍ତମାନର ସ୍ଥିତି ବର୍ତ୍ତମାନ ନିର୍ବାଚନ ଆୟୋଗଙ୍କ ଆନୁଷ୍ଠାନିକ ସୂଚନା ଅନୁଯାୟୀ, ବିଜେପି ୭୩, ଜେଡିୟୁ ୪୧, ଆରଜେଡି ୭୫, କଂଗ୍ରେସ ୨୦, ଏମଆଇଏମଆଇଏମ ୫, ବହୁଜନ ସମାଜ ପାର୍ଟି ୧, ସିପିଆଇ ୩, ସିପିଆଇଏମ ୩, ସିପିଆଇ ଏମଏଲ ୧୩, ହମ ୩, ନିର୍ଦ୍ଦଳୀୟ ୨, ଭିଆଇପି ୫ ଆସନରେ ଅଗ୍ରଣୀ ହାସଲ କରିଛି।

   Related Posts